طريقة عمل اللانشون البيتى

طريقة عمل اللانشون البيتى

الاخوات الافاضل
بعد انتشار اللانشون المسرطن احببنا ان نضع طرق لعمل اللانشون فى البيت
فالبيتى اكيد معلوم مكوناته فاحرصى عليه حماية لك ولاسرتك
وقد جمعت لكم عدة طرق ولم ننسى ان نضع لكم فى احد الطرق طريقة
لعمل لانشون لايكون من مكوناته اى لحوم او فراخ
كما حرصنا على وضع الصور وارجوا ان يروق لكم

لانشون بيتى (1):
المقادير
لانشون اللحم
المقادير تكفي لعمل اسطوانتين
نص كيلو لحمه مفرومه
نص راس ثوم مقشر
من 3 ل 4 معالق بقسماط ناعم جدا او دقيق مش اكتر علشان ماتفرولش
ثلاث قطع جبنه مثلثات
4 بيضات
نص كوب زيت
مكعب مرقه لحم ان وجد اودجاج
حبه فلفل اخضر واحمر
التوابل
ملح فلفل اسمر زعتر حبهان جوزه الطيب حبه البركه شطه بحسب رغبتك
الطريقه
توضع جميع المقاير فالكبه وتفرم جيدا جدا لحد ماتحسي انه بقت فغايه النعومه
تقسم ممكن تعملي نص حار والاخر عادي
تفردي كيس بلاستيك عادي وتضعي عليه نص المقدار طوليا لعمل اسطوانه وتبتدي تلفيه مع ضغط المكونات للداخل
ترجعي تاني تضعي الكيس فقلب ورق فويل او الورق الحراري وتلفيه مره اخري ثم تقفلي من الجوانب جيدا جدا كانك بتلفي بنبونايه
بتغلي ميه فوعاء يكون اكبر من حجم الاستوانطين اللي انت عملتيهم وبعد غليان الميه بتحطي الاستوانتين اللانشون فالماء المغلي وتتركيه من نص ساعه لساعه الا ربع عالنار
نتخرجيه وتتركيه يبرد وتضعيه بالثلاجه لتاني يوم تقطعيه
دوقي كده هتلاقيه لانشون
نسيت اقولك ان حبيتي تضيفي لون احمر علشان يديكي لون اللانشون ضيفي
بس انا مابضفش الوان وكل ما فضل بالتلاجه نكهته بتزيد وطعمه بيحلو


لانشون بيتى (2)
طريقه عمل لانشون الفراخ

المقادير:
نص كيلو صدور دجاج مخليه
كوب بقسماط ناعم
4 فصوص ثوم
بيضتان
ملعقه كسبرة و بقدونس مفروم ناعم
ملح
بهارات

الطريقة
قطع صدور الدجاج قطع صغيرة ثم نقوم بفرمها مع فصوص الثوم
ثم نفرمها مرة اخرى مع البهارات و الخضرة حتى نحصل على عجينة ناعمه جدا و ده بيكون شكلها
ثم نضع البيض فى طبق و نضرب كويس بالشوكة و يضاف الى الخليك السابق حتى يندمج تماما مع العجينه
ثم نضع كوب البقسماط نلاحظ تكون عجينة متماسكة جدا
نلف العجينه اما فى ورق قصدير مدهون بالزيت او انا كان عندى الاكياس الخاصة بدخول الفرن حطيتها فيه
وبعدين لفيت فوقها ورق قصديرو تحاول تشكلى العجينة على شكل اسطوانى على قد ما تقدرى و ما تخافيش
اذا ما اعطتيكيش الشكل المطلوب لانه بعد ما بتدخل الفرن طلعت معايا اسطوانه مظبوطة جدا
ندخل الاسطوانه فى صينية بالفرن و نضع قليل من الماء فى الصينية حتى لا تحترق و تكون حرارة الفرن
متوسطة وتقريبا بتقعد ساعه فى الفرن
نترك اللانشون بعد خروجه من الفرن لمده حوالى ساعه حتى يبرد
و بعدين نقطعه على قدر استخدام يومين او ثلاثه و الباقى وضعته فى لفريزر مقطع جاهز بحيث اخرجه
قبل الاكل بشويهمع العلم تقلبى الاسطوانه بعد نص الوقت على الجهة الاخرى حتى نتاكد من استوائها بالكامل


لانشون بيتى (3):

المقادير
3 مثلثات جبنة(كيري او بريزيدون او لافاشكيري او اي نوع)
3مكعبات مرقة دجاج(ممكن يبقو اتنين لو مش عايزاها مالحة اوي)
3فصوص ثوم
3حبهان
3بيضات
3 ملاعق ك دقيق
نص كوبايه زيت
ولون طبيعي احمر(من عند العطار) بمقدار حباية فلفل اسود او مثل راس الدبوس فقط


الطريقه
1)تضعي كل المكونات في الخلاط
بس خدي بالك تفركي مرقه الدجاج بايدك الاول
وكمان خدي بالك ان اللون الطبيعي يبقي بمقدار راس الدبوس بس عشان مايبقاش غامق اووي ويبقي لونه فاتح زي الجاهز بالضبط

2)تضعي المقدار في كوبين ستانلس مدهونين بالزيت (المقدار هايعمل كوب ونص)
وخدي بالك ان الخليط بيرتفع يعني تتركي مسافة قليله في الكوب
وان لم يكن لديك كوب ستانلس يبقي في اي كوب يتحمل الحراره

3)تضعي الاكواب في حله بها ماء (مثل طريقه الكريم كراميل) لكن تغطي الحلة

وتترك تغلي لمده ساعة الاربع

4)اقلبي الكوب في طبق وممكن تدوري بالسكينة حول اللانشون عشان يسهل نزوله


لانشون بيتى (4):
المفاجأة لانشون بدون فراخ او لحوم

المقادير
خمس بيضات - سبع قطع جبنة مثلث - ست ملاعق أكل دقيق - ست فصوص توم - ملح - فلفل أسود ناعم - زنجبيل بودر - ست فصوص حبهان (نأخذ االبذور الداخلية فقط ) -نقطتين لون احمر غذائى (بنجر مفروم ويمكن الأستغناء عنه ) - فلفل أسمر حبوب - توابل مشكلة - معلقتين زيت .

الطريقة
ضعى كل المكونات فى الخلاط معدا الفلفل الأسود الحبوب وأضربى تحصلي على سائل غليظ القوام .
أحضرى ثلاثة أكياس فارغة (بتاعة اللبن ) أربطى الكيس الداخلى بعقدة من أسفل ثم صبى الخليط السابق فى الكيس الداخلى الموضوع فى كيسين أخرين ثم ضعى شوية الفلفل الأسود الحبوب ثم أربطى الأكياس جيدا من أعلى ثم ضعى الكيس فى حله كبيرة بها ماء يغلى وغطيها واتركيها لمدة ساعة على النار لتستوى تشمى رائحة البيت كله لانشون ، أتركى الكيس المحتوى على اللانشون ليبرد فى الثلاجة ثم قطعى الشرائح
المفاجأه أنها بدون لحم او فراخ وطعمها زى اللانشون الجاهز

لانشون بيتى (5) بالصور

المقادير :
نص كيلو لحم مفروم ..او صدور فراخ بدون عظم او جلد -كوب خبز مطحون بقسماط----بيضه وحده ----بهارات فلفل اسود ---ملح --كمون ----بابريكا علشان اللون ----زيتون اسود او فلفل اخضر ---انا حطيت النوعين وممكن تحطوا فلفل اسود حب ---حسب الرغبه -----المقادير حسب العائله ---- يوضع بالفود بروسيسور ----او بخلاط اللحمه حتي ينعموا مع بعض



ثم نضعهم بورق بلاستيك مثلا الصور وبنضغط الطرفين حتي ما يفضل اي هواء بالداخل ---ثم ورق المنيوم





نضع الرول بحلة على النار فيها ماء ساخن وورق لورا وملح وفلفل اسود وشويه خل



بنحطه ساعه على نار هاديه وبعد ساعه بنتركه يبرد وبنضعه بالثلاجه حتي يتماسك ويبرد نهائيا نقول 5 ساعات



بنقطعه حسب الرغبه وبنقدمه مع خضروات او سندويشات



ارجوا ان يروق لكم هذا
وبالهنا والشفا

 

 

 

 

 

 

 

 

 

 

يا سلام يا سلام ايه الشطارة ديه

بتعرف تعمل لانشون بيتي بس برافو عليك انا اصلا مبحبش اللانشون بس باين الطريقه دي حلوة لانه بيتي وبالتأكيد هيكون نظيف وكمان اللحم خالص من غير دهون

الله اعلم بيعملوه بره ازاي والحمد لله مكنتش بكله خالص

مشكور استاذ علاء وحنحاول نجربها

 

 

 

 

 

 

 

 

 

 

اقتباس   المشاركة الأصلية كتبت بواسطة أمينه يا سلام يا سلام ايه الشطارة ديه بتعرف تعمل لانشون بيتي بس برافو عليك انا اصلا مبحبش اللانشون بس باين الطريقه دي حلوة لانه بيتي وبالتأكيد هيكون نظيف وكمان اللحم خالص من غير دهون الله اعلم بيعملوه بره ازاي والحمد لله مكنتش بكله خالص مشكور استاذ علاء وحنحاول نجربها

هههههههههههه شطارة ايه مجبر اخاك لا بطل وخاصة بعد الكشف عن مصانع تنتج منتجاتها اما من لحوم بعض الحيوانات كالكلاب والقطط ، او من حيوانات وطيور نافقة او انتهت تاريخ صلاحيتها او من حواشى الحيوانات او تضع مواد حافظة ومكسبات طعم صناعية لكنها مسرطنة ، واخص بالطبع كل اللحوم المصنعة مثل اللانشون والسجق والهمبورجر وكلها من لحم مفروم لا نعلم مصدره
لذا يتعمد الغالبية ايضا امعانا فى خداع المستهلك فى ان تكون بطعم الفلفل والشطة بطريقة مبالغة فيها لصعوبة التعرف عليها ، ناهيك عن المواد الحافظة والملونة ومافيهما من بلاوى، وكان الحل هو التعلم لاصنعها بنفسى لاننى ساكون عالما بمكوناتها وذلك حفاظا على صحتى وصحة من حولى، وهى للعلم ليست صعبة اطلاقا ، جربيها ولكن انصحك بتجربة كمية بسيطة جدا حتى تحكمى عليها اولا 00 وبالهنا والشفا
تقبلى فائق الاحترام

 

 

 

 

 

 

 

 

 

 

شكرا لك دكتور علاء على تلك الطرق السهلة لصناعة اللانشون في المنزل وان شاء الله نجربها ونقولك

بارك الله فيك

 

 

 

 

 

 

 

 

 

 

تسلم الايادى يا دكتور علاء
جميل جدا اننا نعمل اكلنا بنفسنا فى زمان انعدم فيه الضمير لو الناس تعرف ازاى بيتعمل اللانشون فى بعض المصانع لايمكن تاكله
اما فى البيت بكده يبقى صحى وأمن
تسلم ايدك وشكرا على مجهودك الرائع

 

 

 

 

 

 

 

 

 

 

اقتباس   المشاركة الأصلية كتبت بواسطة منى كمال شكرا لك دكتور علاء على تلك الطرق السهلة لصناعة اللانشون في المنزل وان شاء الله نجربها ونقولك بارك الله فيك

اهلا بيك استاذتنا الفاضلة
لا شكر على واجب المهم تجربى وتقولى لنا نتيجة التجربة
وخدى بالك جربى الاول بكميات بسيطة
شكرا لك على مرورك الطيب وردك القيم
تقبلى فائق الاحترام

 

 

 

 

 

 

 

 

 

 

اقتباس   المشاركة الأصلية كتبت بواسطة سلوى عزت ابوالنصر تسلم الايادى يا دكتور علاء جميل جدا اننا نعمل اكلنا بنفسنا فى زمان انعدم فيه الضمير لو الناس تعرف ازاى بيتعمل اللانشون فى بعض المصانع لايمكن تاكله اما فى البيت بكده يبقى صحى وأمن تسلم ايدك وشكرا على مجهودك الرائع

الله يكرمك يا استاذة سلوى
ومنتظر نتيجة التجربة
اشكرك على مرورك الجميل وردك القيم
لك منى فائق الاحترام

 

 

 

 

 

 

 

 

 

 

الله ينور عليك يا دكتورنا

انا مش بدخله البيت نهائى

- لانى شفته عينى عينك بيتعمل ازاى -- كان فيه مصنع وراء بيت واحده صحبتى وشفته على الطبيعه اللحمه وهى بتتفرم وهى وحظها بقى اللى يدخل معاها فار - قطه - صرصار

حلفت من بعدها ما ندخله البيت تانى

بس هجرب اللى عملته واقولك

وتسلم الايادى مقدما

 

 

 

 

 

 

 

 

 

 

وصفه حقيقي مميزه
ومجهود عالي جدا
ربي يبارك في حضرتك يارب
تسلم ايدك
مودتي واحترامي

 

 

 

 

 

 

 

 

 

 

رااااااااااااااااااااااااااائع راااااااااااااائع