اسامة الهمساوي
01-13-2009, 05:27 PM
حكاوى القهاوى على تخاريف صيام
--------------------------------------------------------------------------------
كان ياما كان فى سالف العصر والاوان كان فيه حاجة اسمها رجل وحاجة اسمها ست .... وكان الرجل له هيبة وقيمة وسيما ... وكانت الست زمان اسمها ام.... وام حنينة وجدعة وتحب بيتها وعيالها وكانت ست بعشر رجالة فى الزمن الاغبر ده ....كانت الام تصحى من النجمة وتجهز الفطار وسندوتشات المدارس وتصول وتجول فى بيتها عشان تسعد الصغير قبل الكبير و كانت الام هى الدينامو فى البيت وكان الرجل رجل مالى هدومة وشنبه يقف عليه صقرين ... وبمناسبة ان عيد الام فاضل عليه شهرين بقول الله يرحمك ياامى ويجعل مثواكى الجنة لانك كنت ام غالية اوى اوى ربنا يرحمك لانى كنت بحب امى جدا جدا جدا و احب بس اضيف حاجة صغيرة وهى ان الام اساس كل شىء فى تربية اولادها فهى الدستور وهى الاساس واصل الطباع لمن تربيهم وتعلمهم .... وزى ما بيقولو فاقد الشىء لايعطيه .... بمعنى ان الام السليمة هى التى تقوم بتربية اولادها على العادات والتقاليد الصح وكيفية التعامل وكيفية الاحترام للاخرين ....... الام مدرسة ان اعددتها اعددت شعب طيب الاعراق .
امهات الايام دى ياباشا سابو المطبخ وسابو طشت الغسيل ونسوا طشت العجين ورمو عيالهم فى الشارع وعند الجيران واتفرغو للدش والنت والمحمول والكمبيوتر وشغالين لوك لوك مع جارتهم طول الليل والنهار وفالحين بس فى اصطياد اخطاء الغير والقلب اتملى حقد وغل وكره وفاضيين بس دى قالت ودى عادت وده راح ودة جه وده بنطلونه قصير ودى بنطلونها محزق وسابو عيالهم يواجهو مصيرهم الاغبر .
اااااااه ياباشا لو حد يحكمنى على الستات الفاضية دى امثال خالتى ظاظا .......... عارف هعمل ايه ؟؟؟؟اقولك ... هقطع الكهربا من الشارع كله واحتمال من البلد كلها .. واسحب من عندهم الغسالة الاوتوماتيك ... وهسحب غسالة الاطباق ... وهكسر الكومبيوتر ... وهفصل ساك النت ... واقول لها البسى ياحلوة مريلتك بتاعة المطبخ وخشى على الاطباق والحلل والمواعين اغسليها ولما تخلصى ادخلى على الحمام وانظرى حولك هتلاقى طشت الغسيل النحاس الاحمر مليان من خيرات الله قمصان وبناطيل وملايات سراير وجلاليب على فساتين انزلى فيها غسيل ودعك بايديكى الناعمة دى ... ولما تخلصى طلعى المراتب والمخدات وحطيها تتشمس فى الشمس ... وادخلى على شقتك نضفيها وامسحيها ... وبالمرة انشرى غسيلك ياعسل ... وادخلى جهزى الغدا لعيالك ... وبعد الغدا لمى غسيلك وبعد كدة زاكرى
لعيالك ... وانزلى صلحى وابور الجاز عند عم سيد السمكرى وقبل المغرب دخلى المراتب والمخدات ... وماتنسيش تصليلك ركعتين ياخالتى ياام بدير
واستغفرى ربنا واطلبى الهداية وبطلى رغى فى التليفون وقصرى فى الكلام لان الفواتير كل 3 شهور .
وكمان ياباشا هبنى على كل سطح بيت فرن بلدى معتبر واخلى كل ست تصحى من الفجر وتعجن عجينه حلوة وتخبز لها رغيفين سخنين وتخلى عيالها ياكلو عيش سخن من نفسهم وهشترى لكل ست ماكينة خياطة سنجر واقول لها سيبك من قراية المجلات وادخلى خدى مقاسات ولادك وبعد غسيل الاطباق اجرى على الماكينة خيطى هدوم ولادك .... وبالمرة عندك زرارين مقطوعين من قميصى روحى خيطيهم .... وبالمرة اكوى الهدوم عشان عندى الصبح شغل ... وماتنسيش تجهزيلى الحمام وحطى لى صابونة بريحة وسيبك من صابون الغسيل .
وقبل الجو مايضلم هقول لهم مفيش واحدة فيكو تنسى تعمر لمبة الجاز وبالمرة نفضوا السجاجيد على بيات عشان الصبح تحطوهم فى الشمس على نضافة .
وهكذا ياباشا و الى ان تتضح الامور افضل اضرب فى المربوط لحد ما يخاف السايب
بس ياباشا فيه هنا مشكلة وهى مين هيحط السلسلة فى رقبة القطة ؟؟؟؟؟؟؟؟؟؟؟؟؟؟؟؟؟؟
والى ان نلتقى فى موضوع خاص بالرجالة لكم منى الف تحية واستأذن لانى صايم ورايح افطر
اخوكم الصايم /اسامة
__________________
--------------------------------------------------------------------------------
كان ياما كان فى سالف العصر والاوان كان فيه حاجة اسمها رجل وحاجة اسمها ست .... وكان الرجل له هيبة وقيمة وسيما ... وكانت الست زمان اسمها ام.... وام حنينة وجدعة وتحب بيتها وعيالها وكانت ست بعشر رجالة فى الزمن الاغبر ده ....كانت الام تصحى من النجمة وتجهز الفطار وسندوتشات المدارس وتصول وتجول فى بيتها عشان تسعد الصغير قبل الكبير و كانت الام هى الدينامو فى البيت وكان الرجل رجل مالى هدومة وشنبه يقف عليه صقرين ... وبمناسبة ان عيد الام فاضل عليه شهرين بقول الله يرحمك ياامى ويجعل مثواكى الجنة لانك كنت ام غالية اوى اوى ربنا يرحمك لانى كنت بحب امى جدا جدا جدا و احب بس اضيف حاجة صغيرة وهى ان الام اساس كل شىء فى تربية اولادها فهى الدستور وهى الاساس واصل الطباع لمن تربيهم وتعلمهم .... وزى ما بيقولو فاقد الشىء لايعطيه .... بمعنى ان الام السليمة هى التى تقوم بتربية اولادها على العادات والتقاليد الصح وكيفية التعامل وكيفية الاحترام للاخرين ....... الام مدرسة ان اعددتها اعددت شعب طيب الاعراق .
امهات الايام دى ياباشا سابو المطبخ وسابو طشت الغسيل ونسوا طشت العجين ورمو عيالهم فى الشارع وعند الجيران واتفرغو للدش والنت والمحمول والكمبيوتر وشغالين لوك لوك مع جارتهم طول الليل والنهار وفالحين بس فى اصطياد اخطاء الغير والقلب اتملى حقد وغل وكره وفاضيين بس دى قالت ودى عادت وده راح ودة جه وده بنطلونه قصير ودى بنطلونها محزق وسابو عيالهم يواجهو مصيرهم الاغبر .
اااااااه ياباشا لو حد يحكمنى على الستات الفاضية دى امثال خالتى ظاظا .......... عارف هعمل ايه ؟؟؟؟اقولك ... هقطع الكهربا من الشارع كله واحتمال من البلد كلها .. واسحب من عندهم الغسالة الاوتوماتيك ... وهسحب غسالة الاطباق ... وهكسر الكومبيوتر ... وهفصل ساك النت ... واقول لها البسى ياحلوة مريلتك بتاعة المطبخ وخشى على الاطباق والحلل والمواعين اغسليها ولما تخلصى ادخلى على الحمام وانظرى حولك هتلاقى طشت الغسيل النحاس الاحمر مليان من خيرات الله قمصان وبناطيل وملايات سراير وجلاليب على فساتين انزلى فيها غسيل ودعك بايديكى الناعمة دى ... ولما تخلصى طلعى المراتب والمخدات وحطيها تتشمس فى الشمس ... وادخلى على شقتك نضفيها وامسحيها ... وبالمرة انشرى غسيلك ياعسل ... وادخلى جهزى الغدا لعيالك ... وبعد الغدا لمى غسيلك وبعد كدة زاكرى
لعيالك ... وانزلى صلحى وابور الجاز عند عم سيد السمكرى وقبل المغرب دخلى المراتب والمخدات ... وماتنسيش تصليلك ركعتين ياخالتى ياام بدير
واستغفرى ربنا واطلبى الهداية وبطلى رغى فى التليفون وقصرى فى الكلام لان الفواتير كل 3 شهور .
وكمان ياباشا هبنى على كل سطح بيت فرن بلدى معتبر واخلى كل ست تصحى من الفجر وتعجن عجينه حلوة وتخبز لها رغيفين سخنين وتخلى عيالها ياكلو عيش سخن من نفسهم وهشترى لكل ست ماكينة خياطة سنجر واقول لها سيبك من قراية المجلات وادخلى خدى مقاسات ولادك وبعد غسيل الاطباق اجرى على الماكينة خيطى هدوم ولادك .... وبالمرة عندك زرارين مقطوعين من قميصى روحى خيطيهم .... وبالمرة اكوى الهدوم عشان عندى الصبح شغل ... وماتنسيش تجهزيلى الحمام وحطى لى صابونة بريحة وسيبك من صابون الغسيل .
وقبل الجو مايضلم هقول لهم مفيش واحدة فيكو تنسى تعمر لمبة الجاز وبالمرة نفضوا السجاجيد على بيات عشان الصبح تحطوهم فى الشمس على نضافة .
وهكذا ياباشا و الى ان تتضح الامور افضل اضرب فى المربوط لحد ما يخاف السايب
بس ياباشا فيه هنا مشكلة وهى مين هيحط السلسلة فى رقبة القطة ؟؟؟؟؟؟؟؟؟؟؟؟؟؟؟؟؟؟
والى ان نلتقى فى موضوع خاص بالرجالة لكم منى الف تحية واستأذن لانى صايم ورايح افطر
اخوكم الصايم /اسامة
__________________