حتى ابليس هاجر الى كندا ( من اجمل ما سمعت من الشاعر على سلامة)

[مهندس محمد عبد الرحيم]

من اجمل ما سمعت من الشاعر على سلامة

******************

على باب سفارة كندا

حتى ابليس هاجر الى كندا ...

على باب سفارة كندا.. لمحت ابليس و ف ايده استماره..

بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد...

ومش محتاجين شياطين .. مليش عيش ف دي البلاد..

.....



بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل ... و تمشوا ف جنازة المقتول..

ومفيش مشاكل..



يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .. ولا كمساري ف اتوبيس..



يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..



يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده

[مدحت زيدان]

يااااااااااااااه ياابو خالد

يالها من سخرية

لكن حقيقة هى ترجمة لواقع نعيشه للأسف

سلمت أنامل الناقل وأنامل المنقول منه

[احمد الهاشمى]

هههههههههه

سبحان الله

شرالبلية مايضحك

مشكورسيدي

تحياتي

[مهندس محمد عبد الرحيم]

يااااااااااااااه ياابو خالد

يالها من سخرية

لكن حقيقة هى ترجمة لواقع نعيشه للأسف

سلمت أنامل الناقل وأنامل المنقول منه

شفت يا باشا
حتى ابليس ما استحملش تعاملاتنا مع بعض
وهج على كندا
شكرا استاذ مدحت لمرورك الكريم

[مهندس محمد عبد الرحيم]

هههههههههه

سبحان الله

شرالبلية مايضحك

مشكورسيدي

تحياتي

شفت بقى يا استاذ احمد
ابليس نفسه ما استحملش اللى احنا بنعمله فى بعض وراح طفشان على كندا
اكيد عرف اللى حصل لحضرتك من شريكك فى العمل
وقال كده بقى انا ماليش قعاد فى البلد دى
ده ابليس نفسه ما يعملش كده فى شريكه
شكرا اخى العزيز على المشاركة ولك من كل ود