كلمة الادارة قررت الادارة غلق الأقسام السياسية وحذف كل مايمت للسياسة بصلة في اي من أقسام المنتدى وكذلك التواقيع والصور الرمزية وذلك الى حين .. واي موضوع مخالف سوف يتم حذفه دون الرجوع لصاحبه فرجاء الالتزام بذلك وشكرا

« آخـــر الــمــواضــيــع »
         :: الاتحاد الأوروبي يرفض نقل سفاراته إلى القدس (آخر رد :زهرة فى خيالى)       :: تفجير في مانهاتن وسط نيويورك واعتقال المنفذ (آخر رد :زهرة فى خيالى)       :: لا لن أبوح (آخر رد :أطلال)       :: محمد صلاح يفوز بجائزة بي بي سي لأفضل لاعب افريقي لعام 2017 (آخر رد :زهرة فى خيالى)       :: مدينة النور (آخر رد :زهرة فى خيالى)       :: يسألُني الحنينُ عنكِ (آخر رد :زهرة فى خيالى)       :: رئيس الوزراء العراقى يعلن تحرير كامل العراق من داعش (آخر رد :زهرة فى خيالى)       :: بالصور عائلة مصرية تعيش وسط الحيوانات المفترسة (آخر رد :دكتور علاء)       :: بوتين يزور مصر يوم 11 ديسمبر الجارى (آخر رد :دكتور علاء)       :: تحذير:عملاء TEData يتعرضون للاختراق (آخر رد :دكتور علاء)      


العودة   أكاديمية همس الثقافية > همس الوفاء > همس الوفاء لهمساوية رحلوا عن عالمنا
همس الوفاء لهمساوية رحلوا عن عالمنا قسم خاص لادباء وشعراء عظام تركوا بصمة في همس لاتنسى



إضافة رد
قديم 28-10-2011, 02:34 AM   #11
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (01:36 PM)
 المشاركات : 12,077 [ + ]
 التقييم :  569
لوني المفضل : #B45F04
افتراضي رد: الشاعر احمد الشربينى



العــــــدو مين؟

الأمريـــــــكان..
مافيش كلام,
شى الله ياسيدى..
( العـــــم ســــام )
دول أرقى نوع..
م الأصدقاء !
والرأى طبعا..
رأى عام.
مافيش ( بروبلــــــم )
كده فى التمام,
وإيه حيلتنا.. غير الالتزام؟!
بنوع ( كواليتى )
م الأصدقاء !

وابن الصهاينــــة..
كائن مسالم,
مظلوم , ويكره..
لو يبقى ظالم؟!
( ميدى ) انجلا ندى..
ربيب أميـــــــــركا
,
والشرق أوسط..
عاملينه تركه
بيقولو: دموى,
أتاريه نباتى,
لا قال: دا نيلى..
ولا ده فراتى
يفطر بنابلس,
يتغدى غزه,
بالقدس يحبس,
والأقصى .. مزه
( شالوم ) ياجارنا..
خليك فى ريحنا,
وان خدت دارنا..
داشيئ يريحنا,
وف ( كامب ديفيد )
بالسر بحنا ,
طبعنا – طبعا –
وخلاص فرحنا,
ومادام ( جنحتم ) ..
-على طول - جنحنا..
قطيعه تقطع..
سيرة الخناق!

أما اخواننا..( الطلاينه )
والحقيقه - بجد باينه –
مش هاقوللك:
دول حبايب!
لو تنخور فى الحقيقه,
هاتلقيهم.. ناس قرايب,
واقدر اثبتلك بأنى..
رأيى - فعلا -
رأى صا يب!
بص فى كتاب التاريخ,
واقراه, وقوللى ..
تلقى ( جوهـــــــر )
جده كان - أصلا -
( صقللــــــى ) ؟!
والجزيره علينا غاليه,
بس هى تبع إيطاليــــــــا؟!
على ضوء مايأتى,
واستنادا, لحيث جاء..
مافيش مابيننا..
أدنى أشكال العداء!
ضف لذلك:
دول بتوع الاسباكيتى,
فيها إيه لو ( موسيلينى )..
كان فاشيستى ؟!
إوعى تفتى..
عكس هذا الإ دعاء؟
أما بالنسبه لبلاد..
( الهـــر.. هتــــلر )
هاتلاقيهم بيشيلولنا..
كم أكبر.. م الولاء!
بس فى هيئة تعالى,
واستياء؟!
يعنى إيه لو قالوا :
روميـــــــــــل
جه يحارب (مونتجمرى )
فى بلادنا,
واحنا مالناش فى القضيه؟!
لما زرعو الأرض..
بالملايين.. مصايب متداريه؟
مش قضيه!
إوعى تفهم - معنى ذلك –
إننا .. دايما هفيه!
فيه ياساده..
( حاله خاصه )
فوق نطاق المفهوميه!
إبن مصر بيعطى عمره,
- رغم علمه -
إن عمره ماليهش ديه!
دى القضيه؟!
إياك تقول:
( والإنجليـــــــز
( بـــــردون ) ياصاحبى,
وميت ( بليــــــز )!
فى الحقيقه.. بدون رياء,
دول أصدقاء.. الأصدقاء!
وحياة سنين الاحتلال,
والشهدا..
فى شرق الكنال,
ماأشبهك..
ياللى اسمه( بلفـــــور ),
ولا ( إيـــــــــدن ),
أو بليــــــــــــر,
لو تشكك فى انتمائهم..
للعروبــــــــــة,
يبقى ده عدم الضمير!
اللى فاكر أى ( فيتـــــــو )
أمريــــــــــــــــكانى,
خلف منه.. فيتو تانى,
إنجلانــــــــدى, ألعبانى,
للعدو.. الاستيطانى,
يبقى فكره.. أكيد شيطانى,
بس فيه فاضل سؤال,
سهل وبسيط,
شكله - يمكن - فى الملامح
يبقى سازج,
أو عبيط,
والمساحه مابين سطوره,
م الخليج.. حتى المحيط.
لما دول الأصدقاء..
طب قولولى العدو مين؟
( ياخير أمه أخرجت )
ضاع منكو فين..
الإنتماء ؟!
( المعتصــــــــم ) ولى زمانه..
من سنين,
ولا عاد بيسمع, أو يشوف..
دم الضحايا ف دير ياسين!
ولا فى الضفه, وغــــــــــزة,
أو فى بيت لحم.. الحزين!
يا أمه بتطاطى الجبين..
العـــــــــدو مين؟
ياأمه معصوبة العنين..
العــــــــدو مين؟
ياأمه تاهت..
عن سراطها المستقيم,
العــــــــدو مين؟
مين يقوللى العدو مين؟

أحمد الشربينى


21/9/2009


 
 توقيع :
اضغط على الصورة لرؤيتها بالحجم الطبيعي


رد مع اقتباس
قديم 28-10-2011, 02:35 AM   #12
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (01:36 PM)
 المشاركات : 12,077 [ + ]
 التقييم :  569
لوني المفضل : #B45F04
افتراضي رد: الشاعر احمد الشربينى



حبـــة تاريــخ
كام جيل.. قتيل,
عشق النهار.
واحنا بنتهجى التفاؤل..
بالضحى.
نلبد فى دول توب الخلاص
نسقط مابين..
شق الرحى !
ننعم بسكرة الاحتضار
يبلعنا هو .. مالوش قرار
لانطول قبور,
ولا أضرحه
خيط عنكبوت..
يفصل مابين سر الحياه,
والمنتهى!
مين اللى يقدر يدركه؟
من قبل مايسرسب ..
بصيص الضى ..
من شرخ النهار.
ياراضع الخوف من عيون ..
بتحوطك,
إكسب عوايدك..
من جموح الريح تزيح..
هوجة غمام,
م المهد تحجب رؤيتك!
على مفرق التواريخ ..
تبص على اللى باقى..
م التاريخ,
تسمع سريخ العقل ..
بالبرهان يئن!
خبى استكانتك..
بين متاهات السطور
ياخدك شرود الانفصام
تحلم بعصر من العصور
من يوم ماأدمنت الخضوع
وانت اختصار.. الانكسار
هانت عليك..
شيم الحضور
على صفحة( الاخشـــيد )..
تمر كما الكرام,
فدخلت فى مذهب( كافــــور)..
ولا فيش( جبــــــرتى ) يحفزك
يمكن فى يوم.. دمك يفور
تايه فى صفحات الشروق..
اللى انفلت
تجتر ماضيك المبجل بالمشيب
بهتانه شمسك..
فى الميلاد!
- قبل الميعاد – قصدت تغيب
من صلبك الضمران..
تجف الاورده,
طال المدى,
ولا فيش مدد
وسنين عجاف طال حملها,
والرؤيه مين هايحلها..
لما النهار.. ليه ألف ليل؟!
الفيضه ليه..
- ياابن الأصول -
غابت يانيل؟
وف عز.. ماعز البديل,
جنى الرطب.. طاله العطب
والريح مابتهزش نخيل.
الوهن خيم ع البيوت
قبل مايحبى الطفل..
قايل للسقوط !
دبلانه يانهود البنات
مستنيين..
- بعد الغياب -
طلة قمر
يبعت بشايره (بالتبات)
ويبدد الحزن اللى عشش..
بين ضلوع الامهات؟!
يمكن فى يوم..
- على غير ميعاد -
نستنظره
يظهر قمر
يوصل مسافات..
اللى فات, ويحضره.
لكن القمر,
طل وأمر:
قبلن مانقرا فى التاريخ,
لازما بإيد نا نسطره

أحمد الشربينى


 


رد مع اقتباس
قديم 28-10-2011, 02:36 AM   #13
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (01:36 PM)
 المشاركات : 12,077 [ + ]
 التقييم :  569
لوني المفضل : #B45F04
افتراضي رد: الشاعر احمد الشربينى



فى ظل التخاذل العربى (الرسمى) المهين
تجاة المجزرة الدائرة فى غزة


عروبـــــــــه


رغم علمى..
إنك انت حته منى,
رغم كونك..
/ كان / كأنى..
حتى صوتك.. هو صوتى,
لأودمك..نفس دمى!
ولا همك / فى الملا مح /..
كل من شافه يفكر..
إنه همى؟!
لو فى غفله وجيت نسيتك,
أو فى لحظة طيش..
رميتك!
لا تلومنى؟!
لما تتعب من سكوتك,
أو يهز الصمت صوتك,
لو هاتوهب لى حياتى..
والتمن ..
مرهون بموتك!
لو أفوتك..
يبقى جايز غصب عنى..
لا تلومنى؟!
شيئ مؤكد..
والجميع عارفينه عنى,
لك على, ووعد منى..
للى شايف,
واللى سامع,
إنى اجاملك فى الامك,
وافضل انعى .. معاك زمانك!
حتى اخللى لك دموعى..
ساقيه دايره..
ع اللى باقى ..
من حطامك؟!
بس إوعى تقوللى:
اعيش وياك ظروفك,
ولا تطلب..
إن اجيلك لاجل اشوفك,
إنت خايف..
ذنبى ايه أنا اعيش فى خوفك؟
إنت اخويا وضى عينى,
واما ابيعك..
برضه واجبك..
تشترينى؟!
بس ياشريكى ف مصيرى..
لاجل اراعى معاك ضميرى,
خد براحك ..
إلا إنى أعيش جراحك!
لو فى عز المحنه اسيبك,
مش هاتاخد..
غير نصيبك!
واما هاتفكر تلومنى..
تبقى برضه..
مش فاهمنى!
لاجل احس بنزف جرحك,
يبقى لازم قبل منها..
اللى صابك..
كان يصيبنى!
راح تقوللى والمبادئ,
ألف رحمه..
لأ دى راحت,
وياجملة ألف حاجه..
م اللى ضا عت؟!
المبادئ زى تاجر عنده..
سلعه ..
بده يربح او يقايض؟!
لما شاف السلعه بارت..
وتلاقيها / برضه /..
تايهه,
صوره باهته..
تحت عنوان الجرايد!
والعباره ماهيش شطاره,
ع العروبه..
ياميت خساره!
ياللا نعمل إستشاره.
أو تصللى ركعتين..
للإستخاره
بالمهانه ..
العزه هانت..
والحقيقه فصولها بانت,
بالإشاره.
خدها عبره..
م اللى بجرى,
ويا أطفال الحجاره؟!

أحمد الشربينى







 


رد مع اقتباس
قديم 28-10-2011, 02:37 AM   #14
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (01:36 PM)
 المشاركات : 12,077 [ + ]
 التقييم :  569
لوني المفضل : #B45F04
افتراضي رد: الشاعر احمد الشربينى



شـــــهـقه
لو طلبتى الروح..ياروحى,
اقول دى روحى
ماهيش كتير؟!
وان سمعت ف يوم نداكى,
- لجل أوصللك - أطير.
واللى يسأل:
يعنى إيه الحب,أقول:
الحب إنتى,
- بس لما يكون كبير-
واللى يسأل:
رأيى ايه فى الغيره,
ردى:
إن قلبى لما حبك,
شيئ طبيعى لو يغير؟!
صدقينى,
لوباقيلى,فى الحياه,
(شـــهقه) يادوب
أتنفسك,
واتمنى اموت,
قبل الزفير

احمد الشربينى


 


رد مع اقتباس
قديم 28-10-2011, 02:38 AM   #15
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (01:36 PM)
 المشاركات : 12,077 [ + ]
 التقييم :  569
لوني المفضل : #B45F04
افتراضي رد: الشاعر احمد الشربينى



دموع على حجر الزمن

دمعه فى الأول

توجعنى ليه ياطبيب ؟
وانت اللى كان أعلم,
بالسهم لما يصيب..
لو م العدا أ كرم.
وتعرى ليه جتتى ؟
بالقصد.. للمخاليق
لو كنت خيرتنى..
بالموت.. لكان ارحم

دمعـه تانيــة

باعتب عليك يازمن
يامرخص الغالى
بالبخس ليه بتبيع
دا مقامى فى العالى
ياجاهل الأسعار
من مبدأ المشوار
علشان أعيش بشموخ
المر يحلالى

دمعــه فى الآخــر

مابقاش مابيننا كلام
ولا ملام وعتاب
لما الوفاء والغش
الفرق بينهم داب
واما الصديق بيبيع
مانعيبش ع الأغراب
صدقت بيك الزمن
طلع الزمن كداب
لما افتكرتك حقيقه
أتاريك طلعت سراب

احمد الشربينى


 


رد مع اقتباس
قديم 28-10-2011, 02:39 AM   #16
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (01:36 PM)
 المشاركات : 12,077 [ + ]
 التقييم :  569
لوني المفضل : #B45F04
افتراضي رد: الشاعر احمد الشربينى



شـــرنــقة


للحزن طعم الوجع,
والوهم..
ضل الخوف
جوايا بصة قلق..
عنها الحجاب مكشوف
بينى وبين ضحكتى..
م الحزن..
فيه مسافات !
دارت سواقى الليل..
ماسألت كام..
مِسا .. فات ؟!
شرنقت خوفى بصمتى,
يا فكره ..
ليه صُمتى..
عن شهقة الآهات
ملح الحياه الاغتراب..
فتشت فى المجهول!
سرسب نهار الصبا..
مالمحت ضى وصول,
موصول يا طول..
السفر..
بالغربه والاحزان
ياصبح بكره - ان كان-
دبل جراح امسى
انا فرحى ملك الناس
والجرح مالكنى,
يامين يشاركنى..
- وقت الصفا - همسى؟
انسى تاريخ غربتى,
واتذكر الخلان.
حضن الحبيبه .. وطن ,
ضِل الصحاب ..
بستان
فتان يا غيط الونس,
يا واحه للقلقان .
يا ادان لفجر اتخطف..
فى بكارة المشاوير
فرفط سنين البراءه..
فى عتامة التدبير
شبح الظنون هزنى
وعيونه بصالى,
روح العناد الصبى
تسرى ف اوصالى!
خيال خياله عنيد
ترمح مسافاته
يهزمنى صوت البكا..
تحيينى دمعاته!
مجنون .. اكون ..
بالفضا,
واعشق جموح الريح
يهتك حصار الشرنقه
وباجمل الالوان..
يطلق فراشاته

ابن الشاطئ


 


رد مع اقتباس
قديم 28-10-2011, 02:41 AM   #17
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (01:36 PM)
 المشاركات : 12,077 [ + ]
 التقييم :  569
لوني المفضل : #B45F04
افتراضي رد: الشاعر احمد الشربينى



من وحى فترة خدمتى
فى القوات المسلحة المصرية



القلــــم صديقى
سبع سنين عشتهم ..
بين الجبال فى الطل,
وكان معايا القلم..
هو الصديق والخل,
لا مره منى اشتكى..
ولا قاللى انه مل,
ولما نلمح بشر..
نبعد بعيد ع التل!
======
أنعس أنا م..وينام,
ونومته فوق إيدى.
تتجدد الاحلام..
يسمع لتنهيدى,
وان زارنى وحى كلام..
يقوللى : ياسيدى,
أرمى صباحى عليه,
ويقول: صباح الفل!
======
أحدف هناك البصر..
ألمح سما صافيه,
والصوره تطرح فكر..
فيها العبر كافيه!
والوزن كان معتبر,
وينادى ع القافيه.
وقت ان يبان الشفق..
يقول: ياشاعر طل!
=====
ويهل وش القمر..
تتجدد الا شواق,
يحلو لينا السهر..
وكأننا عشاق.
نستنى منه الخبر,
مع انه غاوى فراق,
ويقول معايا القلم..
قرب ياشعر وهل!
=====
ولما فاتنا القمر,
والليل يجيله نهار,
والكلمه تصبح مطر..
فوق السطور انهار.
طوفان مامنه خطر,
وموج بحور اشعار.
يغسل قلوب البشر,
ويروى عطش الكل!
=====
ولما جينا الحضر..
تاه القلم .. منى!
حسيت بقلبى اتفطر..
مين غيره يفهمنى,
أتارى سنه ا نكسر..
يارب صبرنى,
بكيت بدمع الالم..
والفكر منى انشل!
أحمد الشربينى


 


رد مع اقتباس
قديم 28-10-2011, 02:41 AM   #18
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (01:36 PM)
 المشاركات : 12,077 [ + ]
 التقييم :  569
لوني المفضل : #B45F04
افتراضي رد: الشاعر احمد الشربينى



مشــــــــــــوار

مين اللى خلى السكه..
تفقد الاتجاه؟
مين اللى بعتر الانتباه؟
مين اللى خلى الخوف ..
- فى غفله من الأمان -
جوه النفوس.. يبلغ مداه؟
لاقدرنا نحتمل الوقوف,
ولابالمسير..
باح الطريق عن منتهاه.
كان كل ذنبى..
الضعف من هول الفزع
الدهشه داست ع الوجع,
فاتسربت..
- بالغصب - آه
مع انى باسمع همستك ..
ماسمعتنيش
عطشان لندعه تبل ريق,
وشربت من بير السراب ..
فيض ميتك.
فيه لسه إيه .. نبكى عليه؟
بعد السكك مااتفرقت,
بقى كل واحد ..
فينا عارف سكته
أنا اللى أضنانى الطريق,
من بعد ماتاه الهدف.
وانت اللى ع البر اتحدف,
شوفى اختلف..
عن مفرداتك للقبول
اللى يعد الضرب..
غير اللى انضرب
واللى يعوم ع البر..
مايخاف الغرق
عمرى اتسرق
- بين القبايل -
بعترو دم السنين.
أنا كنت عارف ..
أبقى مين؟
دلوقتى ليه .. ماعرفتهوش؟
الصورة تايهة من الرتوش
ملمح رمادى ..
بتنكسى بيه الوشوش
مايهمنيش العيب فى مين؟
عيبك يعيبنى..
لو بقصدك تدفعه,
عيبى يعيبك,
لو هاتقدر.. فامنعه.
أما اللى ضاع..
مين فينا يقدر للحقيقه يرجعه؟
-أو بالقليل -
مين اللى كان - فى الأصل -
قاصده يضيعه؟

احمد الشربينى




 


رد مع اقتباس
قديم 28-10-2011, 02:43 AM   #19
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (01:36 PM)
 المشاركات : 12,077 [ + ]
 التقييم :  569
لوني المفضل : #B45F04
افتراضي رد: الشاعر احمد الشربينى



وحبيــــتك

وحبيتك..
وغير حبك ماعندى بديل
وحبيتك وانا ‏‎–‎‏ حتى ‏‎–‎
فى حضن الليل..‏
فى ضحكة طفل حيرانه ‏
فى لهفة أم سهرانه ‏
بتتمنى,وتستنى..‏
يعود الفجر من تانى..‏
مع المواويل.‏
ياموالى ياغنوة ناى..‏
لكل الناس باغنيها,‏
ياكلمة حق تتردد ,‏
فتتجدد معانيها,‏
وحبيتك..‏
ياساقيه عشق تروينى,‏
ياصوت بالحب يشجينى ,‏
ولا غيرك ,‏
وغير حضنك..‏
يدفينى!‏
فى ليل البرد حبيتك
فى عز الشرد حبيتك
ونادينى ,تلاقينى..‏
فى وقت الشده لبيتك,‏
وحبيتك..‏
وترجع تانى ايامك,‏
تحقق صعب احلامك..‏
يهون الصعب ياغاليه,‏
تهمى وتصلبى عودك,‏
وتفضل كلمتك.. عاليه,‏
واحس بنفسى فى وجودك,‏
وحبيتك..‏
يازرع اخضر
بيتمخطر بازهاره
يانيل اسمر..
كما السكر فى مقداره
ومادنه عاليه بتكبر
تنادى قلوب بتستغفر
قلوب طاهره,,‏
تصير اطهر,‏
وحبيتك
يالقمة عيش وفيها الملح,‏
ياضله ف غيط..‏
يفيض بالقمح
واشوفك فرح ‏
فى وقت الجرح
يدوب الليل مع نهارك,‏
وتعلى ويعلا مقدارك
ولو ليلى يطول بى,‏
لابد اوصل لباب دارك
وحبيتك..‏
ياطلة شمس بتصبح
وبتصحصح..‏
جيران بيتك
يابستانى ياورد وفل
علينا يطل,‏
ولما يهل,,‏
اشوف طفلك بيتنطط,‏
ويتشعبط..‏
على حجرك,‏
ويغطس فى امان صدرك
ومن ريحتك..‏
بيتنفس..‏
نفس جامد ,‏
يقوم فارد د راعاته,‏
وينده ندهة لاخواته,‏
ودمك يجرى فى عروقه,,‏
كما صبحك,‏
وهو يطل بشروقه,‏
يطاطى لاجل يرضيكى,‏
وبعنيكى تشاوريله..‏
عشان يرفع ..‏
جبينه..لفوق,‏
ولايطاطى,‏
ولا يطاطى,‏
ولا يطاطى,‏
وحبيتك

.
احمد الشربينى


اضغط على الصورة لرؤيتها بالحجم الطبيعياضغط على الصورة لرؤيتها بالحجم الطبيعي

للإستماع للقصيدة
بصوت الشاعر / أحمد الشربيني
اضغط على الرابط التالي
وحبيــــتك



 


رد مع اقتباس
قديم 28-10-2011, 02:43 AM   #20
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (01:36 PM)
 المشاركات : 12,077 [ + ]
 التقييم :  569
لوني المفضل : #B45F04
افتراضي رد: الشاعر احمد الشربينى



إلى كل شاعر أصيل
وكل موهبــة أصيلة
تتلمـــس طريقهــــا
إلى حيث الوجـــود
أكتب ماتــــريد
وقتمــــا تريـــد
بأى شـكل تريد
بردية أوزوريس

إيزيس ولا تلملمى..
م الارض أشلا ئى
غايتى - فى كل مكان - ..
يبقالى شيئ باقى!
وبدمى لاتنقشى..
فوق الجدار..
أســــــــــــرار
روح الحقيقه المضيئة
ماتحدهاش أسوار
وقت استكانة زمن..
تنطق بأوراقى

**********
لكن بدمى ارسمى..
- على قبرى - ..
ريشه ونصل ..
وقت اللقا الموعود,
مرصود بكلمة فصل..
تفصل مابين أشباه
لابسين رداء الأصل
ويدنسو ردائى؟!

**********
وف قبرى ضمى كلام,
قبل الأ وان..
قلته,
يمكن يطوله زمان..
يدرك خلود سيرته؟!
ويفك خيط الرموز,
يعلى البيان هامته
تنطق معانى البوح
يتخللى عن صمته
تتجللى أضوائى؟!

**********
إيزيس ياروح الخصوبه
يامؤونة المشوار
ياحصن ..
غصن انفعالى..
يابكارة الافكار
ياحمل وجع الليالى,
لويعصى ليلى نهار
وحياته (حورس)..
إيزيس,
فى غياب..
(أولى الا لبا ب)
ماتردديش قولى,
خوفا من التدليس,
أوجهل بالاسباب؟!
فى حياتى عشت ومماتى,
كا ن أصل مأساتى..
رؤية ضنين معرفه..
عاجز عن الإخصاب,
ويضم قولى كتاب..
ملفوف فى توب كتان,
وكأنه موميائى

**********
وف ساحة الأقداس.
ماتدخليش كهان.!
الإدعاء شعوذه,
والخلق ليه برهان
مش راح يكون ..
- فى الكون -
كائن..
بلا امكان!
واوصيك بنبت أخضر
محتاج لضل أمان
عسانى..
- بعد ممات –
أرجع فى شكل نبات,
ولا فى هيئة طير,
أونجم فى السموات.
ولا ف دموع الغيث..
على قبر أشلا ئى
**********
أحمد الشربينى


 


رد مع اقتباس
إضافة رد
مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : الشاعر احمد الشربينى
الموضوع كاتب الموضوع المنتدى مشاركات آخر مشاركة
وفاة الشاعر الكبير أحمد الشربيني منى كمال همس المواساة 7 12-11-2011 05:02 AM
الغربة ورائحة الموت عند احمد سعد الدين عبد الحافظ بخيت متولى همس الدراسات الأدبية والنقد 0 18-06-2011 09:41 PM
المـوسـوعـة المصورة للأدبــاء العــرب دكتور علاء احداث وشخصيات تاريخية 4 06-05-2011 02:29 AM
يوميات صعيدي في الجامعه(احمد ونور)الجزء الثاني وليد مدحت زيدان همسات ترفيهية 3 21-12-2010 02:40 AM


الساعة الآن 06:44 AM بتوقيت القاهرة



Powered by vBulletin® Copyright ©2000 - 2017, Jelsoft Enterprises Ltd. Designed & TranZ By Almuhajir
جميع المواضيع تعبر عن رأى كاتبها فقط دون ادنى مسئولية على المنتدى
vEhdaa4.0 by vAnDa ©2010