نهله محمد إمام
01-01-2011, 10:55 PM
في أحد أستديوهات مدينة الأنتاج الأعلامي
تَظهر في الكادر إيمان شلش مذيعة برنامج شخصيات غيرت مجري التاريخ تتحدث في الموبايل ثم يدخل عليها منير العسكري مخرج البرنامج
المخرج :يا أستاذة إيمان يا أستاذة إيمان في كارثة
المذيعة:فيه أيه ؟
المخرج:تمورة أعتذر بيقول أنه من ساعة ما رجع من الحج وهو معتكف ما بيقومش من علي سجادة الصلاة
المذيعة:طيب وهنعمل أيه دلوقت فاضل ساعتين عالهوا
يَظهر في الصورة رجل ضجم يُدعي طمبوشة ويصرخ بأعلي صوته تامر أعتذر يارجااااااااااااااااااالة تامر أعتذر يا رجااااااااااااااااالة
يُجري المخرج أتصال هاتفي بالسيد أنس الفقي وزير الأعلام
يطمئنه أنس الفقي بأنه هيتصرف وهيظبطله ضيف من العيار التقيل
يتنفس المخرج الصعداء
وبعد مرور ساعة ونصف ينزل التتر معلناً عن بداية البرنامج
حوار تخيلي بين مذيعة تُدعي إيمان شَلش وأمين التنظيم في الحزب الوطني
أحمدعز في أحد القنوات الحكومية وبرنامج شخصيات غيرت مجري التاريج
المذيعة:اهلا بكم مشاهدينا الأعزاء في حلقة جديدة من برنامج شخصيات غيرت
مجري التاريج
وعدناكم في الحلقة السابقة أن يكون ضيفنا الليلة نجم الجيل تامر حسني الشهير بتمورة وبعد ما عملت كل التحصينات اللازمة عشان أتمالك نفسي قدامه
وما عملش زي البنات اللي بيغمن عليهم أول ما يطل عليهم بطلته البهية أعتذر تمورة عن الحضور ولكن بيوعدكم أنه هيكون معانا قريب
هنستقبل النهاردة نجم آخر في مجال آخر ولكن بعد فاصل قصير
فقرة أعلانية:أعلان حديد عز الدخيلة
لو عايز تضمن سلامتك وسلامة أسرتك
لوعايزتحط راسك وأنت مطمن علي مخدتك
لو عايز تتنطط براحتك جوه شَقتك
أشتري حديد عز الدخيلة
حديد لا ينافسه حديد
مضاد للصدمات والكدمات والسيول والزلازل والبراكين والصعقات الكهربائية
لو عايز تعيش ف عز أشتري حديد عز
المذيعة:اهلاً بكم من جديد مشاهدينا الأعزاء
وتبدأ في ألقاء الشعر
مين يتحدي الوطني وعز
ماشبعتوش من أكل الوز
بوسوا ايديكم وش وضهر
والزعلان علي سنه يجز
مشاهدينا ضيفنا النهاردة فلتت زمانه أي واللهي فلتت زمانه
راجل ما جبتوش ولادة ولا هتجيبه
رجل لم ولن يجود الزمن بمثله
رجلٌ والرجال قليل
مشاهدينا كثير من الخبراء والمحليلين السياسين يتوقعون أن نقلة مصر من دول العالم الثالث إلي دول العالم الثالثين
عذراً مشاهدينا إلي دول العالم الأول ستكون علي أيدي هذا الرجل ضيفنا النهاردة المهندس أحمد عز أمين التنظيم في الحزب الوطني
عز:أشكرك علي هذه المقدمة الجميلة
المذيعة :حضرتك تستحق أكثر من ذلك يافندم
عز:الله يخليكِ يا أستاذة
المذيعة:أُكتب نبذة مختصرة عن حديد عز الدخيلة
تبدو علامات الدهشة علي وجه أحمد عز
عز:جري أيه ياأستاذة وأنا قاعد في لجنة الثانوية العامة
المذيعة :عذراً يا فندم ياريت حضرتك تكلمنا عن حديد عز الدخيلة
عز :يعني زي ماحضرتك شايفة حال البلد يا أستاذة
كل ما سرسوب مطر ينزل
بيوت تقع ومصانع تنهار
وده كله بسبب أتجاه المصريين لشراء الحديد التركي وحديد أبو هشيمة
بيسترخصوا يا أستاذة مع أن الغالي تمنه فيه وزي ما شوفتوا في الأعلان لو عايز تضمن سلامتك وسلامة أسرتك أشتري حديد عز الدخيلة
المذيعة:ده هياخدنا يا فندم لشعار الحزب الوطني (علشان تتطمن علي مستقبلك ومستقبل أولادك) من أختار هذا الشعار المُعبر يا فندم
هسمع إجابة حضرتك ولكن بعد الفاصل
الفقرة الأعلانية:أعلان حديد عز
أجيال ورا أجيال هتعيش علي حديد عز واللي جيبه مليان يشخشخ جيبه ويهز
عايز تاكل وز أشتري حديد عز
عند شراء 500 طن حديد سوف تحصل علي خمس أسياج حديد مجاناً
هذا العرض ساري ولفترة محدودة
المذيعة:لسه مستمرين في حوارنا مع ملك الحديد المهندس أحمد عز
كنت سألت حضرتك قبل الفاصل عن شعار الحزب الوطني
ياتري يا فندم مين اللي أختار هذا الشعار المميز
عز:الحقيقة أنا اللي أخترت الشعار لكن الشعار (علشان تتطمن علي مستقبل أولادك)بس
المذيعة :يا فندم احنا مع الحزب الوطني مش مطمنين علي مستقبل عيالنا وبس
دا أحنا مطمنين علي مستقبل عيالنا وعيال عيال عيالنا وعيال عيال عيال عيال عيال عيالنا إلي ما شاء الله
يا فندم أحنا في أيداً أمينة
عز:امينة رزق هههههههه
المذيعة: هههههههههههه دمك خفيف يا مضروب
عذراً يا فندم أصل حضرتك تتمتع بخفة ظل أفقدتني صوابي
عز:ركزي يا أستاذة
المذيعة:أسفة جداً يا فندم
تحاول المذيعة تلطيف الجو
بمناسبة أجتماع الريس بالفنانين وأعادة الأحتفال بعيد الفن من جديد حابة أسأل حضرتك مين بيعجبك من الفنانين؟
عز:كنت بحب هيفا بس بعد ما أتجورت أبو هشيمة ما بقتش أحبها
بصراحة هي بالجوازة دي ضيعت علي نفسها واحد من أشد معجبينها
ما عدوك الا أبن كارك يا أستاذة وحبيب عدوك عدوك
المذيعة :مشاهدينا نحن أمام شخصية فذة وثرية لذا سنستكمل حوارنا مع المهندس أحمد عز في الحلقة السابقة
في أمان الله
وينزل تتر البرنامج معلناً عن نهايتهhttp://3.bp.blogspot.com/__dRVZ3R1lss/TFP_IWf8vEI/AAAAAAAAB8I/bKmoCM6c8QM/s400/%D8%A7%D8%AD%D9%85%D8%AF+%D8%B9%D8%B2.jpg
تَظهر في الكادر إيمان شلش مذيعة برنامج شخصيات غيرت مجري التاريخ تتحدث في الموبايل ثم يدخل عليها منير العسكري مخرج البرنامج
المخرج :يا أستاذة إيمان يا أستاذة إيمان في كارثة
المذيعة:فيه أيه ؟
المخرج:تمورة أعتذر بيقول أنه من ساعة ما رجع من الحج وهو معتكف ما بيقومش من علي سجادة الصلاة
المذيعة:طيب وهنعمل أيه دلوقت فاضل ساعتين عالهوا
يَظهر في الصورة رجل ضجم يُدعي طمبوشة ويصرخ بأعلي صوته تامر أعتذر يارجااااااااااااااااااالة تامر أعتذر يا رجااااااااااااااااالة
يُجري المخرج أتصال هاتفي بالسيد أنس الفقي وزير الأعلام
يطمئنه أنس الفقي بأنه هيتصرف وهيظبطله ضيف من العيار التقيل
يتنفس المخرج الصعداء
وبعد مرور ساعة ونصف ينزل التتر معلناً عن بداية البرنامج
حوار تخيلي بين مذيعة تُدعي إيمان شَلش وأمين التنظيم في الحزب الوطني
أحمدعز في أحد القنوات الحكومية وبرنامج شخصيات غيرت مجري التاريج
المذيعة:اهلا بكم مشاهدينا الأعزاء في حلقة جديدة من برنامج شخصيات غيرت
مجري التاريج
وعدناكم في الحلقة السابقة أن يكون ضيفنا الليلة نجم الجيل تامر حسني الشهير بتمورة وبعد ما عملت كل التحصينات اللازمة عشان أتمالك نفسي قدامه
وما عملش زي البنات اللي بيغمن عليهم أول ما يطل عليهم بطلته البهية أعتذر تمورة عن الحضور ولكن بيوعدكم أنه هيكون معانا قريب
هنستقبل النهاردة نجم آخر في مجال آخر ولكن بعد فاصل قصير
فقرة أعلانية:أعلان حديد عز الدخيلة
لو عايز تضمن سلامتك وسلامة أسرتك
لوعايزتحط راسك وأنت مطمن علي مخدتك
لو عايز تتنطط براحتك جوه شَقتك
أشتري حديد عز الدخيلة
حديد لا ينافسه حديد
مضاد للصدمات والكدمات والسيول والزلازل والبراكين والصعقات الكهربائية
لو عايز تعيش ف عز أشتري حديد عز
المذيعة:اهلاً بكم من جديد مشاهدينا الأعزاء
وتبدأ في ألقاء الشعر
مين يتحدي الوطني وعز
ماشبعتوش من أكل الوز
بوسوا ايديكم وش وضهر
والزعلان علي سنه يجز
مشاهدينا ضيفنا النهاردة فلتت زمانه أي واللهي فلتت زمانه
راجل ما جبتوش ولادة ولا هتجيبه
رجل لم ولن يجود الزمن بمثله
رجلٌ والرجال قليل
مشاهدينا كثير من الخبراء والمحليلين السياسين يتوقعون أن نقلة مصر من دول العالم الثالث إلي دول العالم الثالثين
عذراً مشاهدينا إلي دول العالم الأول ستكون علي أيدي هذا الرجل ضيفنا النهاردة المهندس أحمد عز أمين التنظيم في الحزب الوطني
عز:أشكرك علي هذه المقدمة الجميلة
المذيعة :حضرتك تستحق أكثر من ذلك يافندم
عز:الله يخليكِ يا أستاذة
المذيعة:أُكتب نبذة مختصرة عن حديد عز الدخيلة
تبدو علامات الدهشة علي وجه أحمد عز
عز:جري أيه ياأستاذة وأنا قاعد في لجنة الثانوية العامة
المذيعة :عذراً يا فندم ياريت حضرتك تكلمنا عن حديد عز الدخيلة
عز :يعني زي ماحضرتك شايفة حال البلد يا أستاذة
كل ما سرسوب مطر ينزل
بيوت تقع ومصانع تنهار
وده كله بسبب أتجاه المصريين لشراء الحديد التركي وحديد أبو هشيمة
بيسترخصوا يا أستاذة مع أن الغالي تمنه فيه وزي ما شوفتوا في الأعلان لو عايز تضمن سلامتك وسلامة أسرتك أشتري حديد عز الدخيلة
المذيعة:ده هياخدنا يا فندم لشعار الحزب الوطني (علشان تتطمن علي مستقبلك ومستقبل أولادك) من أختار هذا الشعار المُعبر يا فندم
هسمع إجابة حضرتك ولكن بعد الفاصل
الفقرة الأعلانية:أعلان حديد عز
أجيال ورا أجيال هتعيش علي حديد عز واللي جيبه مليان يشخشخ جيبه ويهز
عايز تاكل وز أشتري حديد عز
عند شراء 500 طن حديد سوف تحصل علي خمس أسياج حديد مجاناً
هذا العرض ساري ولفترة محدودة
المذيعة:لسه مستمرين في حوارنا مع ملك الحديد المهندس أحمد عز
كنت سألت حضرتك قبل الفاصل عن شعار الحزب الوطني
ياتري يا فندم مين اللي أختار هذا الشعار المميز
عز:الحقيقة أنا اللي أخترت الشعار لكن الشعار (علشان تتطمن علي مستقبل أولادك)بس
المذيعة :يا فندم احنا مع الحزب الوطني مش مطمنين علي مستقبل عيالنا وبس
دا أحنا مطمنين علي مستقبل عيالنا وعيال عيال عيالنا وعيال عيال عيال عيال عيال عيالنا إلي ما شاء الله
يا فندم أحنا في أيداً أمينة
عز:امينة رزق هههههههه
المذيعة: هههههههههههه دمك خفيف يا مضروب
عذراً يا فندم أصل حضرتك تتمتع بخفة ظل أفقدتني صوابي
عز:ركزي يا أستاذة
المذيعة:أسفة جداً يا فندم
تحاول المذيعة تلطيف الجو
بمناسبة أجتماع الريس بالفنانين وأعادة الأحتفال بعيد الفن من جديد حابة أسأل حضرتك مين بيعجبك من الفنانين؟
عز:كنت بحب هيفا بس بعد ما أتجورت أبو هشيمة ما بقتش أحبها
بصراحة هي بالجوازة دي ضيعت علي نفسها واحد من أشد معجبينها
ما عدوك الا أبن كارك يا أستاذة وحبيب عدوك عدوك
المذيعة :مشاهدينا نحن أمام شخصية فذة وثرية لذا سنستكمل حوارنا مع المهندس أحمد عز في الحلقة السابقة
في أمان الله
وينزل تتر البرنامج معلناً عن نهايتهhttp://3.bp.blogspot.com/__dRVZ3R1lss/TFP_IWf8vEI/AAAAAAAAB8I/bKmoCM6c8QM/s400/%D8%A7%D8%AD%D9%85%D8%AF+%D8%B9%D8%B2.jpg