الدنيا منعكشة - 2010

الدنيا منعكشة

الدنيا مالها منعكشة =الصبح بتبقى منغمشة
والضهر بتبقى مخنفسة = والليل بتبقى مدعمسة
ليه الدنيا مفركشة =
عمالة تلطش فينا = وبتحلب دمع عنينا
ويقولوا عليها مدرسة =
كل الجدول فيها = هم وغم ونيلة
طب حَصّة فرفشة =
بنقوم الصبح بدرى = وبناخد بالأسباب
تلاقى الوقت بيجرى = واتقفّلت أبواب
واحد تانى بيجرى = بيحلّق على مرزوق
والرزق بإيد المولى = مش بإيد مخلوق
إجرى يمكن تلحق = قطر الموت ح . يقوم
مش ممكن تسبق ثانية = ولا تتأخر يوم
الضحكة ف . وشك نور = أحب ألاقيك مسرور
وكفاية تعيش مستور =
وترمى الدنيا وراك = إيه ح . تاخده معاك
مش باقى إلا ّ شويّة = وتسافر ما بترجعشى
ليه المخ بيركن =ونفهّم ما بيفهمشى

كلمات هي بعينها شعر العامية
وفي نفس الوقت نص هادف جدا
سلمت أناملك ياكبير

رؤية واقعية
تحت مظلة افتقاد الأمل
لكنك عبرت عنها بروعة
تحياتى
شاعرنا الرقيق / رماح
وكن بألف خير

اقتباس : المشاركة الأصلية كتبت بواسطة مدحت زيدان [ مشاهدة المشاركة ]

كلمات هي بعينها شعر العامية وفي نفس الوقت نص هادف جدا سلمت أناملك ياكبير

دائما ً أخى لك حس ّ مرهف فى فهم النصوص .. فتحيّة لحسن فطنتك ..
ودمت طيّبا ً ..

اقتباس : المشاركة الأصلية كتبت بواسطة حسام الدين بهي الدين [ مشاهدة المشاركة ]

رؤية واقعية تحت مظلة افتقاد الأمل ...لكنك عبرت عنها بروعة .. تحياتى .. شاعرنا الرقيق / رماح وكن بألف خير

شكرا ً أديبنا الكبير .. وثناء رقيق يوضع فى برواز فى صدر المدونة ..

أنا ليه بعيني شايف

الدنيا منفعشه

واللي في حالو قالوا

دا غاوي دروشه

والشاب مفيش أدب

ولا فيه حد إختشا

تعالى يا صاحبي قوم

نروح للفرفشه

ننسى حَبَّه البلاوي

نسهر بعد العشا

السهرة هناك تمللي

في قهوة مشمشه

هتشوف هناك حاجات

وناس مفرفشه

وناس تنده عليها

تلاقيها مطنشه

وناس تشرب في حاجه

تقول دي مُنْعِشَه

وفرقة فن شعبي

آخر دندشه

يا رماح قوم يلا نمشي

مش ناقصه نعكشه

دي عيال صراصير في راسها

تلاقيها معششه

العيب على الدنيا ولا علينا أخي رماح؟
هي الدنيا مش إحنا إللي نعكشناها؟
وعقولنا إحنا إللي قفلناها؟
أتمنى نقدر نتغير ونغير الدنيا معانا للأحسن
شكرا لطرحك أخي رماح

اقتباس : المشاركة الأصلية كتبت بواسطة اسامه علي [ مشاهدة المشاركة ]

أنا ليه بعيني شايف الدنيا منفعشه واللي في حالو قالوا دا غاوي دروشه والشاب مفيش أدب ولا فيه حد إختشا تعالى يا صاحبي قوم نروح للفرفشه ننسى حَبَّه البلاوي نسهر بعد العشا السهرة هناك تمللي في قهوة مشمشه هتشوف هناك حاجات وناس مفرفشه وناس تنده عليها تلاقيها مطنشه وناس تشرب في حاجه تقول دي مُنْعِشَه وفرقة فن شعبي آخر دندشه يا رماح قوم يلا نمشي مش ناقصه نعكشه دي عيال صراصير في راسها تلاقيها معششه

حلاوتك انت يابرنس .. لمّا تفهم الفولة بسرعة وتكشف المستور ..
رغم إن الكلام غير موّجّه ولكن تحويل دفته منك أوافقك عليه
دمت لى قريبا ً وحبيبا ً ..

اقتباس : المشاركة الأصلية كتبت بواسطة فراشة [ مشاهدة المشاركة ]

العيب على الدنيا ولا علينا أخي رماح؟ هي الدنيا مش إحنا إللي نعكشناها؟ وعقولنا إحنا إللي قفلناها؟ أتمنى نقدر نتغير ونغير الدنيا معانا للأحسن شكرا لطرحك أخي رماح

أختنا فراشة
هذه القطعة كتبتها فيما قبل الثورة .. وهى تصف الجو النفسى للحياة أيّامها .. وتصف حالة الضبابية التى كنّا نعيشها .. فإن كان لها دخان اليوم فبفعل فاعل .. هناك من يثير الرماد فى وجوه الطامحين للأمل ..
شكرا ً أختاه مداخلتك قيّمة .. وأفادت الموضوع ..

اقتباس : المشاركة الأصلية كتبت بواسطة مدحت زيدان [ مشاهدة المشاركة ]

كلمات هي بعينها شعر العامية وفي نفس الوقت نص هادف جدا .. سلمت أناملك ياكبير

لا أجد ما يضاهى كلماتك الزاهية وشعورك الفياض إلاّ أن أقول : سلّمك الله من كل ّ سوء ودمت طيّبا وبالعز مكللاً ..