أكاديمية همس الثقافية

أكاديمية همس الثقافية (http://www.hmselklob.com/vb/index.php)
-   همسات من مدونة فلان (http://www.hmselklob.com/vb/forumdisplay.php?f=217)
-   -   قول يا قلم ... (http://www.hmselklob.com/vb/showthread.php?t=41843)

سامي 17-03-2013 09:49 AM

قول يا قلم ...
 


http://www.youtube.com/watch?v=3DTL-...ature=youtu.be

قول يا قلم ..
احكي عن .. التاريخ و الحضارة
عن مصر .. فجر الضمير

احكي عن قناة في اراضينا
حفرناها بايدينا

و حكاية الشعب اللي بني السد

عن عروس النيل
و جبل الطور
و ارض الفيروز


قول يا قلم ..

احكي عن الابطال

احمس و قطز و صلاح الدين


عن اللي صحي الشرق
وديانه و جباله

عن اللي قال للرجال
عدو القنال

وعن اللي زرعوا
سنابل القمح في وادينا

قول يا قلم ..

احكي عن بحر البقر
عن حرب الاستنزاف

عن الرجال السمر الشداد
عن حائط الصواريخ
احكي عن العبور

قول يا قلم ..
احكي عن الحكومة اللي كانت ذكية
عن المغارة
و الف علي بابا

عن الغربة و قسوتها
عن المر و الصبر

عن سكان القصور
و اللي عايشين
وسط القبور


قول يا قلم .. قول
قول يا قلم
عن ثورة المصريين

قول يا قلم
من غير خوف و لا ندم

مدحت زيدان 17-03-2013 11:31 AM

رد: قول يا قلم ...
 
ومهما قال القلم فلن يوفيها حقها
يسعدني أن أكون أول من رحب بمدونتك المصرية الأصيلة يامصري ياأصيل ياأستاذ سامي

رماح 17-03-2013 02:59 PM

رد: قول يا قلم ...
 
نص جميل ملؤه الإحساس الصادق ..
لا تحرمنا أخ سامى من هذه الانفعالات المؤثرة ..

سامي 17-03-2013 10:18 PM

رد: قول يا قلم ...
 
اقتباس:

المشاركة الأصلية كتبت بواسطة مدحت زيدان (المشاركة 272343)
ومهما قال القلم فلن يوفيها حقها
يسعدني أن أكون أول من رحب بمدونتك المصرية الأصيلة يامصري ياأصيل ياأستاذ سامي

اخي الكريم مدحت زيدان
كما يسعدني ايضا ان تكون اول مشارك بقلمك و فكرك في مدونتي قول يا قلم
تحياتي و تقديري و مودتي

سامي 17-03-2013 10:20 PM

رد: قول يا قلم ...
 
اقتباس:

المشاركة الأصلية كتبت بواسطة رماح (المشاركة 272366)
نص جميل ملؤه الإحساس الصادق ..
لا تحرمنا أخ سامى من هذه الانفعالات المؤثرة ..

الاستاذ رماح
و كلماتك و مشاركتك اعتز بها من استاذ و اديب
تحياتي و تقديلري و مودتي

سامي 17-03-2013 10:21 PM

رد: قول يا قلم ...
 

امسكت القلم لاكتب
كلمات من القلب
حروفها نبضات
كلمات ارسمها
لوحة علي الجدار
الونها

ابيض بلون السحاب
و الياسمين
اخضر بلون الزرع
قمحي
بلوني
كلمات تصدر اصوات
زقزقة عصفور
انغام الناي
اغنية
بصوت كوكب الشرق
و العندليب

كلمات كنسمة الصباح
كموج البحر
كلمات
لها عطر الياسمين


كلمات حب
كعذوبة النيل

كلمات شوق
كثورة بركان


عادت لي كلماتي
لما يقرأها انسان



شئ حولي يحترق
و يتصاعد منه دخان
اهي كلماتي
سيجارتي
ام عضو من جسمي

الدخان في صدري
في عيني
الدخان حولي
في كل مكان

ربما اعود لاكتب كلمات
من القلب
حروفها تدق كالنبضات
كلمات ارسمها
لوحة علي الجدار
الونها
بلون الزرع
بلون السحاب
كلمات تصدر اصوات
زقزقة عصفور
و انغام الناي

كلمات كنسمة الصباح
لها رائحة الياسمين


كلمات حب
لها عذوبة النيل

كلمات شوق
كثورة بركان

مدحت زيدان 17-03-2013 10:41 PM

رد: قول يا قلم ...
 
نعم الدخان في كل مكان ويخنقنا

ولكن بإذن الله ستصفو الأجواء ونتنفس هواءا صحيا

وهيقول قلمك كمان وكمان عن الحقول الخضرا والنيل والأهرامات وعن المصري الإنسان

سامي 18-03-2013 10:11 PM

رد: قول يا قلم ...
 
اقتباس:

المشاركة الأصلية كتبت بواسطة مدحت زيدان (المشاركة 272445)
نعم الدخان في كل مكان ويخنقنا

ولكن بإذن الله ستصفو الأجواء ونتنفس هواءا صحيا

وهيقول قلمك كمان وكمان عن الحقول الخضرا والنيل والأهرامات وعن المصري الإنسان

ان شاء الله تصفو الاجواء و النفوس ايضا
فكلنا في سفينة واحدة

تحياتي و تقديري استاذذ مدحت زيدان

سامي 18-03-2013 10:13 PM

رد: قول يا قلم ...
 

كلهم ابنائي


أبطال الصمود
و أبطال العبور
بناة السد العالي
و اللي حفروا القناة



كلهم ابنائي



الفلاحين في المزارع
العمال في المصانع
الجنود علي الحدود



كلهم ابنائي




الثوار في الميدان
في البيوت و كل الشوارع
في الكفور و النجوع
و حتي سكان القبور

و اللي تحت الصخور


كلهم ابنائي



الشعب ..
و الجيش ..
و الشرطه ..
كلهم ابنائي



كلهم مصريين



مطالبهم واحده
عيش ..
حرية ..
كرامة ..
عداله اجتماعية




.. كلهم ابنائي



كلهم مصريين



لكن ..
اللي في الماضي

كانوا يد واحده في مواجهة الفيضان

و في الحاضر
وقفوا مع بعض ضد الطغيان



ابنائي تفرقوا
كل منهم يحسب نصيبه من الميراث



دول مين
ده ليبرالي و ده علماني



و دول مين
ده اخواني و ده سلفي و ده جهادي
و دول النصاري



و دول مين
ده وفدي و ده ناصري و ده من التجمع
و ده وطني و ده ديمقراطي
و ده 6 ابريل و ده 8 ابريل
و ده 25 يناير
و ده 9 مارس
و نكمل ايام السنه




و دول مين



ده شيعي و ده شيوعي
و ده اشتراكي و ده تعاوني
و ده راسمالي



و دول مين
ده من الثوار
و ده من الفلول
و ده من العصابة
و دول البلطجيه




بس دول
كلهم مصريين
و لكن ...



اذا لم يقبل كل منهم الأخر



اذا راحت منهم الطيبه



اذا نسوا معني العفو
و التسامح



لن يكونوا و لن اكون



انتبهوا ايها السادة



اصل الحكايه

مش ثورة ممكن تضيع

و كرسي للحكم و دستور





الحكايه
حكاية شعب و وطن

منى كمال 19-03-2013 12:55 AM

رد: قول يا قلم ...
 
قول ياقلم احمس واكتب وخط التاريخ وعبر عن مصر أم الدنيا كما نراها نحن ...قول ياقلم واكتب عن شعب تاه وتاهت منه هويته .قول ياقلم واسطر عن شعب بيدمر نفسه وبيدمر تاريخه تحت مسمى الحرية .......

الاستاذ سامي أحمد (أحمس) سعداء بعودتك الجميلة لبيتك همس وسعداء لحروف من نور يخطها قلمك بيننا

مرحبا بعودتك مجددا


الساعة الآن 04:35 AM بتوقيت القاهرة

Powered by vBulletin® Copyright ©2000 - 2017, Jelsoft Enterprises Ltd. Designed & TranZ By Almuhajir
جميع المواضيع تعبر عن رأى كاتبها فقط دون ادنى مسئولية على المنتدى

vEhdaa4.0 by vAnDa ©2010