لابد من حل عاجل

[عبد الرحمن محمد]

استمرار العنف بالمدارس: مدرسان يعتديان على تلميذين بالضرب..


الطالب أحمد محمد على الذى تعرض للاعتداء فى الإسماعيلية
استمراراً لموجة العنف التى تشهدها المدارس، تقدم وليا أمر تلميذين بالمرحلة الابتدائية فى الغربية ببلاغين يتهمان فيهما مدرساً ومدرسة بضرب ابنيهما وإصابتهما بجروح قطعية وكدمات.

كان اللواء رمزى تعلب، مدير أمن الغربية، تلقى بلاغاً من ياسر محمود، ولى أمر التلميذ «حسين»، ١١سنة، بالصف الخامس الابتدائى بمعهد «خرسيت الابتدائى» بطنطا، يتهم فيه هدى فتوح، مدرسة، بالتعدى على نجله وإصابته بكدمات أثناء لعبه مع زملائه بالفصل.

واتهم محمود فاضل، ولى أمر «إسلام»، التلميذ بمعهد الإمام الشافعى النموذجى الابتدائى بالمحلة، فى بلاغ لقسم أول المحلة الكبرى، حسنين المسيرى، مدرس الرياضيات، بالتعدى على نجله بالضرب مستخدماً عصا خشبية، عقاباً له بسبب العبث بجرس المدرسة أثناء الفسحة، مما أصابه بجروح قطعية وكدمات.

---------------------------------------------------------------------------------------------------------------------------------------

بجد والله لابد من وضع قانون لحماية التلاميذ من هذه الأعمال اللاإنسانية

ولابد يكون فيه نظام تربوي راقي لمعاقبة التلاميذ

ولكن كيف سيتم إنهاء هذه المهزلة والفصل فيه أكتر من 50 تلميذ؟

مشكلة معقدة ومتشابكة

ولكن التلميذ لابد من حمايته فورا وبعدين يفكروا كيف يحلون المشكلة

[بسمة وزهرة]

اخى العزيز سبق ان قلت لك ان وجودك راقى جدا

ولكنى اختلف معك هنا

واسفه للمثل البلدى دا

اللى ايده فى الميه مش زى اللى ايده فى النار

اخى يوجد عقاب للتلميذ بطريقه تربويه بالفعل
وقانون الطفل ينص على هذا ولكن من يحمى المدرس الغلبان من جبروت ولى الامر

ومثل ما قلت فى فصل اكتر من 50 تلميذ

للاسف هذه الاحصائيه متاخرة

الفصل الان به 125 تلميذا

وياريت تسال فى مدارس صفط وبولاق وشوف الكثافه ونوعيه اولياء الامور

مشكور اخى ومتابعه

[مدحت زيدان]

فعلا كما قال الاستاذ عبد الرحمن أنها مشكلة متشابكة

يعنى فيها اطراف متعددة

التلميذ والمدرس والإمكانات المحدودة

لابد من حل

لايمكن نترك التلميذ ولاحتى المدرس ضحية

[مدحت زيدان]

ماهو الحل فى ظروف إمكانات محدودة؟

[هناء محمد]

والله يا جماعه انا ليا رأى ارجو ان تتقبلوه منى بصدر رحب

الوزير اللى فات كان بيؤكد محدش من المدرسين يمد ايده على تلميذ ويضربه ولايكلمه ده شجع او خلى التلاميذ واولياء الامور بصراحه واسفه للكلمة يستهبلوا - كل ما مدرس يتكلم كلمة مع تلميذ يجرى ولى الامر ويعملوا محضر فى القسم - طب ما زمان المدرسين بتوعنا هرونا ضرب محدش كان بيفتح فمه بكلمة وكنا بنحترم مدرسينا جدا - لاننا كنا عارفين انهم عاوزين مصلحتنا - اول امبارح بنتى جت تعيط وتصرخ وتقولى عندى اكئتاب ( رابعه ابتدائى ) ليه يا ابنتى فيه ايه ؟ مدرسة العربى زعقت شوية معاها عشان جابت فى الاملاء 6.5 من 10 !!!!!!!!!!!!!! لا وعاوزانى اتخانق مع الميس - ما كان منى الا فهمت بنتى انها غلطانه لانها عاوزه مصلحتها - فالتلميذ فعلا احيانا بيسوق فيها -
المدرس بقى اعتقد انه لو كان لاقى حقه فى البلد دى ولاقى مكانته وراتبه معقول كان حالو بقى احسن من كده - وكانت كل حاجه اتغيرت - بالذمه بتنادى الحكومة ( نقضى على ظاهرة الدروس الخصوصية ) والظاهرة لسه موجوده - يعنى بالذمة هو المدرس غاوى تعب ولف على رجليه من صبحية ربنا لغاية منتصف الليل - حكومتنا الرشيدة لو ادت المدرس راتب معقول هتريح الكل هنريح ونستريح الناس مش غاوية تعب .

والله العظيم انا زوج اختى مدرس اول كيمياء راتبه بعد الكادر - 900 جنيه - وعنده بيت واولاد فى التعليم بالله عليكم حتى يقولنا يعمل ايه ؟

لا حول ولا قوة الا بالله العلى العظيم

تحياتى العطره

[مدحت زيدان]

ياأم علياء يعنى شايف أن لامانع من الضرب


لكن أنا بقول لابد من إلغاء الضرب وفى نفس الوقت إيجاد وسيلة عقوبة صارمة بديلة لمعاقبة التلميذ

ولازم نشوف حل لمشكلة المدرس

المشكلة متشابكة وللأسف الإمكانات محدودة

[مجدى ابن النيل]

أستاذ عبد الرحمن محمد

تحياتى لك وكما قالت لك الإخت الفاضلة بسمة وزهرة اللى أيدة فى المية غير اللى أيدة فى النار أتحدى أى حد من هواة الكلام أن يقعد فى أى فصل دراسى حصة كاملة دون أن ينهارعصبيا أن لم يلوح بالعنف ولو بالأشارة خاصة فى مدارس عامة الشعب فى كل أرجاء مصر دعك من المدارس الخاصة والناس الوصلة اللى بتقدر توصل للأعلام يكفى أن نسبة عالية من المدرسين مريضة بالسكر والضغط فى مدرسين يامة متبهدلين وش قدرين يتكلمو علشان الدروس وتانين مدلعين العيال علشان الدروس بردةوالعيال بتدفع علشان تتحكم بفلوسهم وطول ما الطالب بيقول للمدرس حأروح أعملك محضر وتقرير طبى وأحبسك أية النتيجة علشان تمنع الضرب أرفع شأن المدرس المادى والمعنوى أعطية مكانة وكرامةوأقضى على الدروسأوأخلى الطالب أنسان ومنع البزخ فى المدارس طالب جايب فطار كنزى وتفاح وزميلة جايب رغيف حاف ومش من حق المدرس يقول ممنوع التفاح

[مدحت زيدان]

أتحدى أى حد من هواة الكلام

ياابن النيل اللى كتب ينتقد ضرب التلاميذ مش من هواة الكلام

ده دخل يقول الضرب للحيوان شئ غير مقبول

فما بالنا ضرب التلاميذ

وأعتقد أنك لو راجعت الموضوع والردود هتجد أن فيه أتفاق أن المشكلة متشابكة

يعنى محتاجة حل لموضوع ضرب التلاميذ

وأيضا محتاجة حل لظروف المدرس وتكدس الفصول

وفى نفس الوقت الإمكانت المتاحة محدودة

يعنى لم نطالب بحل مشكلة ضرب التلاميذ فقط

[مجدى ابن النيل]

أستاذى مدحت زيدان
أنا معك وضد الضرب للضرب والضرب المبرح أنا مع التهوبش والتخويف فقط لأن طالب اليوم يخاف ما يختشيش لكن ضرب الغباوه أنا ضدة لأن ما لا أرضة لنفسى لا أرضة لغيرىوحين قلت هواة الكلام لم أقصد من بالموضوع ولكن الأعلامين والقناوات الفضائية وكاتب الموضوع أ /عبد الرحمن محمد رجل فاضل يبحث موضوع هام ونحن معة والأختلاف فى الرأى لا يفسد للود قضية

[مدحت زيدان]

كاتب الموضوع مدحت زيدان يا عزيزى

والهدف من الموضوع كان أيجاد حل للمشكلة المتشابكة برمتها وليس للتلميذ فقط