رحله

[دكتور عادل عيد]

رحله

عمر بيمضى
زمن بيفوت
قطر يعدى
ويقول توت
لسه امبارح
كنت صغير
غصن وطارح
جذع قصير
اخضر نى
جواه ابيض
مليان ضى
قلبه بينبض
بالاحساس
كله سماحه
براءته اساس
جواه ساحه
ما بتنقاس
فيها مساحه
لكل الناس
فاكر ان
العالم زيي
بس تحن
لقلبى وضيي
ما بتكرهش
وتكره ليه
ما بتعرفش
الحقد ده ايه
يوم ورا يوم
وبدأت اتعلم
وابتدا كوم
خبرات يتكوم
عام والتانى
العمر يمر
وادى لسانى
عرف المر
وابتدا قلبى
النى الاخضر
يملا يعَبى
فوق ما اتصور
وهجر عِبى
وبقى متغير
ولسانى ما بقاش
فيه براءه
بقى بكاش
لكن بجراءه
ساب الحلق
خلاص واتعلم
وسط الخلق
ازاى يتكلم
بكلام زور
وماهوش
من جوه
حتى الزور
راخر مش هوه
حسى اتبدل
بقى يتلون
بقى يتعدل
وحالى ملون
حسب السوق
وبيتحجج
ان ده ذوق
وبتاجج
نارى لفوق
يطلع منى
شرر ف العين
تبعد عنى
الخلق ميلين
شكل الدنيا
ف عينى اتغير
ريحتى كلونيا
وقلبى مغبر
وكمان باشكى
انى باعانى
وعمال بابكى
واقول اه يانى
بس نسيت
والحال نسانى
لما شكيت
بقى انى انانى
وانى بقيت
انا مخلوق تانى

دكتور
عادل عيد

[مي شاهين]

http://up104.arabsh.com/my/dfd5b5d.jpg

http://www.9ll9.com/up/uploads/02e39b2862.gif





رائع كلمات اكثر من ممتازة فى نسج متميز وسياق سلس رائع

سلمت يداك استاذى الفاضل وفى انتظار المزيد من روائعك

تقبل تقديرى واعجابى بما تبدعه

تحياتى

[دكتور عادل عيد]

اشكرك يا استاذه

[مجدى ابن النيل]

صدقت اخى عادل فعلا هذى هى الحياة ورحلة قطارها وتسلسل أحداثها صورت فابدعت و وصفت فكان الوصف دقبق أنار الله خيالك واطلق قلمك اخيك مجدى ابن النيل

[هل ترانا نلتقي]

مشكور أخي الكريم على الكلمات الرائعة

سلمت يداك

خالص تحياتي