الموضوع: سيد...لاموأخذة
عرض مشاركة واحدة
قديم 26-10-2016, 03:20 PM   #1
عضو نشيط


الصورة الرمزية الصابر أيوب
الصابر أيوب غير متواجد حالياً

بيانات اضافيه [ + ]
 رقم العضوية : 2064
 تاريخ التسجيل :  Aug 2008
 أخر زيارة : 17-07-2017 (12:15 PM)
 المشاركات : 51 [ + ]
 التقييم :  10
لوني المفضل : #B45F04
افتراضي سيد...لاموأخذة



سيد لاموأخذة
***********
لعل من الشخصيات العالقة في ذهني
رغم مرور اكثر من 25 عاما
شخصية سيد لاموأخذة
لا أنا مش باقدم اعتذار أو أسف
هو اسمه كدا
سيد
لاموأخذة


أما كيفية اللقاء
كنا في ندوة أدبية تسمي ندوة الرابطة الإسلامية بشارع صبري أبوعلم بباب اللوق مصر
وكانت ندوة طيبة تضم مجموعة كبيرة من الشعراء والأدباء
وبعد عدة ندوات
لفت نظري شخص موجود ولايتحدث مع احد
اصطحبت صديقي ومعلمي الشاعر حسن لاشين
وذهبنا لنتحدث معه
_السلام عليكم
_وعليكم السلام
_حضرتك مش منسجم مع المجموعة ليه ومش بتطلع تقول شعر زيهم
_أصل انا شاعر اغنية بس وهنا مالهاش مكان
_(بتطفل مني) وحضرتك مين
(نظر الينا شذرا ومن اعلي الي أسفل
)
_ماتعرفونيش!!!! أنا سيد لاموأخذة
_
لاموأخذة أيه الاسم تاني وحش او ممنوع لاسمح الله
(قهقه الرجل بصوت عال)
وحش أو ممنوع لا أنا أسمي كدا سيد لاموأخذة هو لقب لكن اسمي الحقيقي سيد مبروك
_
واشمعني لاموأخذة دي
_
رد بسخرية لقب فني واتعودت عليه لدرجة اني نسيت اسم ابويا
(صديقي حسن لاشين يخفي ضحكته واندهاشه)
_طب ماتسمعنا حاجة يا لاموأخذة
_
ماشي
بس اطلبولي ساندوتش شاورمة وكوباية شاي
(تم طلب المطلوب)
وانجعص سيد بيه ولاموأخذة في جلسته وبدأ إلقاء الأغنية
وانا واستغفر الله العظيم حاسس اني هارجع من رداءة صوته
(ياسومة انتي ياجرثومة .....رقي بحالي
بتخبي ليه صحن المحشي وبيحلالي
بكرة هانتجوز حتما تبقي حلالي
بس احدفي ليا الطاجن وبلاش عندك
دنا هاروح واجيب مأذون واجي لعندك.......)
وقبل أن يكمل أغنيته الفذة كنت أنا وصديقي حسن لاشين قد انصرفنا
لكن بعد أن مررنا بكافتيريا المكان واوصيناهم ان يحاسبوا سيد لاموأخذة علي ماطفحه
لاموأخذة
أنا ماشي




 


رد مع اقتباس