معاهدة شعبية

[هناء محمد]

[/URL]

احلم معايا ببكرة اللى جاى
بفرحه و طارحه سنابل و ضى
بمكن المصانع
بصوت الجوامع
بجرس الكنيسة يقول وطنى حى

احلم معايا بمصر الأمان
شبابها حاضنها بحب و حنان
بجيش يحمى ارضى
بوليس يحمى عرضى
مدارس تكون للمبادىء ميدان

احلم معايا بعالم جديد
حكومة بتبنى بسواعد حديد
بشارع نضيف
موظف شريف
مواطن بيضحك و حر و سعيد

احلم معايا بخير للبلاد
مفيش محسوبيه و رشوة و فساد
مفيش فرقتين
فى مذهب و دين
بوحده بتطرح أمل للولاد

أحلم معايا و حأحلم معاك
وعمرى ما حانجح لوحدى بلاك
انا و انت مصرى
ونصرك ده نصرى
ومين راح يحققلى حلمى سواك

(http://www.facebook.com/?ref=logo)


[URL="http://www.facebook.com/profile.php?id=579297095"] كلمات الاستاذ - هشام الحبشى









http://a5.sphotos.ak.fbcdn.net/hphotos-ak-snc6/168446_496153892095_579297095_6715917_6256540_n.jp g







التغيير حصل...ولسه حيحصل...عارفين إيه اللي فاضل؟


!إحنا !!!!!!!!!!!!!


أيوه إحنا! ماحنا مش ملايكة منزهين..لو احنا ماتغيرناش كل حاجة حترجع تاني لعادتها القديمة بعد شهر او سنة أو خمسة!
احنا اللي حنضمن استمرارية الجدية مش حد تاني...ما هو ربنا مش حيغيرنا غير لو اتغيرنا...
عشان كده...لازم نتعاهد على تغيير نفسنا قبل ما ننسى إننا بنعرف نغير!!
المعاهدة من عدة نقاط شكلها سهل ...ويمكن ناس تشوفها تافهة كمان، بس اللي يعرف يلتزم بيها قدام نفسه مش قدام حد تاني.. هايكتشف مع الوقت إن البلد فعلاً اتغيرت!
1-مش هاجي على حق حد
مش حاخد دور حد في الطابور مهما كان، الناس مستعجلة زي ما
أنا مستعجل
2- هاحترم الناس، مش هاشتم حد أو أتخانق في الشارع
ومش هاستخف برأي حد
3 - مش حاسكت على حقي مهما كان، وحطالب بيه بكل الطرق الحضارية والسلمية عشان أحافظ على حق غيري
4-مش هاقبل رشوة ومش حدي رشوة لحد حتى لو عشان آخد حقي لإنه حقي!
5-مش حاكسر إشارة مرور حتى لو مافيش عسكري واقف وحتى لو الشارع شكله فاضي!
6- مش هارمي حاجة في الشارع مهما كانت...الشارع زي البيت زي ميدان التحرير!!
7-هاشتغل بجد وأطور نفسي واتعلم قد ماقدر لإني عارف إن بكده مصر حالها حيبقى أحسن
8- هاحافظ على سلامة المنشآت والممتلكات والحدائق العامة
9- مش حشارك في الفساد ومش حسكت عليه وهبلغ المختصين عن المفسدين عشان يحاسبوهم
10- مش هاكدب أو أفتي في حاجة ماعرفهاش حتى لوكان مكان أو اسم شارع

شكلها سهل بس هي عايزة جدية وإيمان وحب للبلد وقبل كل ده...خوف من ربنا

بكده نضمن إن التغيير يحصل... ويستمر

لو اقتنعت زود عليها لو عندك إضافة...:121:





منقول للامانه

[منى كمال]

موضوع جميل جدا ياهناء لانه نابع من قلوب بتحب مصر بجد

واتمنى ان دا يكون منهج كل الناس علشان ربنا يرضى عننا جميعا

سلمت يداك وجزاك الله خيرا

[عهود]

اتمنى ان كل هذه النقاط تتحقق لاتكون هفوة فى وقتها وذهبت
مع الريح فن الاحترام والتقدير وتغير الاخلاق وعدم العصبية
واشياء كثيرة من صفات التى لا تليق ببلادنا وشعبنا الودود
الراقى ليت التغير ينبع من القلب ليت وليت وليت وننتظر
كل تغير ونلمسه حتى نرى الواقع ينير بلادنا بشمس
جديدة بحب كل الشعب للشعب سلمتى عزيزتى

[الشريف الهمامي]

يا استاذة هناء
بعد شكري واحترامي لحضرتك

انا عملت مشكلة كبيرة جدا في منتدانا العائلي وكانت مع ابن عم لي مهندس كبير جدا في الكويت
وافتتح مطعما كبيرا قام هو بتصميمه وكان للمطعم شهرة عالمية
اثناء الاحتفال قال له احد المسؤلين مالكش دعوة بالتراث الكويتي ده تراثنا واحنا ادري به

وكان ابن عمي هذا يتكلم عن التراث الكويتي لانهم مصمم العمل وهو علي التراث الكويتي
هو كتب هذا الموضوع في المنتدي
وقد قمت بشن حملة شرسة جدا علي هذا الرجل
حتي ان هجومي طال ابن عمي نفسه واخرين في المنتدي ليه ؟
ببساطة ابن عمي رأي ان هذا المسؤل ممكن ان يقرأ ما نكتبه وبالتالي هينعكس علي (الدينار )

هذا كان بداية الهجوم علي كل من تسول له نفسه المساس بمصر الي حضرتك اول رد ليه علي الموضوع
وتوالت بعدها ردود قوية


ازيك يا باشمهندس نورت وكنا بنفتقدك
سافر احد اصدقائي الي الامارات في رحله 3 شهور وحكي لي عن ما بها وقلت له ان هناك برج العرب احكي لي عنه
المهم قالي يا اشرف الناس دول حضاره من زجاج وانا بقولك معلش يا شيخ حماده اقسم لك بالله طبعا انا للاسف مشفتكش
ومعرفش امكانياتك الا من خلال منتدانا هذا انما انا واثق ان الكويت دي كلها تحتويها في جيب بنطلونك الجينز بتاع الشغل لما بتزل الموقع كويت ايه يا عم الحاج وغيرها ايه احنا (مصر)لو حطوا الكويت وجيرانها في كفه وحرف
(الراء)في كفه حرف الراء هيطب لاحظ اني مقلتش (الميم )ولا (الصاد) ليه ؟ده موضوع كبير ويطول شرحه
طبعا انا زي ما قلت لحضرتك مشفتكش ولكن واثق ومتأكد انك مش تصمم مطعم اكل لأ
انا متأكد انك تحكم الكويت وجيرانها
والله العظيم انا مش بمدحك ولا بشكر في شخصك كل الحكايه انك مهندس مصري
والله العظيم حاقدين وفاشلين
يا راجل نحن من صدرنا الاسلام لبلاد الاسلام
طيب انا اخذت صديق اماراتي واولاده المتحف المصري اقسملك بالله جاله زهول وفضل يقولي .
انتم من الاف السنين عملتوا كده
طيب اسمع دي شويه الاراضي الصحراويه اللي بيقولوا عليها بلاد
قال ايه عندهم اثار ههههههههه
والحكايه كلها ان الاثار بتتسرق من عندنا وبخطه عبيطه قال ايه اكتشفوا في المكان ده اثار
اخيرا يا شيخ حماده تحيه عظيمه من القلب لتصميماتك واعمالك وفقك الله ورعاك ومن تقدم لتقدم بأذن الله
اوعي حد يفتكر اني بحقد عليهم هناك ولا انا مش عارف او مش قادر اسافر هناك ابدا والله العظيم
الله يجازي اللي خلي الناس دي تتبجح علينا
تحيه ليك يا شيخنا ولكل اعمالك.

عموما اخر رد ليك واضح انك بتظهر شويه التراب اللي علي وش مصر
كل ده هيزول وحياتك ودفعنا تمنه من دمنا لكن هتبقي مصر
صحيح في انحطاط اخلاقي في مصر علي ارفع المستويات انا معاك لكن هيغور .هتفضل مصر
علشان منطولش في الموضوع ده
التراث اللي حضرتك بتتكلم فيه صنعته انت وزملائك في الكويت وغيرها

انا كنت براهن يا استاذة هناء علي قدراتنا صحيح احنا وصلنا الي ادني مستويات الاخلاق
ولكن اغتسلنا في ميدان التحرير علي فكرة النقاش الحاد ده من شهور فاتت