كلمات كتبتها متاثرا بموقف شباب مصر الرجولى بعد هروب (...) الشرطة الجبناء

[مهندس محمد عبد الرحيم]

هذه الكلمات خرجت بكل تلقائية عندما وقف الشباب موقف رجولى مدافعا عن البلد
وسهرنا جميعا امام بيوتنا نحميها وامام جميع المؤسسات ندافع عنها بعد الموقف المتخازل المخزى لرجال (أسف طبعا فهم ليسو رجال على الاطلاق) لعيال الشرطة الجبناء الذين هربوا من الميدان ليضعونا امام انفسنا اما ان نقف كرجال واما ان نتخازل
ولكن الشباب كانو هم الرجال


يعنى ايه كلمة شباب
يعنى فخر
يعنى ابن ياخدك فى حضنه
يحميكى بروحه وقلبه يا مصر

يعنى لما الشرطة تبقى خوافة وجبانة
وتجرى وتسيب مكانها
للطغاة والمفترين
يطلع هو ويقولك ما تخفيش
طول ما أنا عايش انتى فى أمان
وانا مش مهم اموت ولا اعيش

يعنى شاب واقف لوحده
فى وسط شارع بينظم مرور
ولا شاب ماسك فى ايده شومة يضرب بيها
فوق دماغ سارق ديار جبان
يعنى شاب فاهم وواعى بجرى دايما للغلابة المحتاجين
بيحمى كل المساكين
ويطعم بنفسه قلب الجعانين

[أمينه موسى]

استاذي الفاضل / محمد عبد الرحيم
كم انا سعيده بالشباب الذي اراه امامي بشباب مصر الواعد انا نفسي كل يوم ليلا اقف في شرفتي اري شباب مدينتي واقفين طوال الليل علي الكوبري الذي يعتبر مدخل المدينه وبالفعل تمكنوا من منع عده جرائم كانت ستقع في شارعنا والحمد لله بالفعل استاذي انا انام وانا مطمئنه طول ما هم واقفين بجوارنا الله يحميهم من كل سؤ يا رب الغرض من كلامي هذا ان اقول اننا قادرين علي حمايه انفسنا بأنفسنا
اطمئن يا استاذي مصر لن تموت طول ما فيه شباب امثال هؤلاء يضحون براحتهم من اجل راحتنا
اللهم احمي بلدنا من كل سؤ

[مهندس محمد عبد الرحيم]

أشكرك استاذة امينة على مرور حضرتك الكريم

الذى انار صفحتى
تحياتى وتقديرى

[عادل شاكر]

أظهرت الانتفاضة الشعبية الحالية بمصر أشكالا متنوعة من التعاون والتكافل بين المصريين، سواء بين المتظاهرين خلال تحركهم في الشوارع أو تجمهرهم بالميادين، أو بين الأهالي، خاصة عبر لجان الحماية الشعبية الموجودة في الشوارع والميادين، أو التي تتحرك لإبداء النصح وتقديم الدعم والمساعدة عند الضرورة.

خارج ميدان التحرير قال محمود رشاد (25 عاما) إنه شارك في إحدى المظاهرات التي انطلقت من مسجد النور بالعباسية شرق القاهرة يوم جمعة الغضب، إذ خرجت الجموع عقب صيحة أحدهم "لا إله إلا الله.. تحيا مصر، تحيا مصر"، على غير اتفاق أو موعد أو معرفة، والتحمت الأمواج البشرية لتنضم إلى نظيراتها القادمة من أنحاء القاهرة نحو التحرير.

وأضاف أن مظاهر التعاون والتكاتف تبدي المتظاهرين وكأنهم أصدقاء منذ أمد، فهناك من يؤكد سلمية المظاهرة وعدم الانجرار لتحرشات المندسين أو بعض رجال الشرطة، وهناك من نصحه بعدم شرب الماء بعد استنشاق الغاز المدمع الذي أطلقته الشرطة، والاكتفاء بوضع منديل على أنفه.

وداخل ميدان التحرير، يتحدث عماد الكاشف (43 عاما) بسعادة بالغة عن الأجواء الحميمية والتعاون والتكافل، عندما تتوزع المهام بين الجميع لإنجاح "ثورة" يرونها من صناعتهم، ويكافحون حتى تصل لنتائجها.

وقال إن كل قادم للانضمام إلى المظاهرة يخضع لتفتيش من لجنة مخصصة لذلك للتأكد من تحقيق الشخصية، رغم أن الجيش يقوم بذلك أيضا، إضافة إلى "ما رأيته من قيام أفراد بتوزيع طعام وماء على المتظاهرين، في مشهد مبهر لم أره في حياتي، ويمثل بالنسبة لي ولكثيرين يوما تاريخيا مشهودا في مصر".

أما على صعيد اللجان الشعبية التي تحمي المنازل والأحياء، فقد أكد عدد من المشاركين فيها أن الأزمة الحالية عمقت العلاقات بين الجميع، واستطاع الجار أن يعرف جاره من حيث الاسم والوظيفة وأحوال أبنائه، بعد أن كان لا يعرف إلا شكله

باشمهندس محمد

تحياتى

[مهندس محمد عبد الرحيم]

أما على صعيد اللجان الشعبية التي تحمي المنازل والأحياء، فقد أكد عدد من المشاركين فيها أن الأزمة الحالية عمقت العلاقات بين الجميع، واستطاع الجار أن يعرف جاره من حيث الاسم والوظيفة وأحوال أبنائه، بعد أن كان لا يعرف إلا شكله


يا استاذى الفاضل
ما حدش فى مصر
ما نزلش ووقف امام بيته وبيت جيرانه
كلنا نزلنا ووقفنا مع بعض
وحسينا بدفىء الصحبة
وامان المحبة
ورجولة المواقف

صدقنى لسة الخير فى مصر وفى شعبها الطيب الحنون
بس يدونا الفرصة ولاد الكلب دول
ويشوفوا المصريين هايعملوا ايه
مش بس هايطلعوا القمر
دول هايروحوا ابعد من كده بكتير
بس ناخد فرصة عادلة
وهايشوفوا المصرى بيساوى كم واحد من اى جنسية تانية
لو قلت عشرة اكون مش مبالغ
تحياتى استاذى الفاضل
وشكرا لمرور حضرتك الذى انار صفحتى وعطر كلماتى

[ملاك بلا روح]

ياباشمهندس
يعنى هى دى مصر
ولادها السمر وقت المحن تلاقيهم دروع بشريعه يحموا الطفل والصبية
ويكون ضهر للشيخ ويستنى دعوة من امة هى دى مصر
بحلوها و حتى فى ايامها المره الصعبة كل دواء لازم يكون مر علشان مصر تقوم من تانى عفيه باولادها