**(( خاطرة محزنة ))**

[ابوانور]

لحظة عمر

انت معي .. وانا معاك
وكن في هالدنيا محد سواك
بين ضلوعي أحضنك
وبقوة إيديني أحملك
وخايف عليك
شفت فيك أيامي
بنيت معك أحلامي
وتذكرت العمر اللي مضى
وأحلى وقت معك انقضى
تذكرت احتياري وأنا أختار إسمك
وكيف إني في خاطري أشوف رسمك
ولا وإنت في حشا أمك
تخيل.. أخاف عليك حتى من دمك
ويوم إنك في إيديني صغير
وبشروني عنك
وصرت من الفرحة أطير
قلت بهديه عمري
بهديه فرحي

بهديه أغلى أثماني
ما ودي من شي أمنعه >>
ولا عن حضني أبعده
لو يطلب النجوم
أو حتى النظر والعيون
أبد ما ودي أحرمه>>
يا فرحتي يوم إني سمعت منك حروف
تنادي بها علي بلحن عطوف
و أول خطوة لك
وعيوني تناظرك بلهفة وتشوف
زاحت عن القلب العنا وكل رعشة خوف
وشفتك يالغالي في المدرسة ..والجامعة
وانت بأحسن حالاتك
وزادك العلم رفعة وعلا من ذاتك
تدري
ودي أشوفك طبيب . . . لجروح الناس مداوي>>
أو حتى عقيد . . . لهذا الوطن حامي>>
مو مهم
المهم إنك سعيد
والفرح في حياتك هو الشي الأكيد
أسابق الوقت في خيالي
وتخيلك في عز الشبابي
وإنك الليلة عريس
الليلة عيد وفرح .. الليلة ميلادي
الليلة بهجتك .. عرسك .. وهذا اللي كان مرادي>>
وارجع من غفوتي .. واصحى من غفلتي
صوتك وإنت في أحضاني
شل تفكيري ولون زماني
إي .. هذي ضحكتك يانور وجداني
إي .. علي هالضحكة وبدد أحزاني
وصوت أنفاسك أحسه يحتويني
كن الهوا اللي في صدري من أنفاسك يرويني
بين أحضاني أضمك .. ودي أعطيك كامل حناني
ودي مع النبض أحسك تسري وتجري بكياني


صمت ... سكون ... كني غبت عن هالكون

أدور عليك .. وينك يا روحي أبيك

لقيت الدنيا غير
واللحظة اللي عشتها غير
كانت فرح وهنا
والحين شقا وعنا>>
حملتك .. وضميتك على صدري
إضحك! سولف! ترى ما يحتمل صبري
إبكي! صارخ! لوحتى تضربني
وين أنفاسك
أرجوك صمتك يذبحني
جريت بالمشفى
أسأل عن حالتك وأترجى
دخل الاطبا والممرضين
وحاولو في جسدك الضعيف المسكين>>
وأنا النار في جوفي تحرقني
والأنفاس في صدري من الخوف تسبقني>>
والخبر جا بكل هدوء وصمت
إبنك . . . توفى >>
وكني بهالخبر صرت عن العالم بمنفى
قتلتك بإيديني يالغالي
يا من بنيت عليه كل آمالي
جا اليوم اللي ماحسبت حسابه
وشفتك حلم لحظة باقي منه سرابه
رجعت لأمه
قالت : وين الولد لاجل أضمه؟
قلت لها : خذي
ترى هذي باقي ثيابه
الناس من حولي
وفي عيونهم نظرة عتاب
محد شعر بناري اللي سعيرها في داخلي لهاب
محد فهم وش هو السبب
ولآموني بغرابة
وصدق من قال : العمر لحظة
لكنها معي اليوم سراقة
لحظة
شفته فيها طفل يكبر ..لين وصل شبابه
ونفس الوقت انتهت حياته
وأنا أحد أهم أسبابه
فارقت الدنيا .. وطيفك عني أ بد ما غاب
أشوفك أقرب من أنفاسي .. وللعين أقرب من الأهداب>>
وتبقى الحرقة في قلبي لين يعدوني من الشياب
وما يعوضني عنك أحد ولا حتى أغلى الأحباب
ما ودي أحطك بالأرض .. ولا أغطيك بالتراب
لكن هذي حكمة الخالق خطها بالسنة .. والكتاب>>
والروح في الجسد من ربي أمانة
والموت حق على كل إنسان في زمانه
سامحني يانبضي الراحل
على غفوتي
على غفلتي
سامحني على لحظةمن عمري سرت
بين الفرح والحلم لكن .. مضت>>
وتظل بقلبي جرح .. ما يبرى >>
وتظل بروحي .. أغلى ذكرى>>
النهايه
الله يحفظكم ولا تنزل الدمعه على عزيز
امين
تحياتي

[منى كمال]

جميل ما خطت اناملك هنا ابو انور

الله لا يحرمنا ابداعك

[د/محمود رجب]

أخى العزيز أبو أنور

رائعة تلك الكلمات

دمت ودام عطاؤك الجميل

د/ محمود رجب

[ابوانور]

السلام عليكم ورحمة الله وبركاته


الأخ العزيز /

**(( د. محمود رجب ))**

الأخت القديرة /

**(( الأديبة ** منى كمال ))**

شرفني تواجدكم وزدت بردكم المضئ لأحرفي

يالروعة هالأحرف في متصفحتي المتواضعة

لا تحرمونا من هالتواصل

دمتم بحفظ الرحمن

[ام الحلوين]

http://www.aldorr.com/vb/photos/101.gif
http://www.aldorr.com/vb/photos/108.gifhttp://www.aldorr.com/vb/photos/108.gifhttp://www.aldorr.com/vb/photos/108.gif
اخي الكريم
http://www.aldorr.com/vb/photos/107.gifابو انور http://www.aldorr.com/vb/photos/107.gif
الف شكر على الخاطره
التى برغم حزن كلمتها الى انها رائعه
دمت بكل خير
http://www.aldorr.com/vb/photos/108.gifام الحــ (صائدة الخواطر)ــلوين http://www.aldorr.com/vb/photos/108.gif
http://www.aldorr.com/vb/photos/101.gif

[رحيل]

تذكرت احتياري وأنا أختار إسمك
وكيف إني في خاطري أشوف رسمك
ولا وإنت في حشا أمك
تخيل.. أخاف عليك حتى من دمك
ويوم إنك في إيديني صغير
وبشروني عنك
وصرت من الفرحة أطير
قلت بهديه عمري
بهديه فرحي

كلمات مفعمة بالحب الصادق والمشاعر الصادقة

دمت ودام قلمك الطيب

تحياتي

رحيــــــــــــــل