ننتظر تسجيلك هـنـا

كلمة الادارة قررت الادارة غلق الأقسام السياسية وحذف كل مايمت للسياسة بصلة في اي من أقسام المنتدى وكذلك التواقيع والصور الرمزية وذلك الى حين .. واي موضوع مخالف سوف يتم حذفه دون الرجوع لصاحبه فرجاء الالتزام بذلك وشكرا

« آخـــر الــمــواضــيــع »
         :: المترو: فائض الإيرادات 15 مليون جنيه شهريًا (آخر رد :دكتور علاء)       :: إحالة مغتصب "طفلة البامبرز" بالدقهلية إلى "الجنايات" (آخر رد :زهرة فى خيالى)       :: شارك موقعك مع أصدقائك داخل Google Maps (آخر رد :دكتور علاء)       :: تقرير يكشف استخدام رقائق الألومنيوم فى تخفيف الألم (آخر رد :دكتور علاء)       :: تهشم 5 سيارات ملاكى إثر انهيار عقار فى جاردن سيتى (آخر رد :دكتور علاء)       :: زلزال يضرب مصر بقوة 3.3 على مقياس ريختر مركزه العاشر من رمضان (آخر رد :دكتور علاء)       :: "الإفتاء" توضح حكم الشرع فى أرباح الإيداع البنكى والبريدى وشهادات الاستثمار (آخر رد :دكتور علاء)       :: زيادة سعر تذكرة المترو لجنيهين و150 قرشا للأنصاف وجنيه لذوى الاحتياجات الخاصة (آخر رد :زهرة فى خيالى)       :: فيلم "نداء الواجب" وزارة الدفاع المصرية (آخر رد :حسام الدين بهي الدين)       :: بالفيديو والصور.. الإرهاب يضرب بريطانيا.. تبادل إطلاق نار بمحيط مجلس العموم (آخر رد :زهرة فى خيالى)      



همسات مصرية موضوعات مصرية متنوعة

إضافة رد
 
أدوات الموضوع انواع عرض الموضوع
قديم 29-09-2013, 05:26 PM   #1
كبار الشخصيات
مؤسس قسم مصر التي في خاطري


الصورة الرمزية سامي
سامي غير متواجد حالياً

بيانات اضافيه [ + ]
 رقم العضوية : 28
 تاريخ التسجيل :  Feb 2007
 أخر زيارة : 29-05-2016 (12:41 PM)
 المشاركات : 1,818 [ + ]
 التقييم :  405
لوني المفضل : #B45F04
آخـر مواضيعي

التوقيت

 

افتراضي حكاوي القهاوي




اضغط على الصورة لرؤيتها بالحجم الطبيعي



مقدمة

حكاوي القهاوي

دردشة بين جمع من الناس في كل الموضوعات
دردشة غير محددة بمكان

فهي تتم مثلا في النوادي و في مكان العمل
او في طوابير الانتظار

دردشة ممكن تتم في وسيلة مواصلات قطار
او اتوبيس او ميكروباص

و هي قطعا تتناول احداث الساعة و ما يشغل بال الناس
مثلا اسعار اللحوم او الحديث عن الفساد
او التعليم و الامتحانات
او ماتش كورة او مثلا عن الانتخابات

او بعض المواقف التي نصادفها
سواء كانت مواقف صعبة او محرجه

عرفتوا حصل ايه امبارح
او كيف قضينا يوم الاجازة
او انا قريت موضوع مهم
جكاوي بلا مقدمات و ردود بلا القاب
كما يقولون البساط احمدي


reputation

الموضوع الأصلي : حكاوي القهاوي || الكاتب : سامي || المصدر : أكاديمية همس الثقافية

 



 

 توقيع :


التعديل الأخير تم بواسطة هناء مصطفى ; 10-11-2013 الساعة 10:41 PM

رد مع اقتباس
قديم 29-09-2013, 05:30 PM   #2
كبار الشخصيات
مؤسس قسم مصر التي في خاطري


الصورة الرمزية سامي
سامي غير متواجد حالياً

بيانات اضافيه [ + ]
 رقم العضوية : 28
 تاريخ التسجيل :  Feb 2007
 أخر زيارة : 29-05-2016 (12:41 PM)
 المشاركات : 1,818 [ + ]
 التقييم :  405
لوني المفضل : #B45F04
آخـر مواضيعي

التوقيت

 

افتراضي رد: حكاوي القهاوي






فاكرين زمان برنامج في الاذاعة
يبدأ بجملة
لي صديق فيلسوف
باقوال الحكماء شغوف

انا لي صديق سالته عن رايه في ازمة اللحوم

تعجب مني و قال : قطعا هي مش ازمة عجول
لكن الازمة تكمن في العقول

و اكيد في طمع تجار و مستوردين و بلاش نقول جزارين
دول دايما ماسكين سكاكين

فهمني يا صديقي الحل ازاي

ابتسم صديقي و قال : الحل مع شركات المحمول

ان الحكومة تعمل تراخيص لتربية الابقار و تسمين العجول

و كل شركة محمول تعمل مزرعة
و تعمل اعلانات و شعار جديد
بدل من موبايل لكل مواطن
نخليها بقرة لكل مواطن
كلها سنة او سنتين
و الناس بدل ما تشحن دقائق تشحن بروتين

هههههههههههه
اما انت صحيح فيلسوف
فكرتني اللي قال خدوا الحكمة من اصحاب العقول



 



رد مع اقتباس
قديم 29-09-2013, 07:51 PM   #3
فراشة
كبار الشخصيات


الصورة الرمزية هناء مصطفى
هناء مصطفى غير متواجد حالياً

بيانات اضافيه [ + ]
 رقم العضوية : 8413
 تاريخ التسجيل :  Apr 2011
 أخر زيارة : 18-10-2016 (01:01 AM)
 المشاركات : 11,772 [ + ]
 التقييم :  1081
لوني المفضل : #B45F04
آخـر مواضيعي

التوقيت

 

افتراضي رد: حكاوي القهاوي




أستاذ سامي
إسأل الفيلسوف عن دواء للأحزان وهل يصلح النسيان؟؟؟
من فضلك واحد شاي خفيف بالنعناع

ا



 

 توقيع :


اضغط على الصورة لرؤيتها بالحجم الطبيعي


رد مع اقتباس
قديم 29-09-2013, 08:11 PM   #4
فراشة
كبار الشخصيات


الصورة الرمزية هناء مصطفى
هناء مصطفى غير متواجد حالياً

بيانات اضافيه [ + ]
 رقم العضوية : 8413
 تاريخ التسجيل :  Apr 2011
 أخر زيارة : 18-10-2016 (01:01 AM)
 المشاركات : 11,772 [ + ]
 التقييم :  1081
لوني المفضل : #B45F04
آخـر مواضيعي

التوقيت

 

افتراضي رد: حكاوي القهاوي




طرح بروعة شخصك وفكرك أستاذ سامي
وليت هذا المقهى يجمعنا في جلسات سمر
ممكن نسمع سوا حدوتة مصرية؟




 



رد مع اقتباس
قديم 29-09-2013, 10:56 PM   #5
كبار الشخصيات
مؤسس قسم مصر التي في خاطري


الصورة الرمزية سامي
سامي غير متواجد حالياً

بيانات اضافيه [ + ]
 رقم العضوية : 28
 تاريخ التسجيل :  Feb 2007
 أخر زيارة : 29-05-2016 (12:41 PM)
 المشاركات : 1,818 [ + ]
 التقييم :  405
لوني المفضل : #B45F04
آخـر مواضيعي

التوقيت

 

افتراضي رد: حكاوي القهاوي




حدوتة مصرية

عارفين اللي طالع جبل و يوصل لقمته
كان يبقي حلو لو عاش علي قمة الجبل

بيقولوا صعب ان تصل الي القمة
و لكن الاصعب ان تحافظ عليها

بلغة العلم
اللي درس فيزياء او رياضيات و رسم منحنيات
و رسم الحركة الموجيه
يعرف ان الموجه ليها طول و تردد
و نهايات عظمي و صغري
و هي التي تحدث عندها نقطة
الانقلاب

و نسيب لغة العلم الي لغة اهل البلد

لما الواحد يبقي ماشي
و مرة وحدة يعمل شلقباظ
يتشقلب
تبقي ايديه علي الارض
و رجليه فوق

هو ده اللي حصل لنا
خطوة خطوة

ازاي حصل

نحاول نفهم ايه اللي جرالنا
بداية الحدوتة كانت اكتوبر و العبور العظيم

الشعب اللي واقف علي باب النهار
اللي فرب بصموده طريق الانتصار

هو نفسه الشعب
اللي واقف علي باب السفارات
منتظر تاشيرة الخروج

بعدها بسنة او سنتين
مصر بقت تتكلم عربي

و عاشت الوحدة العربية
في شارع جامعة الدول العربية
و الدقي و المهندسين

و جانا الامريكان
بومبي و كنتاكي و البيبسي و الكوكاكولا
و السجاير الاجنبيه

عشنا الانفتاح السداح مداح
و لغة السماسرة
و البيه البواب

فاكرين فيلم بيحكي عن سرقة الهرم
و في نهايته سرقوا النيل

فاكرين فيلم انتبهو ايها السادة
هو ده
اللي حصل

ازاي
نعرف مع

للحدوتة بقية



 



رد مع اقتباس
قديم 29-09-2013, 11:03 PM   #6
كبار الشخصيات
مؤسس قسم مصر التي في خاطري


الصورة الرمزية سامي
سامي غير متواجد حالياً

بيانات اضافيه [ + ]
 رقم العضوية : 28
 تاريخ التسجيل :  Feb 2007
 أخر زيارة : 29-05-2016 (12:41 PM)
 المشاركات : 1,818 [ + ]
 التقييم :  405
لوني المفضل : #B45F04
آخـر مواضيعي

التوقيت

 

افتراضي رد: حكاوي القهاوي




بسم الله .. الله اكبر

ايام الحرب كانت كل البلد
بقلوبها مع جيشها
علي خط النار

المدارس مافيش ابتدائي و لا اعدادي
و مافيش دراسة بالجامعه
كانت الدراسة في الثانوي بس
يمكن كان لينا دور
كتير من المدارس الثانوي كانت عسكرية

بسم الله .. الله اكبر


مش كان فيه سكر نشرب بيه الشاي
بس كان اجمل شاي شربناه في الايام دي

الكل راح المستشفيات يتبرع بالدم
و يزور ابطالنا المصابين في الحرب


عشنا ايامها الفرحة من قلوبنا
جيشنا بيحارب و قلوبنا معاه
في بيت كل شهيد كانت زغاريد الفرح

بسم الله .. الله اكبر


مافيش جرائم و لا سرقات
و لا خناقات بين الناس و بعضها
الالم اللي كان جوه الصدور
تحول الي سلام و فرح في العيون


عبد الحليم غني
عاش .. عاش اللي قال
الكلمة بحكمة في الوقت المناسب
و عاش العرب اللي في ليلة اصبحوا
ملايين بتحارب

و عفاف راضي بتغني مصر هي امي
و وردة بتغني علي الربابه
و شاديه للامورة الحلوة
اللي راحت تجيب ورد و سكر
تعمل شربات لابطالنا

و شريفة فاضل بتغني
ابني حبيبي يا نور عيني
بيضربوا بيه المثل
ام البطل الشهيد
في حرب اكتوبر

يسم الله .. الله اكبر

كانت اجمل اناشيد المجموعه

و اتفرجنا عليهم
جيش الدفاع الاسرئيلي
اسري قاعدين علي الارض

و شفنا كمان سيدة مصر الاولي

ايامها بقي عندنا سيدة اولي
اشمعنا امريكا فيها سيدة اولي

صور في التليفزيون و الجرايد
و السيدة الاولي بتزور الجرحي
و توزع عليهم هدايا

ام كلثوم ست الكل
كوكب الشرق كانت مريضة
كان ليها مشروع خيري باسمها

سيدة مصر الاولي عملت مشروع
باسم الوفاء و الامل
و المشروعين دخلوا في بعض

ازاي
.. حكم القوي


العرب ايام الحرب ..
منعوا ضخ البترول
و وقف تصديره للغرب

كان سعر برميل البترول ايامها 4 دولار
بعني كان 2 جنيه مصري
يعني كان حاجه ببلاش كده

بعد الحرب قفز سعر البترول
الي 11 دولار
و الي 30 دولار
لحد ما وصل 40 دولار

و النتيجة
دول البترول بعد الحرب
اصبحت دول تنعم في الثراء

من هنا كانت البدايه
حاربنا عشان نحرر ارضنا
و ساهم اشقائنا العرب في حربنا

ابن البلد
حار ب و انتصر ..
بالجهد و العرق ...
بالروح و الدم

و ناس تانيه كسبت
المال و الجاه و الثراء
و للحدوتة بقية





 



رد مع اقتباس
قديم 30-09-2013, 02:10 AM   #7
كبار الشخصيات
مؤسس قسم مصر التي في خاطري


الصورة الرمزية سامي
سامي غير متواجد حالياً

بيانات اضافيه [ + ]
 رقم العضوية : 28
 تاريخ التسجيل :  Feb 2007
 أخر زيارة : 29-05-2016 (12:41 PM)
 المشاركات : 1,818 [ + ]
 التقييم :  405
لوني المفضل : #B45F04
آخـر مواضيعي

التوقيت

 

افتراضي رد: حكاوي القهاوي




اقتباس:
المشاركة الأصلية كتبت بواسطة فراشة مشاهدة المشاركة
أستاذ سامي
إسأل الفيلسوف عن دواء للأحزان وهل يصلح النسيان؟؟؟
من فضلك واحد شاي خفيف بالنعناع

ا
ساألت الفلبسوف عن الحزن
احتار في البحث
بين اقوال الحكماء
و فتح جوجل و كل محركات البحث
و دور في كل روشتات الاطباء
و رجع قال
الحزن مكتوب علي كل انسان
يمكن بسبب الفراق
او الغدر و الخيانة
لكن في كل الاحوال
لا يعرف طعم السعاده
الا من عرف الحزن

نسيب الحزن و النسيان
و اتفضلي يا استاذة فراشة
شاي بالنعناع

اضغط على الصورة لرؤيتها بالحجم الطبيعي



 



رد مع اقتباس
قديم 30-09-2013, 12:21 PM   #8
كبار الشخصيات
مؤسس قسم مصر التي في خاطري


الصورة الرمزية سامي
سامي غير متواجد حالياً

بيانات اضافيه [ + ]
 رقم العضوية : 28
 تاريخ التسجيل :  Feb 2007
 أخر زيارة : 29-05-2016 (12:41 PM)
 المشاركات : 1,818 [ + ]
 التقييم :  405
لوني المفضل : #B45F04
آخـر مواضيعي

التوقيت

 

افتراضي رد: حكاوي القهاوي




انتصرنا في الحرب
لكن لسه الارض محتلة
و كان طريق تحريرها بالمفاوضات

كان فيه الثغرة لقوات العدو
في غرب القناة
لكننا كنا محاصرينها

تم فك الاشتباك بين القوات
و انتهت الثغرة

و ظهرت امريكا و كيسنجر و سياسة
الخطوة خطوة

و مرت سنة علي الحرب

حلوة يا مصر

اهلك الطيبين عايشين .. و مستورين
كان قرش صاغ واحد .. 10 مليمات
ثمن تذكرة الاتوبيس من أي مكان لاي مكان
يعني اللي عايز يخرج في مشوار
كفايه يكون في جيبه عشرة صاغ

و الست تروح السوق و معاها 5 قروش
تشتري الخضار
و يفضل معاها تشتري العيش كمان

حلوة يا مصر

الميه ببلاش
و ايجار الشقة في الشهر
من 2 جنيه الي 5 جنيه
و النور بكام
مش تحسبها
قول كده في الشهر 15 او 16 قرش

يعني خريج الجامعه
و المدرس اللي مرتبه 20 جنيه
كان عايش مبسوط

حلوة يا مصر

الاسعار علي قد دخلنا
و محدش في بلدنا يبات من غير عشا

و لا هم في التعليم
لا دروس خصوصية
و لا كتب خارجيه

دفعنا في الجامعه 4 جنيهات
كانت هي كل الرسوم الدراسيه

حلوة يا مصر

بس فيه زحمة في الشوارع
اخوانا العرب جايين اجازة
بعربياتهم الياياني و الامريكاني
الكابرس و الداتسون و المازدا

اخوانا العرب معانا في الجامعه
من الكويت و ليبيا و السعوديه و الامارات

اهلا و سهلا بيهم في بلدهم مصر
صحيح دخلوا الكليه اللي عايزينها
من غير شرط المجموع
بس دول ضيوف عندنا
اهلا و سهلا بيهم

بس دول بياخدوا دروس خصوصية
الكورس ب 150 جنيه

يا خبر
حتة واحدة 150 جنيه
دول كنا نشتري بيهم ارض

دول جايين الجامعه في عربيات
مش بيركبوا زينا مواصلات

براحتهم
ناس معاها فلوس
مش فارقه معانا حاجه

المدرسين سافروا اعارة
ربنا معاهم في غربتهم

الاسطي حسن قفل ورشته
جاله عقد في الكويت

ربنا معاه يرجع لاولاده و بيته بالسلامه

شيخ الغفر ساب البندقية
و راح يشتعل حارس فيلا في الكويت
بواب يعني

ابو محمد و ابو ابراهيم
اخدوا ولادهم و مسافرين العراق
يزرعوا ارض هناك
هو ده الكلام الصح
العراق دولة عربيه
و كلنا عرب

الناس بتسافر ليبيا علي عربيات
من ميدان العتبه
زي ما يكونوا مسافرين لطنطا

يا سلام لما المصريين يسافروا
و يشتغلوا في بلاد عربيه
مش كلنا عرب
و الحدود بينا صنعها الاستعمار

كل مهن المعمار سافرت
اصل دول البترول فيها فلوس كتير
و المرتبات هناك عاليه

الجامعه فيها حركة
محاضرات و سكاشن
لكن كمان
مليانه مجلات حائط
شباب بيعبر عن رايه
من غير قلق و لا خوف

لا فيه امن مركزي و لا أي عسكري
يقدر يدخل من باب الجامعه

المجلات فيها ايه
مجلات بتهاجم عبد الناصر
معقوله
بيقولوا السد العالي خرب مصر

و مجلات ليها طابع يساري
بتقول الاتحاد السوفيتي
اجسن بلد في العالم

و مجلات بتقول
لا اشتراكيه و لا راسماليه
لكن اسلاميه

لا احزاب و لا ديمقراطيه
لكن شوري

و بقي عندنا في الكليه
جماعه جواد حسني
و في الجامعه نادي الفكر الاشتراكي
و يتزعمهم سهام صبري
و كمال خليل

و في الكليه جماعة ناصر
و في الجامعه نادي الفكر الناصري
و يراسهم حمدين صباحي
و كان رئيس اتحاد طلبه الجامعه

و الجماعات الاسلاميه في كل مكان

و التيارات الثلاثة بيهاجموا في بعض

و الثلاثة مش عاجبهم حاجه في البلد

و كل يومين ثلاثة ندوة
و بعد الندوة تطلع مظاهرة

الاسعار بتزيد
و المواصلات بقي فيها اتوبيسات
التذكرة بخمسة قروش

كيلو اللحمة قرب يوصل جنيه

و جوز الجزمة ب 2 جنيه

كل يوم يطلع كتاب جديد
كتاب يهاجم عبد الناصر
و كتاب يرد الهجوم

يعني معقوله
هو احنا كنا عايشين في وهم كبير

و المصانع دي كلها
و السد العالي
و القطاع العام
و العامل و الفلاح
و ثورة يوليو
و التصنيع الثقيل

مجمع الحديد و الصلب
و مجمع الالمنيوم
و الكهرباء اللي دخلت القري
و المدارس و التعليم المجاني

كل ده كان وهم

فيه حاجات غريبه بتحصل في البلد

بحيرة ناصر
بيقولوا اسمها بحيرة السد

استاد ناصر
قالوا اسمه استاد القاهرة

اللي بيحصل ايه

عايزين يمسحوا من تفكيرنا
فترة من تاريخنا
ليه
و ايه السبب

كل ده حصل
بعد سنه واحده من الحرب
مع الشعب اللي قرب بصموده
طريق الانتصار
و زرع من تاني الامل في كل دار


و لسه في الحدوتة كتير

ان شاء الله
للحدوتة بقية



 



رد مع اقتباس
قديم 30-09-2013, 12:30 PM   #9
كبار الشخصيات
مؤسس قسم مصر التي في خاطري


الصورة الرمزية سامي
سامي غير متواجد حالياً

بيانات اضافيه [ + ]
 رقم العضوية : 28
 تاريخ التسجيل :  Feb 2007
 أخر زيارة : 29-05-2016 (12:41 PM)
 المشاركات : 1,818 [ + ]
 التقييم :  405
لوني المفضل : #B45F04
آخـر مواضيعي

التوقيت

 

افتراضي رد: حكاوي القهاوي




من زمااااااااااااااان


من ايام الجدود
كان الحاكم يحكم مصر
برضه لحد الرمق الاخير

و كان خليفة الحاكم لما يمسك الحكم
يبدأ كلامه الطيب عن الحاكم الراحل
و يعدد في انجازاته
و يتعهد بانه هايكمل المسيرة
مسيرة الانجازات او الانتكاسات
مش مهم
المهم انه ماشي علي طريق سلفه

ريسنا قال انه ماشي علي طريق عبد الناصر

و الشعب بعد سنين قال
فعلا كان ماشي علي الطريق باستيكه

البدايه كان القطاع العام
المصانع عشان تشتغل
مطلوب لها صيانة للماكينات و قطع غيار
و المصانع محتاجة خامات تصنعها

لما نقول مافيش صيانة و لا خامات
ماكينات المصنع تبقي حديد خرده

و ده اللي حصل
كان شعارنا صنع في مصر
من الابرة للصاروخ

مسحناه باستيكة
و طلعنا مكانه هدف تاني
اسمه

الانفتاح الاقتصادي

و بلاش تعب و لا وجع دماغ

نستورد احسن

نستورد من الشرق و الغرب و من كل مكان

كان الشعب
عمال و فلاحين و جنود و مثقفين
و راسماليه وطنية

نقول نزود عليهم مستوردين
و سماسرة
و عرفنا ايامها لاول مرة اسم العمولات

كنا فاكرين السمسار ده اللي
يسكن الناس في البيوت

ياااااااااااااااااااااه

ده طلع حاجات تانيه كتير

اللي عايز يسافر يدفع سمسرة
مرتب شهرين

هو كده و بس

دول كمان جابوا عرسان لبناتنا

و السمسار كان منشار
ياخد من العريس و من ابو العروسه


يا بلدنا يا بلد
هو من امتي الولد
بيخاف من امه
صدقيني خفت منك
خفت منك صدقيني

نفسي ..
نفسي ..

نفسي.. اقول الف حاجه
بس ااااااه


ريسنا قال
اننا دولة العلم و الايمان
و ريسنا كبير العيلة

و بقي عندنا قانون
اسمه العيب

ريسنا قال
نعمل منابر في الاتحاد الاشتراكي
منبر يقف علي اليمين ده بتاع امريكا و الغرب
و منبر يقف علي الشمال
و ده بتاع روسيا و الشرق

و منبر في الوسط

يميل شويه يمين و يميل شويه شمال

و الصحافة دي سلطة رابعه
بس لازم تبقي مع الحكومة

و خرج استاذ هيكل من الاهرام

و استاذ احمد بهاء الدين
سكت من الهم و الغم

و كتب لنا صحفي كبير في الاخبار
اسمه جلال الحمامصي
كتب لنا عن عبد الناصر

كتب موضوع برئ
بيسال كان فيه شيك بمبلغ 15 مليون دولار
باسم جمال عبد الناصر
فلوسه راحت فين

و عرف الصحفي الكبير
و كل الناس ان مافيش دولار منهم دخل بيت عبد الناصر




ااااااااااااااااااه يا بلد

نزرع في ارضك القمح في سنين
تطلع لنا كوسه في ثواني



في الصيف البلد زحمة
المسافرين راجعين اجازات
و معاهم شئ و شويات

مراوح بالكهرباء بتدور
و مسجلات كاسيت

كان اللي راجع من السفر
بيمشي في الشارع
و في ايديه مسجل كاسيت
في حجم شنطة السفر
و مشغله بصوت عالي

و بيسمع
سلامتها ام حسن
من العين و من الحسد
و سلامتك يا حسن
من الرمش اللي حسد

و السح الدح امبوا
ادي الواد لابوه

اغاني ضحك و فرفشة



في الصيف

بيجي عندنا اخوانا العرب
كل يومين ثلاثة حفلة
سمعنا محمد عبده و طلال مداح و عتاب
سمعنا في امان الله

و محلاتنا بقت مليانه بضائع و مواد غذائية
مستورده طبعا
عشان ترضي اخوانا العرب

و فتحنا لبتاع الهمبرجر الامريكاني محلات
و بتاع الفراخ كنتاكي كمان
و محلات البيتزا الايطالي
و عرفنا ايامها الكانز لاول مره
علب البيبسي و الكوكاكولا

فتحنا مصانع عندنا
مش للحديد و الصلب و لا الاسمنت
لا
مصانع سفن اب و سبورت كولا
و مصانع لمشروب اسمه شويبس
كان ليه سر كبير

لسه محدش عرفه لحد دلوقتي

و كمان مصانع لبان و بمبوني

احنا عشنا ايام الحرب و شد الحزام

عايزين نفرح بقي

و فرحنا و كانت بداية الشقلبه

في التاريخ زمان ايام الاحتلال العثماني لبلدنا

اخدوا من مصر كل الصناع المهره
سفروهم تركيا

و اتعلمت بلاد العثمانلي فن المعمار
و مهارة المصري في الصناعة
ايامها تدهور حال بلادنا

و في الايام دي برضه سافر كل الصناع

و فضل عندنا البيه البواب
و دكتور السباكه اللي بيكشف علي الحنفيه
ب 5 جنيه

و الواد بليه الميكانيكي بقي هندزة

و عشنا الصراع بين العلم و الفلوس
و شفنا فيلم انتبهوا ايها السادة
و انتصار الزبال علي دكتور الجامعه

و اللي معاه قرش يساوي قرش


و فيلم تاني اسمه و قيدت ضد مجهول
سرقوا من مصر الاهرامات

سرقوا الاصالة و الحضارة
و قيدت واقعة السرقة ضد مجهول

في اخر الفيلم سرقوا من مصر النيل

و ده اللي حصل لينا دلوقتي



ان شاء الله
للحدوتة بقية



 



رد مع اقتباس
قديم 30-09-2013, 12:36 PM   #10
كبار الشخصيات
مؤسس قسم مصر التي في خاطري


الصورة الرمزية سامي
سامي غير متواجد حالياً

بيانات اضافيه [ + ]
 رقم العضوية : 28
 تاريخ التسجيل :  Feb 2007
 أخر زيارة : 29-05-2016 (12:41 PM)
 المشاركات : 1,818 [ + ]
 التقييم :  405
لوني المفضل : #B45F04
آخـر مواضيعي

التوقيت

 

افتراضي رد: حكاوي القهاوي




عواد ساب ارضه يا اولاد

سمعنا زمان برنامج غنائي في الاذاعة
اسمه عواد باع ارضه

الفلاح اللي باع الارض
و كانت له فضيحة و زفة
عواد باع ارضه يا اولاد
شوفوا طوله و عرضه يا اولاد

مع الانفتاح السداح مداح
عواد ساب ارضه و سافر

و راجع من السفر معاه مسجل كاسيت
و فيديو و مروحه و حصيرة بلاستيك

الفلاح الطيب اللي كان بيصحي الفجر
و يروح الغيط بعد الصلاة
بقي ينام الفجر
و يصحي قبل العصر
يشد له حجرين معسل
و يسهر طول الليل يتفرج علي الافلام في الفيديو

هد بيت الطين
و بني له بيت خرسانة مسلحة
كسر القله و الزير
و جابوا مكانهم الثلاجه

و بيت الخرسانه ارضه بلاط و يمكن موكيت
لا فيه حوش و لا زريبه

اصل عواد قبل ما يسافر و يسيب ارضه
باع البقرة و الجاموسه عشان التاشيرة
و تذاكر السفر

و البيت لا فيه فراخ و لا بط
و لا حتي فرن

القرية اللي كانت كلها خير
اهلها بياكلوا فراخ مجمده
و بشتروا البيض من البقال
و العيش من الفرن

و الارض طبلت

مش قلنا حصلنا لنا شقلبه
بعد القطاع العام و تدهور الصناعه
راح الريف في خبر كان
لما عواد ساب ارضه

غني لنا العزبي
قالوا عن بهية
ظلموا البنيه
لا حد عدا و لا مره هدا و شاف عنيها
الا و قال
ظلموا البنيه

لما عواد ساب ارضه
لا بقي فيه بهية
و لا خضرة و لا هنيه و لا ست الدار

بقي فيه مي و نرمين و نيفين
عملوا في الحفلات نموذج و شكل
تقليعة لعواد و بهية
اسمها الريس متقال
و جابوا معاه رقاصة
كان اسمها ايه يا احمس
اسمها ايه يا احمس
مش فاكر

بس كانت شايله بلاص
و متقال غني لها
يا حلوة يا شايله البلاص
من فضلك دلي اسقيني
ده جلبي يحبك باخلاص
زي ما حبك حبيني

و طلع مع عدويه منافس
اسمه كتكوت الامير

و بلادنا بقت حبه فوق

و عشرين حبه تحت

ان شاء الله
لسه في الحدوتة بقيه



 



رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حكاوي الأستاذ ابراهيم الطفشان سيد عبيد همسات ترفيهية 13 15-05-2010 12:22 PM
دكانى مجدى ابن النيل همس الأستاذ مجدي ابن النيل رحمة الله عليه 7 10-07-2009 03:50 AM
حكاوى القهاوى على تخاريف صيام اسامة الهمساوي حوارات حرة 13 19-01-2009 03:54 AM


شات تعب قلبي تعب قلبي شات الرياض شات بنات الرياض شات الغلا الغلا شات الود شات خليجي شات الشله الشله شات حفر الباطن حفر الباطن شات الامارات سعودي انحراف شات دردشة دردشة الرياض شات الخليج سعودي انحراف180 مسوق شات صوتي شات عرب توك دردشة عرب توك عرب توك


الساعة الآن 09:19 AM بتوقيت القاهرة




Powered by vBulletin® Copyright ©2000 - 2017, Jelsoft Enterprises Ltd. Designed & TranZ By Almuhajir
جميع المواضيع تعبر عن رأى كاتبها فقط دون ادنى مسئولية على المنتدى
vEhdaa4.0 by vAnDa ©2010