دراسة عالية فى المنجة

[فارس الحارث]

هنا هنقول ما هى المنجة
المنجة نبات منتقرض بسبب إرتفاع سعرة
بيطلع فى الشجر
ويضرب بالحجر علشان ينزل من على الشجر
كان زمان سعرة غالى الأقة بنصف جنية
ومكان إنتاجة بالإسماعيلية جناين كبيرة على ثلاثين فدان وأكتر
والجناين دلوقت ثلاثة فى أربعة متر لأن سعر الأرض مولع
لأنهم بيبنوا عليها أبراج الشقة بسبعة مليون جنية
يعنى كل دور أربعة شقق بتمانية وعشرون مليون جنية
الدور الواحد فى الشجرة بينتج كل سنة يجى ثلاثة كيلو
والكيلو تمنة مائة جنية
يبقى الأحسن إية
المتبع اليوم زرع الأبراج وإنتاجها عالى بالأسنسير
والكماوى علشان تكمل البرج خمسة شقة يترموا
واحدة لفلان بية علشان الترخيص
وواحدة لعلان باشا علشان المرافق
وواحدة للباشا الكبير علشان يحميك
وواحدة للباشا الصغير ربنا يحمية
وواحدة لكبير البشوات علشان؟؟؟؟؟؟؟؟؟؟؟؟؟؟
ساعات بيطلع نباتات تتطفل على برج المنجة
ودة بنرشة رشة جريئة علشان يتحول بعيد عنا
هى دى المنجة وإلا بلاش
وسلم لى على الفراعنة بتوع الحضارة إللى علموا الناس الزراعة
:icon79::10_8_9::icon79:

[مدحت زيدان]

ههههههههههههه

معاك والله الغالي فارس

راحوا فين فلاحين مصر اللى علموا البشرية الزراعة؟

أحسنت ياغالي

دمت بكل رقي

[مهندس محمد عبد الرحيم]

ساعات بحس ان الارض الزراعية ايام الفراعنة كانت اكبر من دلوقتى
او على الاقل ايام محمد على وعشان كده الشاعر قال

ده المصرى فى الوادى الاخضر كان سابق زمانه
يتمشى فى مزارع ارضه وجناين رمانه

دى اغانى زمان اللى كانت بتتكلم عن عظمة مصر والمصريين
اما دلوقتى الشاعر (بمغص) بيقول

انا كنت بحب المشمش
دلوقتى بموت فى المنجة

ههههههههههههههههههههههه
وسلمولى على الزراعة فى مصر اللى اصبحت بتجيب خبراء اجانب طبعا مش هاقول منين عشان بس ماحدش يزعل خليها فى سركم

تحياتى استاذ فارس على الموضوع الجميل
ومنور القلم الساخر يا باشا

[مدحت زيدان]

وسلمولى على الزراعة فى مصر اللى اصبحت بتجيب خبراء اجانب طبعا مش هاقول منين عشان بس ماحدش يزعل خليها فى سركم

لامعلهش ياابو خالد أنا هقول

المصريين اللى علموا الدنيا الزراعة بياخدوا دورات زراعية فى إسرائيل

وسلمولي على وادي النيل

[فاطمة الزهراء]

بمناسبة الأرض الزراعية ياأستاذ فارس

نفسى فى الطماطم والخيار بتوع زمان

تقدر تهادينى كيلو طماطم وكيلو خيار منهم ياأستاذنا

شكرا على طرحك المحترم

[فارس الحارث]

معاك والله الغالي فارس

راحوا فين فلاحين مصر اللى علموا البشرية الزراعة؟

أحسنت ياغالي

دمت بكل رقي



الحبيب مدحت
أنت بتسأل على الفلاحين
لكن هناك مقومات تانية مثل التقاوى
برامج التسميد
مقاومة الآفات
التقاوى دخل فيها الهندسة الوراثية وزراعة الأنسجة وحاجات كتير
وكل دة غير من خصائص النباتات وصفاتها ووبالتالى من القيمة الغذائية لها
أما برامج التسميد فدة ما صنعوة جناية فى حق النبات وفى حق البشرية
الأسمدة كانت نواتج طبيعية من عناصر طبيعية خرجت من الأرض ثم عادت لها بنفس النسب
وهو ما يسمى بالدورة المقفلة
تنشأ من الأرض فالنيات ثم حيوان ثم الأرض
ولكن برامج التسميد اليوم مواد كيماوية عالية التركيز تختلف عن طبيعة مكونات التربة
فيعود خطر التركيز على البشرية
أما الأفات تقاوم بالمبيدات التى تقتل ميزان الطبيعة وما خلقة الله لهذا العمل
وهذا ما يطلق علية إختلال ميزان الطبيعة
وكل شئ أختل حتى العقول
:gathering::36_1_37[1]::gathering:

[فارس الحارث]

حبيب قلبى محمد عبد الرحيم
المشكلة مش كبر الأرض المشكلة فى الناس اللى خطفوا الأرض
حكيتنا أحنا كحاية شعب للزراع الأخضر داس وشال
شعب زرع الأبراج ومالت ومال
حكاية شعب تحقق لة كل أطماع المال
وقلنا هنبنى ودى أحنا بنينا البرج العالى
يا نواب المجلس هاتوا كل ضلالى
من سرقتنا لأيد مجلسنا
هى الكلمة وأدى أحنا بنينا
:36_17_51::ecstatic::36_17_51:

[فارس الحارث]

إبنتى الغالية فاطمة الزهراء
أهلا بيكى
بس طلبك موجود فى توشكا عند محمد أبو العينين
ولكن كلة تصدير
وبعين الشعب كلة لو أخد حباية منة
أمال السرطان يروح لمين والفشل الكلوى نصيب مين
:groupwave::groupwave::groupwave: