زبالة وعشوائية

[مدحت زيدان]

الزبالة والعشوائية مشكلة من مشكلات مصر الكبيرة، حتى إنها أضحت سمة ترتبط بشعبنا فى عيون العالم بالإضافة إلى عيوننا


هذا من ناحية ومن ناحية أخرى، حتى أكون منصفا فأنا أعتقد أن «سوء الإدارة» أحد سببين أساسيين لنشأة هذه المشكلة

السبب الثانى هو «ضعف الوعى بواجبات وحقوق المواطنة» بين الناس وبعضهم وذلك لعلمى اليقينى به الثابت عن طريق الملاحظة والمشاهدة، فمعظم الناس إن اهتموا بنظافة دواخل بيوتهم، فإنهم لا يأبهون بالمرافق المشتركة بدءاً من الميادين والشوارع والأرصفة حتى سلالم بيوتهم

[هناء محمد]

طب يا استاذ مدحت مش نشوف اهتمام من روساء الحى الاول عشان احنا نهتم
عارف حضرتك انا واخواتى بننزل الشارع وبنخلى كل المحلات اللى فى الشارع تنظف ادامها - وكل التصليحات او اى مشاكل بنواجهها بتبقى على حسابنا احنا سكان الشارع - عملا بمبدأ بيدى لا بيد عمرو ليه ؟ كل اهتمام المحافظ بالشوارع الرئيسية فقط انما الشوارع الجانبيه او المتفرعه ولا حياه لمن تنادى - واكبر مثال اننا بندفع قيمه الزباله مع فاتورة الكهرباء شهريا ومش بنشوف حد لابيجى ولا يحزنون بالاضافه الى مرتب الزبال الاساسى الشهرى اللى استحاله نقدر نستغنى عنه وعشان هو عارف كده كويس اااااااااااخر تناكه ولا نقدر نتكلم والا عارفين مصيرنا كويس ( اصله عملها فينا مرة ) واتحيلنا عليه عشان يرجع .

العيب مش فى الناس يا استاذ مدحت - الناس عندها استعداد تبقى كويسه - بس الغوا بس نظريه وانا مالى من القاموس وانتو هتشوفوا العجب .

[مدحت زيدان]

صحيح ياأم علياء المسؤلين مقصرين جدا وقاعدين فى مكاتبهم

لكن انا بشوف بعنيا ناس بترمى الزبالة من البلكونات

وبشوف اللى بيروح لصندوق القمامة وقبل الصندوق ب5 متر يرمى الزبالة

الناس عليهم قدر غير قليل من المسؤلية

مش كل الناس زيكم بينضفوا شوارعهم

[بسمة وزهرة]

فعلا استاذ مدحت بجد اصبحت معظم احياء مصر كلها زباله
على فكرة مش الحكومة السبب او رئيس الحى كما قالت حبيبتى هناء
لا احنا لازم نتغير الاول ونحافظ احنا على بيوتنا وبيئتنا
كل ست مشكورة تنظف بيتها ومش مهم السلم ولا الشارع وارمى بقى
تشوف الست اخر شياكة والبارفان من بعد امتار وماسكة فى ايديها كيس اسود وترميه باعلى يديها فى وسط الشارع وكذلك الرجل
كل دا ليه لتوفير حق الزبال اللى اصله بيشيلها ويعك نفسه وبيوديها فى اماكنها المخصصه
صدقنى لو كل واحد اهتم بشارعه بجد هنكون احسن من الدول المتحضرة

شكرا استاذ مدحت

[مدحت زيدان]

منووووووووووورة ياسيدة الحوار الراقي

لاحرمنا الله من طلتك البهية

[مهندس محمد عبد الرحيم]

استاذنا الفاضل / الفارس مدحت
انا متفق معك كل الاتفاق أن العيب مش فى الإدارة وحدها ولكن هناك قلة وعى عند الناس
ومع ان زى ما الأستاذة هناء وضحت ان بعض المواطنين عندهم حس ناضج وفعلا بيعملوا اللى عليهم واكتر
لكن صدقينى يا استاذة هناء فيه ناس كتير ماعندهمش احساس وأخر استهتار وانا اسف للالفاظدى بس بجد مش لاقى كلام تانى اقوله
امبارح بالذات ناس جيراننا جابو لودر على حسابهم ونظفوا الشارع بطوله خلوا المنطقة كلها أخر نظافة
تفتكرى حصل ايه
واحد من الناس ال تيييييييييت راح سايب شنطة زبالة كبيرة فى وسط الشارع يعنى قمة الاستهتار بمجهود الناس
حقيقى الحى والناس اللى فيه اخر طناش لكن برده احنا مازلنا غير متعاونين على الاطلاق
نقول ايه ربنا يصلح الحال ونرجع تانى لايام زمان لما كان الناس بتراعى شعور جيرانها ولا تؤذيها بالزبالة ولا بغيرها
اشكركم ولكم منى التحية

[مدحت زيدان]

مشكور الغالي أبو خالد على مرورك الألق

أحنا سكان حي واحد وشايفين بعنينا المأساة

[هناء محمد]

والله يا جماعه الشارع اللى انا ساكنه فيه معينين راجل كبير فى السن وصاحب اول بيت فى الشارع عيناه عمده ههههههههههههههههه
اه والله العظيم - على المعاش - كل شغله مش بيخلى حد يقرب ناحيه الشارع ولا فيه اهمال ولا يحزنون - احنا لو شفنا حد معدى ست ولا راجل وبيرمى زباله يومه مش بيعدى .
بس بردوا عن اقتناع تام ان عمر الحكومة ما هتعمل حاجه لازم الناس هى اللى تعمل ويكون فيه رقيب لو استنينا المحافظ ولا الحكومة يبقى مش هنخلص .

[مدحت زيدان]

طبعا ياأم علياء لابد أن يكون فيه مبادرة من الناس ولاينتظرون خروج خروج المسؤلين من مكاتبهم

لكن رغم عظم المسؤلية الملقاة على عاتق المسؤلين إلا أن فيه سلوكيات ليست بالقليلة فى سلوكيات الناس تجاه نظافة الشارع والحى وحتى العمارة التى هى عنوان لهم