مين يتحدي الوطني وعز

[نهله محمد إمام]

http://productnews.link.net/general/Entertainment/28-11-2010/gemezz_370.jpg

مين يتحدي الوطني وعز
ما شبعتوش من أكل الوز
بوسوا أيديكم وش وضهر
والزعلان علي سنه يجز
مين يتحدي وطني جَمال
لا تقولي فئات ولا عمال
دااحنا ف عصر النهضة الكبري
وبقينا مضرب لأمثال
مين يتحدي السوبر مان
الفنان أبن الفنان
هيأكلم ويشربكم
ويعلمكم بالمجان
مين يقدر علي بطرس غالي
اللي رافع أسمنا ف العالي
كنا زمان بنافس كوريا
ودلوقتي بنافس مالي
مين يتحدي كلام الريس
قال الحزب الوطني كويس
أنتخابات حرة ونزيهة
ومحدش ف بلدنا مهيس

[مدحت زيدان]

مين زينا مين

مين قدنا مين

عايشين ومتهنيين

اشتروا وباعوا فينا وراضيين

حزب واحد وحاكم واحد

فوق راسنا وجوة نني العين

[نهله محمد إمام]

الأستاذ الفاضل مدحت زيدان
وورثونا لوريث واحد مفيش غيره
شكراً جزيلاً