خلاص إنسى

[عادل شاكر]

خلاص ... إنسى


فى قلبى عقلى وعيونى * ياروح الروح علا شانك

ولما ضحكت ايامى * نسيت الكل علشانك

كلامك ضحكتك حبك * جمالك ورد بستانك

ودنيا إستخسرت فيا * أعيش أيامى بحنانك

***

وراجع ع الطريق وحدى * بآهاتى وأنا الغلطان

أحاسب نفسى ع الكلمة * وأتندم على اللى كان

وأقول إزاى تسامحينى * وترجعلى ليالى زمان

نعيش ونعوض الماضى* وننسى الهجر والحرمان

***

باحايل فيكى وأتمنى * وأمنى النفس بالجنه

وأقول بكره يعود ليا * أشوفو تانى وأتهنى

أصونك جوه ف عيونى * وأجيب الورد والحنه

وبدر وشمعه سهرانه * تقول للشمس تستنى

***

ولما طالت الغيبة * رويت بالدمع أيامى

وصبارة يادوب طارحه * بطعم المر قدامى

أدارى دمعتى بإيدى * يبان الحزن بكلامى

نسيتينى خلاص أبعد * وأنسى كل أحلامى

***

مانش قادر حبيبى أنسى * مفيش غيرك على بالى

أبات سهران مع النجمة * وصورتك عايشه فى خيالى

ولو مرة سألتيها * هتحكيلك على حالى

تقولك داب ومستنى * إشارة وكلمة ياغالى

***

عروسة بحر أحلامى * ورمل الشط والنسمة

أنا صابر ومستنى * جمال البدر والبسمة

تعود أحلى أمانينا * وبرج السعد والنجمة

تغني لى وأحكيلك * عن المكتوب والقسمة

***

وجانى الرد يا ويلى * وغرق ف الضلام ليلى

وصوتك حبه متغير * ومتلجلج بموج نيلى

يغرق مركبى ويرمى * شراعى وكل مواويلى

يقوللى بعدنا أرحم * ويقتلنى ويدعى لى


عادل شاكر http://www.hmselklob.com/vb/images/icons/icon100.gif

***

http://comps.fotosearch.com/comp/DGK/DGK122/178-7-023.jpg


30/08/2009

1:15

[احمد الهاشمى]

المتألق دوما

الشاعرالكبير

استاذ عادل شاكر

نسعد بكل حرف تقع عليه العيون

طالما مذيل بتوقيع

عادل شاكر

لانها الكلمه متجسده في معانٍ

تقبل تحياتي

[عادل شاكر]

الغالى

أحمد الهاشمى

حينما نترجم الواقعية إلى كلمات

نتأكد أننا لم نخطىء الإختيار

عيبى الوحيد أننى أكتب من داخل الحدث

بل وأثناء حدوثه

أقسم عقلى نصفين

نصفاً يتفاعل مع طرف المحادثة أو الحدث

وشطراً يكتب لكم ما يحدث لحظة حدوثه

دمت لى أخى الهاشمى

[ساندى]

قلما بالنفس يكتب ..أم نفسا بالقلم تدون..لا اعرف

تأتى الكلمات عبر النبضات..تختلط بالانفاس

ترسم من الصور أصدقها..تكتب من الكلمات ارسخها

فتصل للقلب بلا حاجز..وتترك من الأثر اعمقه

دوما ابداعك بلا حدود

عادل شاكر

ولكنك تستحدث درجات اعلى من الابداع لم يصل لها احد من قبل

لك كل التحية والتقدير

[عادل شاكر]

لم أكن أصبو لإبداع

فما جدوى إبداع ينبت من ضياع

كمن سقط ببئر فنادى أن أنقذونى

فتحلقوا حول الحافة وأطربهم صوته

مع الصدى فطلبوا الإعادة

الغالية ساندى

ما قرأتموه الآن لم يمزج به حرفاً من خيال

كتبته وأنا أحاوره

وأنتهيت من الكتابة وقرأت ويا ليتنى ما قرأت بحياتى

ساندى

أشكر تفاعلك بالمرور والرد

[مصطفى عاطف]

سيدي الفاضل عادل شاكر
حسستني بروعة أناقة الكلام
تقبل تحياتي

[عادل شاكر]

أستاذ مصطفى عاطف

الروعة فى تواجدكم الغالى

وكل الأناقة فى ردكم الشيك

أشكرك