المساعد الشخصي الرقمي

مشاهدة النسخة كاملة : بـــــــــــــــــراءه

دكتور عادل عيد
08-04-2008, 10:04 PM
بــــــــــــــــراءه

والله وعديت منها يا دوحه
مبروكه على بلدنا براءتك
افرس فى الناس المدبوحه
واطلع ببجاحتك وجراءتك
وريهم وشك ع الشاشه
واحكى واتحاكى على شهامتك
واتبسم وبكل بشاشه
واجه الجماهير وارفع هامتك
وادينى بقولك كفاره
من قلب لايمكن هيسامحك
وده لانى بسبب العباره
مش طايق وشك وملامحك
ويا اهل الناس الغرقانه
ادعوا على كل اللى ظلمنا
ويا دمعة عيننا يا حرقانه
اجرى على ايدينا اما لطمنا
ويا طفل صغير متيتم
مش عارف ليه اتأخر والده
قاعد مستنى ومتعشم
يرجع ويبوسه على خده
بابا يا حبيبى ماهوش راجع
علشان البحر خلاص بلعه
واللى اتسبب لك فى مواجع
هو وشركاته خلاص طلعه
والغول اللى عشان اهماله
ساب ابوك يغرق وسط الميه
قاعد بيكنز امواله
ومعاه بدل المليار ميه
اما انت يا غلبان مع اختك
امكوا تتلطم ع القرش
وفى دى الدنيا حتزيد دوختك
ماهو لحم ابوك ا كلوا القرش
قول ياِ ِِحبيبى لتيته وجدو
يدعوا على الوحش اما يصلوا
وضروِرى ربنا حيهده
علشان بابا والى حصله
دكتور
عادل عيد
مي شاهين
08-04-2008, 10:24 PM
رائع استاذنا الكريم سلمت يداك على ما خط قلمك

من وصف دقيق ورائع للظلم البائن والالم الدائم

ولا نملك الا ان نقول حسبنا الله ونعم الوكيل


لكم الله شعب مصر الحبيب


بتنا فى زمن عجيب تزداد فيه
الاسعار وغلاء المعيشة

وكل شىء فى اذدياد كل شىء

الا الانسان العربى هو الوحيد
اللى بيرخص

بمزيج من الاسىء والحزن

نواسى اهل الضحايا لكم الله

و
حنان
08-05-2008, 12:56 AM
بارك الله فيك أخى الفاضل
دكتور عادل
دومت ودام عطاءوك

لا نملك الا أن نقولوا حسبنـا اللـه ونعم الوكيل
:064::064:
هل ترانا نلتقي
03-21-2009, 09:00 PM
مشكور أخي الكريم على الكلمات الرائعة

بارك الله فيك

خالص تحياتي