ننتظر تسجيلك هـنـا

كلمة الادارة قررت الادارة غلق الأقسام السياسية وحذف كل مايمت للسياسة بصلة في اي من أقسام المنتدى وكذلك التواقيع والصور الرمزية وذلك الى حين .. واي موضوع مخالف سوف يتم حذفه دون الرجوع لصاحبه فرجاء الالتزام بذلك وشكرا

« آخـــر الــمــواضــيــع »
         :: رسميا.. منتخب مصر يودع كأس العالم 2018 (آخر رد :زهرة فى خيالى)       :: الجيش الليبي يستعيد موانئ نفط بهجوم خاطف (آخر رد :زهرة فى خيالى)       :: تنزيل برنامج bluestacks للكمبيوتر (آخر رد :سيد عبيد)       :: أسعار تذاكر سيارات النقل العام بعد تحريك أسعار الوقود (آخر رد :زهرة فى خيالى)       :: وفاة الفنانة الكبيرة آمال فريد عن عمر ناهز 80 عاما (آخر رد :زهرة فى خيالى)       :: العيد شكل تانى ...فرحة تانية بطعمك يامصر (آخر رد :منى كمال)       :: أفغانستان تعلن مقتل زعيم طالبان الباكستانية (آخر رد :زهرة فى خيالى)       :: تحميل call of duty للاندرويد (آخر رد :سيد عبيد)       :: تعرف على وقت صلاة عيد الفطر المبارك بمدن ومحافظات الجمهورية (آخر رد :أمينه موسى)       :: قرار جمهورى بتعيين شريف إسماعيل وصدقى صبحى مساعدين للرئيس ومجدى عبد الغفار مستشارا (آخر رد :زهرة فى خيالى)      


 
العودة   أكاديمية همس الثقافية > همس الوفاء > همس الوفاء لهمساوية رحلوا عن عالمنا
 

همس الوفاء لهمساوية رحلوا عن عالمنا قسم خاص لادباء وشعراء عظام تركوا بصمة في همس لاتنسى

إضافة رد
 
أدوات الموضوع انواع عرض الموضوع
قديم 28-10-2011, 01:09 AM   #1
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (12:36 PM)
 المشاركات : 12,076 [ + ]
 التقييم :  569
لوني المفضل : #B45F04
آخـر مواضيعي

التوقيت

 

Icon81 الشاعر احمد الشربينى




أحمد السعيد الشربيني **
( 1948ـ 2011)





ـ شاعر عامية .
ـ مواليد 25/ 5/ 1948 بقرية الشعراء .
ـ يعمل في حرفة طلاء الموبيليات ( أعمال حرة ) .


ـ من إصداراته الشعرية :

ـ باحلم لبلدي ، على نفقة المؤلف ، 1984.
ـ وحي الكلام ، على نفقة المؤلف ، 1986.
ـ لحظة ميلاد ، الهيئة العامة لقصور الثقافة ، إصدارات الرواد ، العدد35.
ـ مواسم الحزن ، الهيئة العامة لقصور الثقافة ، إصدارات الرواد ، العدد61.


اضغط على الصورة لرؤيتها بالحجم الطبيعي


جوائز :

ـ المركز الأول في شعر العامية على مستوى المحافظة ، 1985، 1988.
ـ المركز الأول في الدراسات النقدية ، ثقافة دمياط ، 1985، 1988.
ـ كرم في مؤتمر دمياط الأدبي السابع 2000.
ـ حصل على درع الملتقى الثقافي من الدكتور عبد العظيم وزير محافظ دمياط 2003.

أنشطة:

ـ رئيس تحرير المجلة الإذاعية " أرشيف الشباب " بإذاعة الشباب والرياضة من سنة 1987 إلى عام 19992تحت إشراف الإذاعية عديلة بشارة .
ـ تولى الإشراف على الصفحة الأدبية لجريدة " الدمايطة " لعدة سنوات ، ومجلة " رواد " في بعض الفترات .
ـ أحد الأدباء المؤسسين لبرنامج " شريط كاسيت " بإذاعة ( صوت العرب ) ، تحت إشراف الأستاذ عبد الله قاسم ، والأستاذة نادية حلمي .
ـ سجل في العديد من برامج التلفزيون ، مثل : أمسية ثقافية ، ليالي القناة ، ليالي رمضان .
ـ نشر قصائده في مجلات مختلفة منها : الثقافة الجديدة ، رواد ، الدمايطة .
ـ له مخطوط كتاب ( المفروض في علم العروض ) ، وذلك لتبسيط علم العروض وسهولة استيعابه لدى الشعراء الناشئين .

مصدر :

لقاء مع الشاعر في قرية الشعراء بتاريخ 16/ 2/ 2005.

اضغط على الصورة لرؤيتها بالحجم الطبيعي


منقول من :

** موسوعة شعراء دمياط خلال قرن ( 1900ـ 2000) ..
تأليف سمير الفيل.

reputation

الموضوع الأصلي : الشاعر احمد الشربينى || الكاتب : هناء محمد || المصدر : أكاديمية همس الثقافية

 



 

 توقيع :
اضغط على الصورة لرؤيتها بالحجم الطبيعي


رد مع اقتباس
قديم 28-10-2011, 01:11 AM   #2
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (12:36 PM)
 المشاركات : 12,076 [ + ]
 التقييم :  569
لوني المفضل : #B45F04
آخـر مواضيعي

التوقيت

 

افتراضي رد: الشاعر احمد الشربينى




الشاعر احمد الشربينى / منتدى اهل الحارة





 



رد مع اقتباس
قديم 28-10-2011, 01:22 AM   #3
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (12:36 PM)
 المشاركات : 12,076 [ + ]
 التقييم :  569
لوني المفضل : #B45F04
آخـر مواضيعي

التوقيت

 

افتراضي رد: الشاعر احمد الشربينى




تــــراتيـــــــــــــل

الى من علمنى كيف تكتب الكلمه ؟

ويـــــا حروف الكـــــلام ..
علمتـــنى أفــــــرح ,
وف زحمة الأحزان
شفــــت الأمــل مرسوم
*******
حسيـــت كلامــك دفــا ..
وقـــت ان يهــل البــــرد,
ف الغــدر كــان الوفا
ف الجــــد هـــو الجـــــد.
ف الوهن كان الشفا
ونسيم فى لحظة صهد !
**********
يا ابو الكلام قنطره..
توصــل لجــسر القلـــب .
والكلمه تحبل ضيا ..
تولــد فى وقت الصعـب
قلبك كبير يا جدع ..
شايــل همــوم الخـــلق
والفكره لم تنتهى ..
إلا ان يبـــان الحــــــق ,
مارضيت تقول الآه
لحظــــــة مـاكانـــت لأ!
*********
سهم الكلام فى القوس ..
يرشـــق فى كبد الهم,
إكــوى الجراح يا طبيــــب..
غايتــى الجراح تتلـم ,
عمــر الجراح مــا تطيـــب..
لو فيه صديد فى الدم !
*********
شايـــل حمول شلتــها ..
لــم يوم تقـــول :كليــــــت,
والحمل لم يهزمك..
ينهـــــد..مـــا انهديـــــــت,
ماســـك فى إيدك قــلم ..
شايــــل فى قلـــبك ألم,
لا هبــت م اللى ظــــلم,
ولا دست على انظــلم ,
شامخ شموخ الهـــرم ,
وسـط الهـــــدد ..عليــــت
*********
راضـــع نهود النيــــــل ..
فوق ضفتــه شبيت,
رتلـــت فيـــه ..ترتيـــل,
طلب الرحال..شديت
شقوا القميص م الضهر,
الشمــــس لحظـــة قـــهر,
نامــت فى عــز الظــــهر,
(يوسف)مين اللى رماك..
جـــوه ظلام الجــــب؟
يا سؤال وناقصه جواب,
الديب برئ م الذنـب
لكنــه مــش غضبـــــــان..
مــن أهــــله والخـــــلان,
د معــادش فـــى الامكان..
يكـــون فى قـــلبه مكـان ,
إلا يـــدوب للحــــب !!

احمـــد الشـربيـنى


( نشرت بالقناديل يوم 17 / 3 / 2008 )



 



رد مع اقتباس
قديم 28-10-2011, 01:23 AM   #4
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (12:36 PM)
 المشاركات : 12,076 [ + ]
 التقييم :  569
لوني المفضل : #B45F04
آخـر مواضيعي

التوقيت

 

افتراضي رد: الشاعر احمد الشربينى




دمعة على الصديق والحبيب

الشربينى خطاب

يانن عين شربين

أنا قلت أبكى عليك,
فبكيت على حالى
شفت الكلام فى عنيك
بالشعر أوحالى
قطع الكلام مسافات
وصلنى للحالى
تاه الطريق ياصديق
ياضى ترحالى
يانن عين شربين
الضحكة ملو العين
أنا قلت أبكى عليك..
ضاع منى موالى.
***********
من حرقة الأشواق
بادعى عليك.. يافراق
يامين .. ينسينى؟
وانا بس هانسى إزاى
وانت فى يومى الجاى
ساكن فى تكوينى؟
ليه سبتنى أشلاء
كان نفسى أكون سباق
وانت اللى ترثينى
شربينى ياخطاب,
ياصفوة الأحباب
محتاج ترسينى
لو كنا نبقى اتنين
طب بص ع الإسمين
هاتلاقى شربينى

احمد الشربينى



نشرت بالقناديل يوم 12/ 10 / 2009



 



رد مع اقتباس
قديم 28-10-2011, 01:24 AM   #5
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (12:36 PM)
 المشاركات : 12,076 [ + ]
 التقييم :  569
لوني المفضل : #B45F04
آخـر مواضيعي

التوقيت

 

افتراضي رد: الشاعر احمد الشربينى




إرتيــــــــــاح

بصيت فى يوم للسما..
ولقيتنى فيها سرحت,
ونجومها متبعترة..
وقمرها باصص تحت
فسألت مين رصها؟
وبضى عينى لمحت
جواب..
بحجم الكون
صدرى انشرح , وارتحت


احمد الشربينى





31/8/2009




 



رد مع اقتباس
قديم 28-10-2011, 01:25 AM   #6
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (12:36 PM)
 المشاركات : 12,076 [ + ]
 التقييم :  569
لوني المفضل : #B45F04
آخـر مواضيعي

التوقيت

 

افتراضي رد: الشاعر احمد الشربينى




بمناسبة
ثــــــــــــــــورة
يوليـــــــ 23 ــــــــو
المجيـــــــــــــــدة
ثورة العزة والكرامة

ناصر فى القلب عايش

قفز التاريخ..
فى راسى,
وطلب يعمل مناوره!
من إيدى,- وباشتياقى -
رجعنى فى ابتدائى,
باللوح الأردواز..
والشورت.. وبالبشاوره.

أكتب, وارسم , وأشطب,
وارجع ..
من تانى أكتب,
واتمسك بالمحاوله..
كره.. من بعد كره!
وعشان الصوره توضح,
- بالغصب -
لقيتنى بامسح..
أكتر م ألف مره.

كان ( علم النفس ) لسه,
مادركتش منه لمسه..
بتقول:
انى بطبيعتى,
من يومى إبن ثوره
راضع بز السياسه,
الخالية م النجاسة
متربى ع الحماسه..
وف ندهة الاستغاثه
أعشق روح المغامره

واعشق - م القلب -
ناصـــــــــــــــــــــــر
مقدار عشقه لبلاده
- على مصر -
ورثت غيرته,
ورثنى كمان عناده,
الوحده , والعروبه,
أحلام.. سكنت فؤاده
ابن ( حصار الفالوجا )
من كلمه..
غير مباشره,
علمنى بدون مايدرى
لو هبت ألف موجه,
أو - حتى - السكه عوجه!
مش ممكن..
يوم أطاطى,
لو قالو على : خاطى,
دى العزه والكرامه..
(أبجد هوز ) زعامه,
والراس العاليه.. غاليه,
لو فيه مليون مؤامره!
الثوره البيضه قامت,
ولا نقطة دم سالت,
والمبدأ - من يوميها -
لسنة سبعين.. وثابت
( بنعادى اللى يعادينا )
و( ونسالم مين يسالم )
وتشوف جوه ف عنينا..
عبارات.. واضحه المعالم!

ناصـــــــــــــــــــر..
فى القلب عايش,
وهايبقى ليوم مماتنا,
وكمان عايش مابيننا,
مع أعظم إنجازاتنا!
ونحس معاه بذاتنا
شايفه..( كالسد عالى ),
لحظة ( تأميم كنالى )
ع الخطب الإرتجالى..
الله.. يا ابو بشره سمره .
شايفه ف كسوة عيالى,
فى اللقمه.. المتداريه,
جوه فصول.. المدارس,
فى زمان المجانيه!

وباحس معاه بمعنى..
تجسيد الانسانيه
إن قال.. الكل يسمع,
وكأنه صوت سماوى..
يتسرسب جوه روحنا,
لو جرح.. القول يداوى
علمنا نقول غناوى..
ونفسر حلم بكره.

أحمد الشربينى


5/7/2009



 



رد مع اقتباس
قديم 28-10-2011, 01:27 AM   #7
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (12:36 PM)
 المشاركات : 12,076 [ + ]
 التقييم :  569
لوني المفضل : #B45F04
آخـر مواضيعي

التوقيت

 

افتراضي رد: الشاعر احمد الشربينى




حبــال الصــبر

تغيب الضحكه وتلمح,
وهمك فى الحشا يدبح..
يشوفنى الحزن فى عيونك.
أسافر فى مدى كونك,
قدر مكتوب
وصبرى حبال..اخاف لاتدوب
يضيع منى الأمان والحب
ومرسال الأمل طول..
لا بتغير ولا اتحول
وتقسى ليه ياايامى ..
على المحبوب؟
على عهدك انا باقى ,
وشايل حمل أشواقى
ليوم ترجع غناويكى,
وترجع..
ضحكتك تانى,
تبدد طعم احزانى,
بحرف يوضح الكلمه ..
يضيفها لسطر عنوانى,
وجمله تفسر المعنى ..
لااقول ازاى ولا اشمعنى؟؟
وعبره تبان من الفكره,
تبددلى سراب بكره
وابص ف وشك القانى..
بكل وضوح
لا قلقانى هموم وجروح!
مااخافشى..لوتضمينى,
لو اغضب..برضه هدينى,
لو انعس..قومى صحينى,
أشاورك...
وانتى شاورينى
دانا رسمك..
على إسمك,
ياصوره عشقها فنانك,
أنا عودك,
وأنغامك,
وانا ليلك وايامك,
وقبل السهم مايصيبك,
أقدم عمرى قدامك
لبشرة خير..
يادوب طالله.,
مع حفنه من الغله,
وبعضش ميه م القله,
ونسمه من صباح نادى,
وكلمة حق مكتوبه..
تغير صوره مقلوبه..
تبان الطوبه ع الطوبه
وعن حبك ماعمرى اتوب.
أحبك بكره وامبارح,
فى غنوة طيرك الشادى
واحبك نسر لوجارح,
واحبك زهره فى الوادى
واحبك طفل بيخطى,
وحكمه وعلم لولادى,
واحبك صوره وقصيده..
ياحته منى يابلادى,
ياحته منى يابلادى

أحمد الشربينى




 



رد مع اقتباس
قديم 28-10-2011, 01:28 AM   #8
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (12:36 PM)
 المشاركات : 12,076 [ + ]
 التقييم :  569
لوني المفضل : #B45F04
آخـر مواضيعي

التوقيت

 

افتراضي رد: الشاعر احمد الشربينى




نفسى اخاصــمك
نفسى اخاصمك..
لاجل اصالحك.
ياللى علمتينى اسامحك
بالمشاعر والمحبة..
حبة .. حبة..
أبنى صرحك,
واكتبك أجمل قصيدة
لما طاب للقلب مدحك
نفسى اكون..
فى سطور حياتك
أجمل العناوين لفرحك,
وبسنينى, وبحنينى
- حتى قبل ماهاتنادينى -
أبقى ضله ف وقت جرحك
ياللى تكوينى ف ملامحك
نفسى اخاصمك..
لاجل اصالحك
كل ذنبى..
إنى ماعرفتش أخبى
كنت تايه قبل منك
والتقيتك..
نور منور لى دربى
واما عن عينى تغيبى
ألتقيكى ساكنه قلبى
ساكنه عقلى,
وف كيانى
مهما أوصف معنى حبى
مش هاتسعفنى المعانى
دى المعانى ساكنه إسمك
والجمال .. من وحى رسمك
واما نتقابل ماباعرف
ليه يتوه..
كل الكلام من فوق لسانى
نفسى أبقى أمان لخوفك
لما تقسى عليك ظروفك
تحضنك باللهفه.. عينى
تستخبى جوه قلبى
لاجل انا.. بس اللى اشوفك.
احمد الشربينى



 



رد مع اقتباس
قديم 28-10-2011, 01:29 AM   #9
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (12:36 PM)
 المشاركات : 12,076 [ + ]
 التقييم :  569
لوني المفضل : #B45F04
آخـر مواضيعي

التوقيت

 

افتراضي رد: الشاعر احمد الشربينى




ومهمــا اكبـــر
إلى رمز الأمومه
وإلى كل الأمهات
************
ومهما أكبر..
ألاقى نفسى قدامك ..
أبان أصغر,
ومهما العقل بيفكر,
يروح لبعيد..
وبيسافر, ويتحير,
قصاد اسمك..
قصاد رسمك..
ماعمره ف يوم هايتغير
ومهما اديكى من حبى..
بتدينى..
حنان أكتر,
تشيلى هم أيامى..
وتغسل بسمتك عينى,
تشاركينى فى احلامى..
بأحضانك بتحمينى.
وتهدينى لطريق النور,
واتوه فى الدنيا لولاكى.
بفضل دعاكى ورضاكى..
تقوينى..
بسر الخير فى تكوينى,
ياأعظم أم..
يــــــــــوم عــــــيد ك
أبـــــوس إيــــــــــدك,
وأبدر عمرى قدامك
فى جــنه ..
تحـــت أقـــــــدامك
واتمنى..
يكون العمر ميت زهره..
تعطر كل أيامك.
ولو أقدر..
ماهاستخسر
ياخدنى نداكى.. بنداكى
لدنيا عطر بستانك
يابحر كبير..
وفيه الميه حنيه,
وانا فى البحر غرقانك
على شط الامان..
صدرك,
على مهد الحنان حجرك
أحس يا أمى بوجودى
يشب وينفرد عودى
بزهرة عمرك الفايحه
بصفو النيه بتجودى
فى عز طفولتى وصبايا
وفرحة قلبى ليك غايه
ودا يما.. عايشه جوا يا
ياخدنى قلبك الاخضر
لصوره ع الدوام ..
باقيه
مع الايام بتتكرر
ومهما ا كبر..
أبص لنفسى فى مرايتك
أ بان أصغر


**********
أحمد الشربينى


17/3/2009



 



رد مع اقتباس
قديم 28-10-2011, 01:30 AM   #10
كبار الشخصيات


الصورة الرمزية هناء محمد
هناء محمد غير متواجد حالياً

بيانات اضافيه [ + ]
 رقم العضوية : 6866
 تاريخ التسجيل :  Feb 2009
 أخر زيارة : 13-06-2013 (12:36 PM)
 المشاركات : 12,076 [ + ]
 التقييم :  569
لوني المفضل : #B45F04
آخـر مواضيعي

التوقيت

 

افتراضي رد: الشاعر احمد الشربينى




إهــــــــداء
إلى فتاةصغيرة
ألتقيت بها فى لقاء معرض الكتاب
وقد تركت أثرا كبيرا
فى قلبى وروحى ومشاعرى
وهى بنت صديقة لزميلة فاضلة
وكانت ملهمة هذا النص

وعلمت بعد كتابتى للنص
بأنها تمر بظروف صحية خاصة
وكان للنص أثره الجميل على حالتها المعنوية

أميــــــرة
قلبى مابقاش عنده سيرة
إلا سيرتك.. يا أميرة
كالمحيط الهادى.. موجه
وانتى فيه..
أجمل جزيرة
لسه فاكر لما شفتك
جوه قلبى..
طبعت صورتك
نبضه ترجمها لمعانى
زى أنفاس المشاعر
لما تحضن.. نبض شاعر
وقت ماتحن الأغانى
زى وردة خدودها نادية
زى نسمة صبح هادية
لما بتسرسب فى روحى..
وف كيانى.
يااااه .. يالحظة لما شفتك
قلبى رفرف.. بين ضلوعى,
وقال عرفتك
حس طعم الدنيا.. جنه
طار وغنى
دى الحياه.. بقى ليها معنى
وابتديت اعشق زمانى
يا أميرة.. ياللى إسمك
تاج ومتفصل لرسمك
ياااه..
ياعنوان البراءة,والطيابة
ياسما من غير سحابة
قولى : عمو
قولى: بابا
مش هاتفرق ..
كل أشكال الكتابة
دانتى مية طهر تغسل,
م الحياة طعم الكآبه.
تفصيلات وجهك..
ملايكى,
والعيون بالحب تحكى
أحلى سيرة..ياأميرة
رغم فرحى..
اللى بان ف سطور ملامحى
غصب عنى,جوه منى..
قلبى حسيته بيبكى.
الساعات فاتت ثوانى
والفراق..
مكتوب عشانى
نفسى أضمك
ضمة تكفى الكون بحاله
ضمة ماتساعهاش معانى
كنت بين الناس, وقلبى
سيبته عندك
حدعارف,
طول مافيه باقيه الأمانى
يمكن ارجع ليكى تانى
دانتى سيرتك..
أحلى سيرة
ياحبيبتى يا أميرة

احمد الشربينى


11/2/2009



 



رد مع اقتباس
إضافة رد

مواقع النشر (المفضلة)

الكلمات الدلالية (Tags)
الشاعر, الشربيني, ايمى


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
وفاة الشاعر الكبير أحمد الشربيني منى كمال همس المواساة 7 12-11-2011 04:02 AM
الغربة ورائحة الموت عند احمد سعد الدين عبد الحافظ بخيت متولى همس الدراسات الأدبية والنقد 0 18-06-2011 08:41 PM
المـوسـوعـة المصورة للأدبــاء العــرب دكتور علاء احداث وشخصيات تاريخية 4 06-05-2011 01:29 AM
يوميات صعيدي في الجامعه(احمد ونور)الجزء الثاني وليد مدحت زيدان همسات ترفيهية 3 21-12-2010 01:40 AM


الساعة الآن 04:00 AM بتوقيت القاهرة




Powered by vBulletin® Copyright ©2000 - 2018, Jelsoft Enterprises Ltd. Designed & TranZ By Almuhajir
جميع المواضيع تعبر عن رأى كاتبها فقط دون ادنى مسئولية على المنتدى
vEhdaa4.0 by vAnDa ©2010
مودي ديزاين , المصممه اميرة صمتي