كل مــــرة

[حسني عبدالله جاد]

http://a7lamee.com/up_a7lamee/uploads/21160c903a.gif
كنت بسأل كل مرة

شفت فيها طيف خيالك

مين دي بس اللي بجمالها

خلى عقلي مش معايا

رد قلبي بيجاوبني

هيه دي اللي مقسومالك

هيه دي اللي غطى نورها

كل افراحي وهوايا

http://a7lamee.com/up_a7lamee/uploads/21160c903a.gif
والقى نفسي بتحاسبني

انت إيــــــه اللــي جـــرالك

لما عشت ايام بطولهـــــا

وانت مابتسمع ندايا

http://a7lamee.com/up_a7lamee/uploads/21160c903a.gif
انت لو بس تطاوعني

روح لاغيها وخد ف بالـــك

اما تبقى معاها خــــــــدها

جوه قلبك ف الحنايا

http://a7lamee.com/up_a7lamee/uploads/21160c903a.gif
حتى عيني بتكايدنـــي

لما شافت نــــــــور جمالـك

من يوميها ناسيه نومــهـــا

وجاتني تحكي من البداية

http://a7lamee.com/up_a7lamee/uploads/21160c903a.gif
العين عيوني

دي اللي شافت حسنها

والقلب قلبي

دا اللي حس بهمسهـــــــا

والنفس نفسي

دي اللي حبت رسمهــــــــــا

أما اللي خلت كل دول

رهن لإشارة منها

هوه إنتي ياللي في كياني

صاحية نايمة للنهاية

http://a7lamee.com/up_a7lamee/uploads/21160c903a.gif
ياللي وحدك ساكنة قلبي

مانتي حبك غير طبيعــــــي

طب تعالي بس جمبـــــــي

ياورده باقية من ربيعي

أول المشوار معاكــــــي

وآخرة المشوار كمــــان

كلمة الحب اللي عنــــدي

عايز اقولها واعيد كمان

ياللي روحك حته منــــي

ياريتني شوفتك من زمان

http://a7lamee.com/up_a7lamee/uploads/21160c903a.gif
مع تحياتي
الشاعر
حسني عبدالله جاد
عاشق الورد

[ابوانور]

السلام عليكم ورحمة الله وبركاته

أخي الفاضل/

الشاعر **(( حسني عبد الله ))**حفظه الله

رنين صادق يعزف الحان الحياة

تشدوا به الأشجان

وطيور تحلق في السماء **وتهتف

العصافير فرحا **-

قدومك إلينا ووجودك معنا زادنا فرحا وسرورا

ولأجلك ولكلماتك الرائعة نفرش الأرض بدل التراب زهور

دمت في حفظ الله

[منى كمال]

الشاعر حسنى عبد الله جاد دعنى اولا ارحب بك فى منتداك همس القلوب

نورت المنتدى بطلتك الذهبية

نتمنى المزيد من هذا الابداع فنحن بحاجة لمثل تلك القصائد الزجلية لتنير ربوع منتدانا

مودتى

منى

[هل ترانا نلتقي]

مشكور أخي الكريم على الكلمات الرائعة

سلمت يداك

خالص تحياتي