مي عز الدين: أرفض الإساءة للرئيس احنا عندنا أصل !

[أمينه موسى]

مي عز الدين: أرفض الإساءة للرئيس .. احنا برضه عندنا أصل !

كتب: شريف بديع النور

يا شباب و يا بنات ، كل اللي بجد بيحبني فيكم و بيثق فيه، باحلف له بأغلى حاجة عنده يدافع عن بلده ورئيسه اللي عشنا في حماه في أمان وبقالنا شخصية ورأي ، وأي حد فيكم يشوف أي حد بيسيء لرئيسنا بأي طريقة مايسيبوش، لأن حتى اللي بينادي بالتغيير لازم يقولوا باحترام للرئيس من غير ما يجرح فيه، احنا برضه عندنا اصل.
يارب احفظنا واحفظ مصر وعدينا من الأزمة على خير، قادر يا كريم.
مي أيضا قامت بإزالة صورتها من على الصفحة لتضع صورة للرئيس مع حفيدة، وتباينت الآراء على ماكتبته بعدما علق أكثر من 120 واحد من جمهورها على ما كتبته.
أغلب من علقوا اتفقوا مع مي فيما كتبته وأمنوا على دعائها الأخير وزادوا عليه، واختلف معها البعض وطالب بالرحيل الفوري للرئيس واعتبروا في رحيله عودة للأمان في مصر.

[هناء محمد]

لما تأخد لها فى الفيلم كام مليون جنيه

وقاعده وبتشرط وعندها الخدم والحشم - وعندها العربيه احدث موديل

لو جالها برد تسافر بره ويمكن تتعالج كمان على نفقه الدولة -

هى يعنى كانت جربت مشوار كده للتأمين الصحى - ولا حتى العيادات الخارجيه .

جربت زحمة المواصلات - ولا اكل العيش ابو شلن -


ما احنا قولنا مصر بالنسبه ليهم كانت تكيه . وده اللى مجننهم دلوقتى

[مهندس محمد عبد الرحيم]

يا جماعة الموضوع مش موضوع تعاطف مع مبارك
او تغاضى عن الفساد الرهيب اللى شفناه فى عصره

لكن الموضوع انه فى النهاية رئيس مصر
ومماينفعش نتعامل معاه بوقاحة وقلة ادب
لان ده شكلنا ادام العالم
المفروض نتعامل مع الموضوع بشكل يتناسب وحجم مصر بين الدول
لان ده هايؤثر علينا فيما بعد
وهايتقال ادى شعب مصر وادى رئيسهم شوف بيعملوا فيه ايه

لكن لو احنا تعاملنا مع الموضوع برقى وتعقل وبشكل حضارى
ان شا الله حتى نقدمه للمحاكمة وياخد اعدام لكن برده بدون اسفاف وبدون اهدار كرامة

لازم نفرق بين المحاكمة والمحاسبة وبين التهريج والمهانة والاسفاف
عشان تفضل مصر هى مصر ام الدنيا

وياريت نتعلم من ثورة 23 يوليو وازاى تعاملوا مع الملك برقى وبشكل حضارى يشهد لهم فيه التاريخ حتى الان بانهم كانو رجال صنعو ثورة بمنتهى الرقى والحضارة

ياريت ننسط لصوت العقل ولا نغتر بما حصلنا عليه حتى الان من مكاسب لان الايام القادمة ستكون ايام عصيبة ولا يعلم مداها الا الله
يارب سلم سلم
تحياتى استاذة امينة على الموضوع الراقى

[أمينه موسى]

انا مع استاذ / محمد عبد الرحيم في الرأي " ارحموا عزيز قوم ذل"
برضه هوه يعتبر رمزنا للاسف وانا بقول للاسف وتحتها خطوط حمراء اهانته من اهانتنا لان احنا دلوقتي بنفرج علينا العالم وبنشوه صورة مصر
احنا بنقول له مع السلامه يا ريس كفايه كده بكل ادب هوه برضه رجل ليه وزنه بين العالم

[هناء محمد]

ارحموا عزيز قوم ذل

من كام اسبوع بس

ده احنا بقى كشعب لنا الجنه

اتذلينا 30 سنه - وناس جاعت وناس ماتت

حتى صرخة الاه من الكبت والذل مش عاوزينها تتقال

اللى بيتعمل فى الريس ده مجرد رد لصفعه دامت سنين - وان اوانها

العين بالعين والسن بالسن والبادىء اظلم

مجرد راى

[أمينه موسى]

سيبيه لله هوه الي حيحسبه علي كل صغيرة عملها في الشعب الغلبان المغلوب علي امره
دنا دلوقتي قبل ما ارد علي استاذ مدحت قرأت موضوع كتبه استاذ عادل شاكر عن المليارات التي تمتلكها العائله المباركيه
من كتر ذهولي للارقام الي مكتوبه ادامي نسيت الكلام الي كنت هرد به علي استاذ مدحت
مليارات طائرات يخوت ارصده بالمليارات في بنوك سويسرا والمانيا ايه ده؟
اقول ايه ولا ايه بس
حسبي الله ونعم الوكيل فيهم

[هناء محمد]

ونعم بالله

منظر الناس اللى فى المستشفيات

- ولا اللى ماتوا بسببه - ولا المليارات اللى حصدها والناس جعانه

ولا ولا

يخلى قلب الواحد حجر - وعمره ما هيقدر يسامح

كنا شعب عاطفى انما اللى بنشوفه اكيد جمد قلبنا

ربنا هو المنتقم

وان شاء الله حسابه دنيا واخره

اللهم تقبل منى

[الشريف الهمامي]

هذه الممثلة الساقطه زي الاعب حسام حسن برضه الساقط
كل هؤلاء ساقطون وسيرحلون
وبعدين عن اي عزيز تتحدثون ايها الافاضل الكرام
عن رجل عديم المباديء والاصل باع ابوه واهله وقريته ومحافظته
عن رجل سرطن ملايين المصريين وفيرس ملايين اخري
عن رجل امتص ثرواتنا وسرقها واولاده واصحابهم
اهي العاطفه ام الخوف
نعم كنت في يوم خائف لكن اليوم وقت الجرأه والمطالبه بالحقوق
الفاضل العزيز الكريم المهندس محمد والسيده العزيزه الكريمه امينه والسيده العزيزه الكريمه هناء
انتم الاعزاء اصحاب الاصل الطيب الاشراف
ولعنه الله علي الظالمين

[أمينه موسى]

الله يعز حضرتك ويبارك فيه وفي كل من يتقي الله

[البارق العراقي]

أسمحوا لي بالسؤال عن الفنانة مي عز الدين
هل هي التي كانت خطيبة للاعب محمد زيدان ؟
أن كانت هي فاللاعب كل الحق فيما عمله معها
واللبيب بالأشارة يفهم
مجرد رأي لا أكثر

[أمينه موسى]

بالفعل يا استاذ / بارق العراقي
يا تري ده اسم حضرتك؟ ولا رمز؟

بالفعل هي خطيبه اللاعب محد زيدان
وليه حضرتك بتقول كده؟
تحياتي لشخصك لكريم

[البارق العراقي]

الأستاذة أمينة
أسعدتي مســـاءا"

أسمي أحمد ولقبي البارق

سألت هكذا سؤال لأن موقف الفنانة مي لا يتفق مع تطلعات غالبية الشعب المصري
وبالتأكيد فأن اللاعب محمد زيدان له الحق في ترك هكذا موضوع لأن الفنانه يبدو أنها
متأثرة بالمقولة الشهيرة (خالف تعرف) وقد أهلكت خطيبها
والا ما كنا قد شغلنا أنفسنا بموضوعها لولا أنها مختلفة مع رأي معظمنا
هذا ما أقصدته من سؤالي
تحياتي لك

[عادل شاكر]

وياريت نتعلم من ثورة 23 يوليو وازاى تعاملوا مع الملك برقى وبشكل حضارى يشهد لهم فيه التاريخ حتى الان بانهم كانو رجال صنعو ثورة بمنتهى الرقى والحضارة

ياريت ننصت لصوت العقل ولا نغتر بما حصلنا عليه حتى الان من مكاسب لان الايام القادمة ستكون ايام عصيبة ولا يعلم مداها الا الله

_______________________

الكلمات ما فوق السطر للغالى المهندس محمد عبد الرحيم

والرد عليه

ما حدث بالثالث والعشرين من يوليو عام 1952

لم يكن ثورة شعبية وإنما حركة جيش (إنقلاب عسكرى)

قالوا للملك إرحل

فرحل

رغم كونه غير مصرى الأصل إلا أنه ما سمح بإراقة دم مصرى واحد

فى سبيل بقائه وهو الملك

وقرآننا يقول عن رب العزة

يؤتى الملك من يشاء وينزع الملك ممن يشاء ....

أما الغير مأسوف عليه فأصدر أوامره لحبيبه العادلى

بمهلة ثلاثة أيام للقضاء على الأغلبية المندسة

فلما لم يستطع لذلك سبيلاً أعطاه الضوء الأخضر للضرب بالرصاص الحى

ويا روح ما بعدك روح

إنه يا أهلى وأصدقائى رئيس عصابة مافيا لا دولة

ومن عادة زعماء المافيا عند التضييق عليهم وقرب وقوعهم

أن يقطعوا بعض ذيولهم ويلقوا بها فى طريق المطاردين لهم

لإلهائهم بعض الوقت وهذا بالضبط ما فعلته حكومة آل مبارك كابونى

بأن ألقت بالعادلى وعز والشريف (الغريبة الأسامى عكس الصفات)

ألقت بهم ليحيا الملك ولحين غسيل الكاش مونى

فهل هذا عزيز قوم ذل

إنه لم يذهب للبلد لدفن أبوه وكانوا على وشك دفنه

فى مقابر الصدقة لولا أهل الخير فى البلد

[هناء محمد]

ما حدث بالثالث والعشرين من يوليو عام 1952

لم يكن ثورة شعبية وإنما حركة جيش (إنقلاب عسكرى)

قالوا للملك إرحل

فرحل

رغم كونه غير مصرى الأصل إلا أنه ما سمح بإراقة دم مصرى واحد

فى سبيل بقائه وهو الملك

وقرآننا يقول عن رب العزة

يؤتى الملك من يشاء وينزع الملك ممن يشاء ....

أما الغير مأسوف عليه فأصدر أوامره لحبيبه العادلى

بمهلة ثلاثة أيام للقضاء على الأغلبية المندسة

فلما لم يستطع لذلك سبيلاً أعطاه الضوء الأخضر للضرب بالرصاص الحى

ويا روح ما بعدك روح

إنه يا أهلى وأصدقائى رئيس عصابة مافيا لا دولة

ومن عادة زعماء المافيا عند التضييق عليهم وقرب وقوعهم

أن يقطعوا بعض ذيولهم ويلقوا بها فى طريق المطاردين لهم

لإلهائهم بعض الوقت وهذا بالضبط ما فعلته حكومة آل مبارك كابونى

بأن ألقت بالعادلى وعز والشريف (الغريبة الأسامى عكس الصفات)

ألقت بهم ليحيا الملك ولحين غسيل الكاش مونى

فهل هذا عزيز قوم ذل

إنه لم يذهب للبلد لدفن أبوه وكانوا على وشك دفنه

فى مقابر الصدقة لولا أهل الخير فى البلد



استاذ عادل جزيل الشكر على المعلومات اللى حضرتك بتوضحها واللى كتير وانا منهم كنا نجهلها .

يبقى ان يعلم الجميع اننا ضد الفساد بكل اشكاله وليس ضد اشخاص باعينهم .

جزيل الشكر استاذى المتألق

[مهندس محمد عبد الرحيم]

استاذ عادل انا اتفق فى كثير مما كتبت
وانت تعلم انى لست من انصار مبارك ومبارك لا يساوى عندى شىء
انا بصدد شكل مصر
انا مش عايز اعدائنا يشمتوا فينا مش اكتر

تحياتى استاذى

[عادل شاكر]

http://www.hmselklob.com/vb/showthread.php?t=19719

صباح الفل يا باشمهندس