ننتظر تسجيلك هـنـا

كلمة الادارة قررت الادارة غلق الأقسام السياسية وحذف كل مايمت للسياسة بصلة في اي من أقسام المنتدى وكذلك التواقيع والصور الرمزية وذلك الى حين .. واي موضوع مخالف سوف يتم حذفه دون الرجوع لصاحبه فرجاء الالتزام بذلك وشكرا

« آخـــر الــمــواضــيــع »
         :: ياشوقُ.. كيف يكون الكَتْمُ ؟ (آخر رد :حسام الدين بهي الدين)       :: الأرصاد: طقس اليوم حار نهارا لطيف ليلا..والعظمى بالقاهرة 37 درجة (آخر رد :زهرة فى خيالى)       :: الرئيس السيسي يستقبل سلطان البهرة (آخر رد :زهرة فى خيالى)       :: نعيش زمن القابض على «وطنيته» كالقابض على جمر من «نار»!! (آخر رد :زهرة فى خيالى)       :: احتجاجات العراق: مقتل شخصين في اشتباكات مع الشرطة (آخر رد :زهرة فى خيالى)       :: فرنسا ملكة العالم فى كرة القدم (آخر رد :زهرة فى خيالى)       :: كيف فك رجال وزارة الداخلية شفرة مقتل الأطفال الثلاثة بالمريوطية؟. (آخر رد :زهرة فى خيالى)       :: تعرف على عادات يومية تسبب الاكتئاب (آخر رد :حسام الدين بهي الدين)       :: موقع برامج مجانية وبروابط مباشرة رائع لكل ما يحتاج الجهاز من برامج (آخر رد :حسام الدين بهي الدين)       :: ماذا تعرف عن القرية اليمنية المعلقة فوق السحاب؟ (آخر رد :أمينه موسى)      


 
العودة   أكاديمية همس الثقافية > المنتدي العام > همسات من هنا وهناك
 

همسات من هنا وهناك المواضيع العامه فى شتى المجالات والتى لايوجد لها اقسام خاصة

إضافة رد
 
أدوات الموضوع انواع عرض الموضوع
قديم 21-11-2017, 01:48 PM   #1

إدارة المنتدى
مراقب المنتديات التقنية والفنية


الصورة الرمزية دكتور علاء
دكتور علاء غير متواجد حالياً

بيانات اضافيه [ + ]
 رقم العضوية : 8315
 تاريخ التسجيل :  Feb 2011
 أخر زيارة : 14-07-2018 (09:28 PM)
 المشاركات : 19,927 [ + ]
 التقييم :  1241
 الدولهـ
Egypt
 الجنس ~
Male
 MMS ~
MMS ~
 SMS ~
علاء الدين
وسام التميز في المطبخ

وسام التميز المركز الرابع

لوني المفضل : #B45F04
آخـر مواضيعي

قـائـمـة الأوسـمـة

التوقيت

 

افتراضي لا خوف من سد النهضة




لا خوف من سد النهضة(تحليل)

كثيرا ما كنت اقلق بسبب موضوع سد النهضة لأنها ستكون كارثة حقيقية ومستغرب انه مع شدة الخطورة أجد المسئولين لا يهتمون الاهتمام الموازي لهذه الخطورة، وقلت في نفسي اكيد فيه شيئ لا افهمه او ان هناك اسرار تمس الامن القومى لو تم اعلان تلك الاسباب

ولكن والحمد لله عثرت على هذا التحليل الذى أثلج صدري وأنشره لحضراتكم لتكونوا مطمئنين. مع بعض التعديلات على الصيغة والتنسيق وتصحيح الأخطاء الاملائية
________
علشان بس نهدي.. الموضوع للاسف مش بيتقال في اي وسيله من وسائل الاعلام لغرض في نفس يعقوب

والكلام دي مش معناه اننا بنتخلي عن حقنا قدام اثيوبيا بس اللي بنعمله ده حمايه لينا من الهدف الحقيقي اللي اتعمل له سد النهضه
زي ما قلت امبارح لا نهضه ولا تنميه والا نيله هو بس خناق علينا وخلاص بايد ناس في قمه السذاجه والجشع المسئولين في اثيوبيا أو مؤامرة للتوتر أو لدفع البلد للحرب

لازم المعلومات اللي هاقولها دي واللي هى علميه مليون في الميه توصل للشعب الاثيوبي اللي حكامها بيتاجروا بارواحه اساسا ومفهمينهم انهم بيعملوا لمصلحته

البدايه احنا حصل عندنا اكبر فيضان للنيل من 250 سنه السنه اللي فاتت .. بحيره ناصر اللي مستويات الميه فيها يوم ما بتوصل ل170 سم بنزغرط وصل ارتفاع الميه فيه الي 179 سم يعني اساسا 9 سم صافي بحجم البحيره ده بيساوي 24 مليار متر مكعب ميه,محدش سأل ده حصل ليه
انا اقولك ليه لان في تغيرات معينه بتحصل في درجه ميل الكره الارضيه وعلاقتها بالشمس كدوره بتحصل كام سنه

وده فايدته ايه,, فائدته ان مغناطيسيه الارض بتتغير وبالتالي البراكين والاعاصير بتزيد والزلازل بتكون درجتها اكتر, والامطار بتكون اكثر غزاره
والسنه للي فاتت والسنة دي انتوا شفتوا كوارث الاعاصير اللي بهدلت امريكا والامطار الغزيره اللي نزلت علي بحيره فيكتوريا وعملت الفيضان الكبير ده,وومتوقع ان كمان السنين اللي جايه حتتضاعف كميه الامطار وبالتالي حجم الفيضان

حقولكم معلومه انا اول مره اعرفها سد النهضه مش اول سد اثيوبيا تعمله اثيوبيا عملت علي مدار تاريخها الحديث حوالي 25 سد مختلف السعه والحجم وعن جداره كل هذه السدود بلا استثناء انهارت لأن طبيعه التربه في ااثيوبيا والتخوخات والتصدعات اللي فيها وتراكم الطمي اللي نسبته اكتر بكتير من عندنا حول منابع النيليجعل ضغط الميه يزيد جدا فلا تتحمله السدود

سد النهضه صنع لينهار مش لاي حاجه تانيه .. طب انهياره ده معناه ايه
معناه الاتي اولا اثيوبيا حتضّيع حوالي 70 % منها حيغرق اساسا ,,السودان 30 % من اراضيها حتغرق ده في الموجه الاولي
وبعد فتره من اسبوعين الي شهر الميه دي حتيجي علينا وكانت حتبقي اكتر من استيعاب السد العالي فبالتالي السد ممكن ينهار وانهياره معناه فيضان ممكن اوي يغرق الدلتا
احنا عارفين كل الموضوع ده من زمان اوي لان محاولات اثيوبيا لبناء سد يؤثر علينا مش من دلوقتي ده بقالها عقود اساسا

طب ايه اللي عملناه لمنع هذه الكارثه
1_ عملنا مفيض توشكي موازي لبحيره ناصر واساسا فايدته الاساسيه هو استقبال وتصريف الميه الزايده وتقليل الضغط علي السدالعالي
علشان كده اتقال ساعتها مقوله مخدناش بالنا منها عند افتتاحه ان المفيض معمول لتامين مصر في السنين اللي جايه مش دلوقتي
2_ عملنا قناطر عنداسيوط برضه بتصرف الميه الزايده وتبعدها عن الدلتا وكمان عملنا اكبر صحارات في العالم عن سرابيوم برضه لاستيعاب كل الطوفان ده
برضه الانفاق اللي بتتعمل تحت قناه السويس مشروع ترعه السلام اللي بيربط النيل بسينا لنفس الاسباب دي
3- بنينا وحنبني اكبر محطات صرف صحي ومحطات تحلية مياه البحر هي الأكبر في العالم

كل ده حيخلينا نحول الطوفان القادم من نقمه الي نعمه وميه كتير بزياده متحكمين فيها نستعملها في ري الصحرا وسيناء

4- بقيت مشكله واحده ان توربينات السد مش حتستحمل هذه المياه الجارفه وتوليد الكهربا من السد حيقف وده السبب اننا اشترينا محطات الكهربا العملاقه دي ونعمل محطات توليد ضخمة منفصلة عن الكهرباء الأم للمشروعات المصرية العملاقة وبنسابق الزمن علشان تخلص تحسبا لتوقف توليد الكهربا من السد العال

معلومه تانيه اول مره اعرفها ,,من شهرين بالفعل اتعمل تجربه واتوقف توليد الكهربا من السد واعتمدنا علي المحطات وبس ونجحت التجربه ومحدش حس باي نقص في الكهربا
فاكرين لما السيسي انفعل علي وزير الكهربا لما اتكلم عن السد العالي وانه مش مهم دلوقتي كان علشان القصه دي واننا منكشفش ورقنا وقاله يا سياده الوزير الكلام ده ما يتقالش كده للناس

5- يضاف إلى هذا قيام مصر بعمل مشروع الضبعه النووي واصرارنا عليه ,,معمول تحسبا لاي اعطال او مشاكل تحصل في المحطات اللي حنعتمد عليها وبس في احتياجاتنا من الكهربا فلازم يبقي عندنا كمان بديل لهذا البديل علاوة على إقامة أكبر محطة للطاقة الشمسية في العالم إقامتها مصر في اسوان

اللي عايزاقوله للاسف الاعلام بتاعنا مش بيقول كل الكلام ده بشكل واضح علشان يطمن الناس ويبدوا فرصة لأصحاب نعرة المصالح الخاصة اللي بيقولوا نروح نهد اثيوبيا والكلام الحنجوري ده
وطبعا عايزين جنازه ويشبعوا فيها لطم

يا ناس يا هو ثقوا ان القياده بتاعتنا فاهمه وعارفه كل اللي بيحاك من مؤامرات والقصه بيتعمل لها الخطط المضاده لها بنجاح تام يعني بنلاعبهم زي ما بيلاعبونا

نهدي بس كده وكل حاجه حتبقي تمام ان شاء الله


انتهى المقال
____
انتظر رأيكم مع رجاء عدم إقحام السياسة في الموضوع
تحياتي لحضراتكم

reputation

الموضوع الأصلي : لا خوف من سد النهضة || الكاتب : دكتور علاء || المصدر : أكاديمية همس الثقافية

 



 

 توقيع :
اضغط على الصورة لرؤيتها بالحجم الطبيعي


لمعرفة صحة الحديث قبل نشره للتأكد من صحته بالألوان
ادخل الى هذا الموقع اكتب جزء من الحديث

http://hdith.com
فاذا ظهر الحديث بخلفية اخضر اللون فاسناده صحيح
واذا ظهر الحديث بخلفية رمادى اللون فهو موقوف
واذا ظهر الحديث بخلفية حمراء فاسناده ضعيف


لمن يحتاج الى متبرع بالدم ( بنك الدم )



رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:18 AM بتوقيت القاهرة




Powered by vBulletin® Copyright ©2000 - 2018, Jelsoft Enterprises Ltd. Designed & TranZ By Almuhajir
جميع المواضيع تعبر عن رأى كاتبها فقط دون ادنى مسئولية على المنتدى
vEhdaa4.0 by vAnDa ©2010
مودي ديزاين , المصممه اميرة صمتي