مدحت زيدان
03-22-2009, 11:27 AM
والله العظيم ياجماعة الموضوع ده مش منقول
هو موقف حقيقى أنا عشته ومش عارف ليه أنا تذكرته الأن رغم أن مر عليه اكتر من أربع سنوات
تسلمت إنذار على يد محضر يتم اخطارى فيه بموعد جلسة فى المحكمة
والعجيب إن المدعى شخص لاأعرفه ولم أسمع عنه من قبل ويتهمنى بانى وقعت له على شيك ب 15 الف جنيه قيمة مبلغ استلمته منه مقابل معدات زراعية اشتريتها أنا من شركته... وانه ذهب الى البنك الفلانى فوجد ان رصيدى لايكفى
وهذ البنك انا عمرى مادخلته!!!!!
بعد أن أفقت من حالة الذهول قلت فى نفسى لابد ان شخصا ما يريد ان (يشوشر ويغلس عليّ)
لكن قلت لايمكن لأن انا ليس لى أى أعداء ومسالم جدا
المحامى الذى أرسل الإنذار لم يكتب عنوان مكتبه حتى استفهم منه عن الموضوع
وحاولت أن أعثر على عنوانه من الدليل ولم افلح
فقلت لنفسى اذهب الى البنك لعلى أمسك بطرف الخيط
وفعلا ذهبت الى البنك وقابلت المديرة المسؤلة عن شئون العملاء وأعطيت لها الانذار الذى وصلنى وطلبت منها ان تقرأه
وبعد ان قرأته قلت لها:
انا فهمت من الانذار ده أن لى حساب فى البنك هنا... ممكن اسحب منه؟
فطلبت منى بطاقة تحقيق الشخصية وبعد أن أعطيتها لها قامت بكتابة اسمى على الكمبيوتر وقالت لى:
لا فيه اختلاف فى الاسم الرابع واختلاف فى العنوان
الاسم الرابع عندك محمد والاسم الرابع لصاحب الرصيد احمد
تاكدت تماما أن الموضوع جد وليس مجرد (مقلب) وعدت الى المنزل افكر فى هذا الموضوع العجيب
وقلت ممكن جدا جدا جدا يحدث تشابه فى الاسماء لكن لايمكن ابدا ابدا يحدث تشابه فى الاسم والعنوان
بحثت عن أسم المدعى فى الدليل ونجحت فى العثور على عنوانه ورقم هاتفه
طلبته على الهاتف ورد عليّ
- السلام عليكم
-وعليكم السلام
- حضرتك فلان الفلانى
-ايوة...مين حضرتك
- انا فلان الفلان الفلانى ياترى فاكر الاسم ده
- ايو طبعا فاكر لكن صوتك متغير خالص
- مش هينفع الكلام فى التليفون انا لازم ضرورى اقابل حضرتك فى وجود المحامى اللى أرسل لى الانذار
- ماشى
وتم تحديد الموعد والمكان ...( الشركة التى يملكها المدعى)
وذهبت الى الشركة ودخلت مكتب المدعى ووجدت فعلا المحامى موجود معاه
اول مادخلت لصاحب الشركة(المدعى) وجلست فى مكتبه
الراجل سألنى انا والمحامى تشربوا ايه؟
فرد المحامى الذى كان ممسكا بسبحة طويلة وعلى جبهته علامة صلاة فى حجم الجنيه الفضة الجديد وقال
- النهاردة الاتنين انا صايم
فتعجبت وتذكرت الحكمة التى تقول "الدين المعاملة "
توجهت لصاحب الشركة (المدعى) بسؤال مباشر
- هل احنا اتقابلنا قبل كده حضرتك؟
-لا
- طيب ليه حضرتك اتهمتنى انى وقعت لك على شيك؟
- لا مش حضرتك اللى بأتهمه
فاعطيت بطاقتى له ليتأكد من اسمى وقلت له المحامى بتاع حضرتك ارسل لى هذا الانذار واعطيت له الانذار
تعجب الرجل جدا جدا ونظر الى المحامى نظرة استفهام!
فقال المحامى
- اكيد فيه تشابه فى الاسماء
فقلت له
- طيب والعنوان حصل فيه تشابه برضه!
فسكت المحامى وكأن القطة أكلت لسانه
فقلت للمدعى أنا اقول لحضرتك على اللى حصل
الاستاذ(واشرت الى المحامى) لم يجد الشخص اللى نصب عليكم ففتح دليل التليفون فوجد 6 اسماء يحملون نفس الاسم الثلاثى فاختار اول واحد يجرب معاه وهو أسمى أنا وعنوانى أنا
وبعد كده يبقى يجرب مع الاخرين لعل وعسى يجد النصاب
ومش مهم عنده مشاعر الناس واحاسيسهم والشوشرة على سمعتهم
فاعتذر المدعى جدا جدا وكذلك المحامى
ولأن أنا قلبى ابيض قبلت الاعتذارات وسألت المحامى
هنعمل ايه فى الجلسة؟
فقال لى انا مش هااحضر الجلسة وحضرتك لاتحضر الجلسة والقضية كده تسقط
ولكنى لم اطمئن وحضرت الجلسة
ونادى الحاجب أسمى ووقفت امام القاضى وحكيت له الحكاية وقلت له المدعى لن يحضر ياسيادة الريس
فتعجب القاضى جدا وأمر الحاجب ان ينادى على المدعى مرة واتنين ولم يرد أحد فحكم ببراءتى
بزمتكم ياحضرات الموضوع ده مش عامل زى الافلام الهندى!
ايه تعليقاتكم ياترى؟
هو موقف حقيقى أنا عشته ومش عارف ليه أنا تذكرته الأن رغم أن مر عليه اكتر من أربع سنوات
تسلمت إنذار على يد محضر يتم اخطارى فيه بموعد جلسة فى المحكمة
والعجيب إن المدعى شخص لاأعرفه ولم أسمع عنه من قبل ويتهمنى بانى وقعت له على شيك ب 15 الف جنيه قيمة مبلغ استلمته منه مقابل معدات زراعية اشتريتها أنا من شركته... وانه ذهب الى البنك الفلانى فوجد ان رصيدى لايكفى
وهذ البنك انا عمرى مادخلته!!!!!
بعد أن أفقت من حالة الذهول قلت فى نفسى لابد ان شخصا ما يريد ان (يشوشر ويغلس عليّ)
لكن قلت لايمكن لأن انا ليس لى أى أعداء ومسالم جدا
المحامى الذى أرسل الإنذار لم يكتب عنوان مكتبه حتى استفهم منه عن الموضوع
وحاولت أن أعثر على عنوانه من الدليل ولم افلح
فقلت لنفسى اذهب الى البنك لعلى أمسك بطرف الخيط
وفعلا ذهبت الى البنك وقابلت المديرة المسؤلة عن شئون العملاء وأعطيت لها الانذار الذى وصلنى وطلبت منها ان تقرأه
وبعد ان قرأته قلت لها:
انا فهمت من الانذار ده أن لى حساب فى البنك هنا... ممكن اسحب منه؟
فطلبت منى بطاقة تحقيق الشخصية وبعد أن أعطيتها لها قامت بكتابة اسمى على الكمبيوتر وقالت لى:
لا فيه اختلاف فى الاسم الرابع واختلاف فى العنوان
الاسم الرابع عندك محمد والاسم الرابع لصاحب الرصيد احمد
تاكدت تماما أن الموضوع جد وليس مجرد (مقلب) وعدت الى المنزل افكر فى هذا الموضوع العجيب
وقلت ممكن جدا جدا جدا يحدث تشابه فى الاسماء لكن لايمكن ابدا ابدا يحدث تشابه فى الاسم والعنوان
بحثت عن أسم المدعى فى الدليل ونجحت فى العثور على عنوانه ورقم هاتفه
طلبته على الهاتف ورد عليّ
- السلام عليكم
-وعليكم السلام
- حضرتك فلان الفلانى
-ايوة...مين حضرتك
- انا فلان الفلان الفلانى ياترى فاكر الاسم ده
- ايو طبعا فاكر لكن صوتك متغير خالص
- مش هينفع الكلام فى التليفون انا لازم ضرورى اقابل حضرتك فى وجود المحامى اللى أرسل لى الانذار
- ماشى
وتم تحديد الموعد والمكان ...( الشركة التى يملكها المدعى)
وذهبت الى الشركة ودخلت مكتب المدعى ووجدت فعلا المحامى موجود معاه
اول مادخلت لصاحب الشركة(المدعى) وجلست فى مكتبه
الراجل سألنى انا والمحامى تشربوا ايه؟
فرد المحامى الذى كان ممسكا بسبحة طويلة وعلى جبهته علامة صلاة فى حجم الجنيه الفضة الجديد وقال
- النهاردة الاتنين انا صايم
فتعجبت وتذكرت الحكمة التى تقول "الدين المعاملة "
توجهت لصاحب الشركة (المدعى) بسؤال مباشر
- هل احنا اتقابلنا قبل كده حضرتك؟
-لا
- طيب ليه حضرتك اتهمتنى انى وقعت لك على شيك؟
- لا مش حضرتك اللى بأتهمه
فاعطيت بطاقتى له ليتأكد من اسمى وقلت له المحامى بتاع حضرتك ارسل لى هذا الانذار واعطيت له الانذار
تعجب الرجل جدا جدا ونظر الى المحامى نظرة استفهام!
فقال المحامى
- اكيد فيه تشابه فى الاسماء
فقلت له
- طيب والعنوان حصل فيه تشابه برضه!
فسكت المحامى وكأن القطة أكلت لسانه
فقلت للمدعى أنا اقول لحضرتك على اللى حصل
الاستاذ(واشرت الى المحامى) لم يجد الشخص اللى نصب عليكم ففتح دليل التليفون فوجد 6 اسماء يحملون نفس الاسم الثلاثى فاختار اول واحد يجرب معاه وهو أسمى أنا وعنوانى أنا
وبعد كده يبقى يجرب مع الاخرين لعل وعسى يجد النصاب
ومش مهم عنده مشاعر الناس واحاسيسهم والشوشرة على سمعتهم
فاعتذر المدعى جدا جدا وكذلك المحامى
ولأن أنا قلبى ابيض قبلت الاعتذارات وسألت المحامى
هنعمل ايه فى الجلسة؟
فقال لى انا مش هااحضر الجلسة وحضرتك لاتحضر الجلسة والقضية كده تسقط
ولكنى لم اطمئن وحضرت الجلسة
ونادى الحاجب أسمى ووقفت امام القاضى وحكيت له الحكاية وقلت له المدعى لن يحضر ياسيادة الريس
فتعجب القاضى جدا وأمر الحاجب ان ينادى على المدعى مرة واتنين ولم يرد أحد فحكم ببراءتى
بزمتكم ياحضرات الموضوع ده مش عامل زى الافلام الهندى!
ايه تعليقاتكم ياترى؟