عايزها "حرام" ... ولا "حلال" ؟‏

[هناء محمد]

عايزها "حرام" ... ولا "حلال" ؟

اتصلت بالأستاذ والعالم الأزهري المعروف ....
وقلت له: يا دكتور أريدك في حلقة هذا الأسبوع للبرنامج الذي أعده ويقدمه المذيع الكبير علان العلاني.
فرحب الشيخ وقال لي: عما سنتكلم في الحلقة؟
قلت: عن فوائد البنوك؟
فرزعني السؤال الذي حطم أنفي من قوته المباغتة
قال: عايزها حلال أم حرام؟
حاولت أن ألم شتات نفسي وقلت: مش فاهم يا مولانا؟
فشرح لي: يعني عايز أجاوب أقول إيه؟ إنها حلال أم أفتي بأنها حرام؟
تمالكت أعصابي حرصًا علي توفير ضيف مضمون للبرنامج: عايزها اللي تعوزه يا دكتور؟
فأجاب بمنتهي الوضوح: ما أنا مش عارف يا إبراهيم أعوز إيه؟
رديت: زدني علمًا يا دكتور؟
زادني فقال: خايف أقول حرام ساعتها يزعل مني شيخ الأزهر (كان وقتها الشيخ طنطاوي رحمه الله ) ... وخايف أقول حلال يزعل مني زملاء أعزاء وأفاضل.
قلت: مش خايف ربنا هو اللي يزعل؟
أجاب ضاحكًا: أصلك مش واخد بالك فيه أدلة علي أنها حرام وفيه أدلة علي أنها حلال !
لم أستغرب أبدًا أن يتم تعيين هذا الدكتور الشيخ عضوًا بعدها في البرلمان ورئيسًا للجنة الدينية
حتي إنني كنت أتخيله ينظر للدكتور فتحي سرور قبل أن يتكلم
ويسأله: عايزها حلال أم حرام؟



ابراهيم عيسى – جريدة الدستور

[مهندس محمد عبد الرحيم]

عايزينها تبقى خضرا
هههههههههههههههههه
هو اللى بيحصل فينا ده قليل
صدقينى يا استاذة انا مش مستغرب
لان اللى بيحصل اكتر من كده بكتير
وربك هو الستار
استاذة هناء سعدت بالطرح الرائع
وبجد بجد حاجة تكسف ان ده يبقى حال علمائنا النهارده
تقبلى مرورى بكل ود

[مدحت زيدان]

عايزها حلال أم حرام؟


هى دي سبب بلوتنا الكبري

تفصيل الدين على هوى مصلحة الحاكم

لغاية لما طلع لنا أنبا أسمه بيشوى أفتى أن القرآن أتحرف

وعلشان يتجمال قال (بعد وفاة نبي المسلمين)

ولسة مولانا الإمام الأكبر بيحضر رد

غصب عنه ...لازم الأول يستشير الناس اللى فوق

عاوزينها خضرا ولاحمرا

[فتحي عيسي]

الأستاذة الفاضلة هناء
شئ طبيعي جدا ولا داعي للإستغراب فهذا حال القنوات الفضائية
المنتشرة في أرجاء الوطن العربي السعيد
كله بقي متشابه كله عايز يكسب وبس
ربنا يرحمنا برحمتة ويتوب علينا
شكرا علي هذا الطرح القيم
لقلبك السعادة
ولروحك الصفاء