التركيبة العجيبة

[فتحي عيسي]

التركيبه العجيبه
متلقهاش إلا عندنا
كلنا هليبه
وكلنا بتوع ربنا
كلنا حبيبه
وكلنا مصدقين
قرعنا
كلنا قسيمه على
عود حظنا
كلنا مكبرين
كلنا معديين
كلنا مستلطخين
بعضنا
الهوى بيمر بطئ
بس عندنا
مبيلحقش يطير
مبيلحقش يقولنا
بنغزل النكته بعرق
همنا
بنتريأ على طوب
الارض فى عز
غلبنا
كلنا فاهمين فى
الطب اكتر منه
ومننا
وف الكوره كلنا
مدربين وحكام
ولعيبه بس على
ارضنا
كلنا سياسين
مخضرمين سدادين
فى لعن الميتين
اللى غابوا عننا
كأننا سمك فى بحر
هايج عمال يخضنا
وحيتانا فى محيط
سالك
ولافوق مننا
حد يقولنا
فتحى عيسى

[مدحت زيدان]

هههههههههههههههههه

والله يافتحي ياأخويا صدقت فى وصفك الدقيق

هذا هو حالنا فعلا

ويجعله عاااااامر

[مهندس محمد عبد الرحيم]

فى زمن الفهلوة توقع اى حاجة وكل حاجة
سعيد بقلمك استاذ فتحى
تقبل تحياتى